អ្នកអប់រំ លើកទឹកចិត្តយុវជន​ប្រើប្រាស់ “ទិវានៃក្តីស្រឡាញ់” បង្ហាញ​ការស្រឡាញ់ និង​​គោរព​ទៅកាន់​ឪពុកម្តាយ លោកគ្រូអ្នកគ្រូ និងមនុស្សជុំវិញខ្លួន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

ជារៀងរាល់ឆ្នាំ​នៅថ្ងៃទី១៤ កុម្ភៈ ពិភពលោក​តែងរំលឹកទៅដល់ Valentine’s Day ដែលជាទិវានៃសេចក្តីស្រឡាញ់។ ទោះបីជាមានប្រភពចេញពីប្រវត្តិសាស្ត្រនិងរឿងព្រេងនិទានក៏ដោយ ប៉ុន្តែថ្ងៃ១៤កុម្ភៈ ត្រូវ​បានមនុស្សជុំវិញពិភពលោកប្រើជាឱកាសដើម្បីបង្ហាញនូវសេចក្តីស្រឡាញ់ ចំពោះគ្នាទៅវិញទៅមក។ ​ក្នុងបរិបទប្រទេស​កម្ពុជា នៅឱកាស​ថ្ងៃនៃក្តីស្រឡាញ់ តើយុវជនគប្បីធ្វើសកម្មភាពអ្វីខ្លះ?

អ្នកគ្រូ កឹម ច័ន្ទលក្ខិណា ជាគ្រូបង្រៀន នៃសាលារៀនជំនាន់ថ្មី វិទ្យាល័យព្រែកលៀប មានប្រសាសន៍ថា ថ្ងៃនៃក្ដីស្រឡាញ់ ១៤កុម្ភៈ គឺជាវប្បធម៌បរទេសដែលគេប្រារព្ធឡើងដើម្បីបង្ហាញពីក្ដីស្រឡាញ់ទៅកាន់មនុស្សជាទីស្រឡាញ់ជុំវិញខ្លួនរបស់គេរួមទាំងគូសង្សារ ប្ដីប្រពន្ធ បងប្អូន ឪពុកម្ដាយ ក្រុមគ្រួសារ មិត្តភក្ដិ ឬមិត្តរួមការងារជាដើម។ អ្នកគ្រូបន្តថា តាមពិតវាជាវប្បធម៌ល្អមួយដែលបង្រៀនមនុស្សឱ្យចេះឱ្យ​តម្លៃ ថែរក្សា និងចែករំលែកក្ដីស្រលាញ់ក្ដីស្រលាញ់ទៅកាន់មនុស្សជុំវិញខ្លួន។

អ្នកគ្រូ កឹម ច័ន្ទលក្ខិណា ជាគ្រូបង្រៀនភាសាអង់គ្លេស នៃសាលារៀនជំនាន់ថ្មី វិទ្យាល័យព្រែកលៀប

បើតាម​អ្នកគ្រូ ច័ន្ទលក្ខិណា អត្ថន័យរបស់ ថ្ងៃនៃក្ដីស្រឡាញ់ ១៤កុម្ភៈ ត្រូវគេយល់ច្រឡំថាជាទិវាបុណ្យសម្រាប់តែគូសង្សារប៉ុណ្ណោះ ជាពិសេសនៅក្នុងប្រទេសកម្ពុជារបស់យើង ដែលការយល់ច្រឡំនេះបណ្ដាលឱ្យកើតមានជាភាពឥតសណ្ដាប់ធ្នាប់ និងប្រព្រឹត្តខុសឆ្គងប្រាសចាកពីសីលធម៌ និងប្រពៃណីខ្មែរទៅវិញ។

យ៉ាងណាក៏ដោយ អ្នកគ្រូ កឹម ច័ន្ទលក្ខិណា មានប្រសាសន៍ថា សម្រាប់ថ្ងៃនៃក្តីស្រឡាញ់ យុវជន ឬសិស្សានុសិស្សដែលចង់ចូលរួម អាចចូលរួមបង្ហាញពីការស្រលាញ់ និងការគោរពទៅកាន់ឪពុកម្ដាយ ឬលោកគ្រូអ្នកគ្រូរបស់ពួកគេដូចជា ការសរសេរសំបុត្រថ្លែងអំណរគុណជាដើម ឬពួកគេក៏អាចចូលរួមតាមវិធីវិជ្ជមានផ្សេងទៀតដូចជា ការចូលរួមសកម្មភាពល្អៗក្នុងសាលា រៀបចំសំអាតបរិស្ថាន ឬធ្វើកម្មវិធីសប្បុរសធម៌ជាដើម។ ចំណែកសកម្មភាពដែលមិនគួរធ្វើ គឺមិនត្រូវគេចសាលា ដើម្បីទៅធ្វើរឿងខុសឆ្គងនានាដែលអាចនាំឱ្យមានវិបត្តិ និងការស្ដាយក្រោយខូចអនាគត។

