ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ក្រសួងការងារ និងបណ្តុះបណ្តាលវិជ្ជាជីវៈប្រកាសប្រឡងប្រជែងជ្រើសរើសក្របខណ្ឌមន្ត្រីគ្រប់គ្រងរដ្ឋបាលថ្មី ចំនួន២០កន្លែងលើជំនាញរដ្ឋបាល នីតិសាស្ត្រ គ្រប់គ្រង ព័ត៌មានវិទ្យា សេដ្ឋកិច្ច អក្សរសាស្ត្រភាសាបរទេស ធនាគារនិងហិរញ្ញវត្ថុ ទំនាក់ទំនងអន្តរជាតិ និងគណនេយ្យ។
ចំពោះលក្ខខណ្ឌនៃការជ្រើសរើស គឺបេក្ខជនត្រូវមានអត្តសញ្ញាណប័ណ្ណឬលិខិតឆ្លងដែនជាសញ្ញាតិខ្មែរ, មានសញ្ញាបត្របរិញ្ញាបត្រ ឬសញ្ញាបត្រសមមូល, ត្រូវមានអាយុច្រើនបំផុត៣៥ឆ្នាំ, មានសញ្ញាបត្របរិញ្ញាបត្រជាន់ខ្ពស់ឬសញ្ញាបត្រសមមូល ត្រូវមានអាយុច្រើនបំផុត៤០ឆ្នាំ។
បេក្ខជនមានសញ្ញាបត្របណ្ឌិត ឬជាមន្ត្រីរាជការ ត្រូវបានលើកលែងលក្ខខណ្ឌអាយុ, បេក្ខជនជាមន្ត្រីរាជការត្រូវមានលិខិតអនុញ្ញាតឱ្យចូលរួមប្រឡងពីប្រធានក្រសួង ស្ថាប័នសាម៉ីហើយក្រោយពេលប្រឡងជាប់ជាស្ថាពរត្រូវរៀបចំផ្ទេរក្របខណ្ឌ។ បេក្ខជនជាមន្ត្រីរាជការត្រូវបានរក្សាអតីតភាពការងារ ប៉ុន្តែមិនរក្សាមុខតំណែងគ្រប់គ្រង ក្នុងនោះ បេក្ខជនជាជនពិការដែលអាចបំពេញការងារបានផ្តល់អាទិភាព។
សម្រាប់វិញ្ញាសាប្រឡង រួមមាន ចំណេះដឹងទូទៅ និងវិស័យការងារ និងបណ្តុះបណ្តាលវិជ្ជាជីវៈ រយៈពេល ២ម៉ោង និងភាសាអង់គ្លេស (QCM) រយៈពេល ១ម៉ោង៣០នាទី។
បេក្ខជនដែលមានចំណាប់អារម្មណ៍អាចមកទទួលពាក្យចាប់ពីថ្ងៃផ្សាយដំណឹងនេះរហូតដល់ថ្ងៃទី២៨ ខែមេសា ឆ្នាំ២០២៣ វេលាម៉ោង១៧:០០នាទីល្ងាច។ អាសយដ្ឋាន នៅទីស្តីការក្រសួង (នាយកដ្ឋានរដ្ឋបាល និងបុគ្គលិក) អាសយដ្ឋាន អាគារលេខ៣ មហាវិថីសហព័ន្ធរុស្សី សង្កាត់ទឹកល្អក់១ ខណ្ឌទួលគោក ជាន់ផ្ទាល់ដី ជាប់វិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ៕
