ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រុមនិស្សិត និងសាស្ត្រាចារ្យនៃវិទ្យាស្ថានបច្ចេកវិទ្យាកម្ពុជា (ICT) បានទទួលជ័យលាភីលេខ១ ក្នុងការប្រកួត MRC River Monitoring Technology Competition លើប្រភេទវិញ្ញាសាការបង្កើតឧបករណ៍វាស់ទឹកភ្លៀង នៃសន្និសីទអន្តរជាតិនិងកិច្ចប្រជុំកំពូលរបស់គណៈកម្មការទន្លេមេគង្គ (4th MRC Summit) ។ កម្មវិធីនេះ បានប្រព្រឹត្តទៅចាប់ពីថ្ងៃទី៣០ ខែមីនា ដល់ថ្ងៃទី០៥ ខែមេសា ឆ្នាំ២០២៣ នៅសាធារណៈរដ្ឋប្រជាមានិតឡាវ ។ នេះបើតាមការប្រកាសព័ត៌មានរបស់ក្រសួងអប់រំ យុវជន និងកីឡា ។
ឧបករណ៍វាស់ទឹកភ្លៀងឈ្មោះ Spinning Bucket Rain Gauge បានអភិវឌ្ឍឡើងដោយក្រុមនិស្សិតវិទ្យាស្ថានបច្ចេកវិទ្យាកម្ពុជា មានគោលដៅវាស់ទឹកភ្លៀងដោយប្រើវិធីសាស្ត្រទាញចេញពីចលនារហាត់ទឹកខ្មែរពីបុរាណ ។ ទិន្នន័យដែលទទួលបានពីការវាស់ទឹកភ្លៀងដោយស្វ័យប្រវត្តិនេះ ត្រូវបញ្ជូនទៅកាន់ឧបករណ៍ទទួលព័ត៌មានពីចម្ងាយ ។
សូមជម្រាបថា ឧបករណ៍វាស់ទឹកភ្លៀងរបស់ក្រុមនិស្សិតមកពីវិទ្យាស្ថានបច្ចេកវិទ្យាកម្ពុជា ទទួលបានជ័យលាភីលេខ១ ក្នុងការប្រកួត MRC River Monitoring Technology Competition និងទទួលបានពានរង្វាន់ មេដាយកិត្តិយស និងទឹកប្រាក់ចំនួន ៥ពាន់ដុល្លារអាមេរិក ។ កម្មវិធីនេះ មាននិស្សិតពីសាកលវិទ្យាល័យ ៤ប្រទេសក្នុងអនុតំបន់ទន្លេមេគង្គ រួមមាន កម្ពុជា ថៃ ឡាវ និងវៀតណាម និងមានបេក្ខជនចំនួន ១៤ក្រុមចូលរួមប្រកួត ៕