ជាមួយគ្នានេះ អ្នកគ្រូ ច័ន្ទលក្ខិណា ក៏សំណូមពរដល់យុវជនទាំងអស់ សូមកុំមានការយល់ច្រឡំពីអត្ថន័យនៃទិវានៃក្ដីស្រលាញ់ ហើយត្រូវខិតខំរៀនសូត្រ ព្រោះការខិតខំរៀនសូត្រ គឺជាទម្រង់ដ៏ល្អមួយសម្រាប់បង្ហាញពីការស្រលាញ់ចំពោះ ខ្លួនឯង គ្រួសារ ក៏ដូចជាប្រទេសជាតិដែរ។

លោក វ៉ាត ដាលី គ្រូបង្រៀននៃសាលារៀនបែលធី អន្តរជាតិ យល់ឃើញដែរថា ថ្ងៃនៃក្ដីស្រឡាញ់ ១៤ កុម្ភៈ គឺជាថ្ងៃពិសេសមួយដែលប្រារព្ធឡើងសម្រាប់ឱ្យមនុស្សគ្រប់រូបបង្ហាញក្ដីស្រឡាញ់ចំពោះគ្នាទៅវិញទៅមក ដោយ​មិនមែនសម្រាប់តែគូស្នេហ៍នោះទេ ប៉ុន្តែយើងអាចបង្ហាញក្ដីស្រឡាញ់ចំពោះមនុស្សនៅជុំវិញខ្លួនដូចជា ឪពុកម្ដាយ បងប្អូន សាច់ញាតិ លោកគ្រូអ្នកគ្រូ និងមិត្តភក្តិជាដើម ។

លោក វ៉ាត ដាលី គ្រូបង្រៀននៃសាលារៀនបែលធី អន្តរជាតិ

បើតាម លោក ដាលី នៅ​ក្នុង​ឱកាស​ថ្ងៃនៃក្ដីស្រឡាញ់ យុវជន ឬសិស្សានុសិស្សគួរតែបង្ហាញក្ដីស្រឡាញ់ទៅកាន់មនុស្សនៅជុំវិញខ្លួនដូចជា ឪពុកម្ដាយ បងប្អូន មិត្តភក្តិ លោកគ្រូអ្នកគ្រូ ដោយសរសេរជាសារបង្ហាញពីទឹកចិត្តស្រឡាញ់ និងការជូនពរទៅពួកគាត់ ឬអាចទិញផ្កា កាដូរ ឬវត្ថុផ្សេងៗដើម្បីទុកជាវត្ថុអនុស្សាវរីយ៍។ ហើយ​ជាមួយ​គ្នានេះ ក៏​មាន​សកម្មភាពដែល​យុវជន​មិនគួរធ្វើដែរ ដូចជាមិនត្រូវប្រព្រឹត្តទង្វើផ្សេងៗដែលប្រាសចាកពីសីលធម៌សង្គម ដូចជា ការឱបថើប ឬការប្រគល់ខ្លួនប្រាណ ដើម្បីបញ្ជាក់ពីក្ដីស្រឡាញ់នោះឡើយ។

លោកគ្រូ វ៉ាត ដាលី មានប្រសាសន៍ថា ចំពោះក្ដីស្រឡាញ់យើងគួរតែបង្ហាញទៅកាន់មនុស្សជុំវិញខ្លួនជារៀងរាល់ថ្ងៃមិនចាំបាច់តែថ្ងៃ១៤ កុម្ភៈ ទេ ។ លោកក៏សំណូមពរឱ្យយុវជន ឬសិស្សានុសិស្សទាំងអស់ ខិតខំរៀនសូត្រ មានសីលធម៌ក្នុងការរស់នៅ ចេះគោរពច្បាប់ និងគោរពប្រពៃណី ហើយសូមកុំយល់ច្រឡំថាថ្ងៃ១៤ កុម្ភៈ ជាថ្ងៃបុណ្យសង្សារ ជាថ្ងៃដែលប្រគល់ខ្លួនប្រាណឱ្យសង្សារដើម្បីបញ្ជាក់ពីការស្រឡាញ់ ។

សម្រាប់យុវតី ឡាំ សុជាតា និស្សិតឆ្នាំទី២ ជំនាញទំនាក់ទំនងអន្តរជាតិ នៃសាកលវិទ្យាល័យផារ៉ាហ្គន លើកឡើងថា ថ្ងៃនៃក្ដីស្រឡាញ់ ១៤កុម្ភៈ ជាទិវាសកលមួយដែលមនុស្សទូទាំងពិភពលោកប្រារព្ធពិធីនេះឡើង ដើម្បីចែករំលែកសេចក្ដីស្រឡាញ់តាមរយៈការឱ្យជាកាដូ បាច់ផ្កា ឬការសរសេរសំបុត្រ។ ហើយមនុស្សមួយចំនួនទៀត យកថ្ងៃនេះ ដើម្បីសារភាពក្ដីស្រឡាញ់ទៅកាន់មនុស្សជាទីស្រឡាញ់។

យុវតី ឡាំ សុជាតា ជានិស្សិតឆ្នាំទី២ ជំនាញទំនាក់ទំនងអន្តរជាតិ នៃសាកលវិទ្យាល័យផារ៉ាហ្គន

ប៉ុន្មានឆ្នាំចុងក្រោយនេះ នៅថ្ងៃនៃក្ដីស្រឡាញ់ សម្រាប់ សុជាតា តែងតែចូលរួមកម្មវិធីនៅសាលា ដោយមានសកម្មភាពសរសេរសំបុត្របង្ហាញក្ដីស្រឡាញ់ទៅកាន់មិត្តភក្ដិជាដើម។ លើសពីនេះ សុជាតា ក៏បានទិញកាដូបន្តិចបន្តួចជូនមិត្តភក្ដិ និងផ្ញើសារបង្ហាញក្ដីស្រឡាញ់ទៅកាន់ឪពុកម្ដាយ ដោយសារនៅឆ្ងាយគ្នា។

“រីករាយថ្ងៃនៃក្ដីស្រឡាញ់ ខ្ញុំចង់ផ្ញើក្ដីស្រឡាញ់ទៅកាន់មនុស្សជុំវិញខ្លួន ប៉ាម៉ាក់ លោកគ្រូ អ្នកគ្រូ និងប្រជាជនខ្មែរទាំងអស់!”

ជាអ្នកខេត្តបាត់ដំបង យុវតី ឡាំ សុជាតា ក៏បានលើកទឹកចិត្តឱ្យយុវជនទាំងអស់ ត្រឡប់មកគិតថា ថ្ងៃនៃក្ដីស្រឡាញ់ យើងអាចចែករំលែកក្ដីស្រឡាញ់ទៅកាន់មនុស្សគ្រប់គ្នា។ ចំពោះការបង្ហាញក្ដីស្រឡាញ់ ក្នុងថ្ងៃនៃក្ដីស្រឡាញ់ មិនចំពោះតែគូស្នេហ៍ ឬសង្សារនោះឡើយ ប៉ុន្តែក៏ជាការបង្ហាញក្ដីស្រឡាញ់ទៅកាន់ឪពុកម្ដាយ លោកគ្រូ អ្នកគ្រូ មិត្តភក្ដិ ប្ដីប្រពន្ធជាដើម។ ហើយអ្វីដែលមិនគួរធ្វើ គឺការធ្វើរឿងដែលប៉ះពាល់ដល់ខ្លួនឯង និងគ្រួសារ មានការសោកស្ដាយទៅថ្ងៃក្រោយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅ​វិទ្យាស្ថាន​ពហុបច្ចេកទេស​ខេត្ត​ព្រះវិហារ

ព័ត៌មានអាហារូបករណ៍, ព្រឹត្តិការណ៍

• 05/03/2026

សម្រាប់ឆ្នាំ២០២៦នេះ វិទ្យាស្ថាន​ពហុបច្ចេកទេស​ខេត្តព្រះវិហារ បានប្រកាស​ជ្រើសរើស​សិស្ស​ទាំងពីរភេទ (អាយុចាប់ពី១៥-៣៥ឆ្នាំ) ឱ្យ​ចូលរៀន​ឥតបង់ថ្លៃ លើជំនាញចំនួន៦ ដែលកំពុង​មានតម្រូវការ​ទីផ្សារការងារ។

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ UNIL ប្រទេសស្វីស ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 19/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យLausanne នាប្រទេសស្វីសឆ្នាំសិក្សា២០២៤ ។ អាហារូបរកណ៍បើកផ្ដល់សម្រាប់និស្សិតជុំវិញពិភពលោករួម.......

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...

ឱកាសសិក្សាជំនាញវិជ្ជាជីវៈថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 30/04/2025

វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសបេក្ខជន បេក្ខនារី​ និងសាធារណជន ឱ្យសិក្សាជំនាញវិជ្ជាជីវៈថ្នាក់សញ្ញាបត្របច្ចេកទេស និងវិជ្ជាជីវៈ១ ចំនួន៦៦៥នាក់។ ការសិក្សាជំនាញបច្ចេកទេស ផ្ដល់ជូនក្រោមគម្រោងសិក្សា ១លាន៥សែននាក់។

រដ្ឋាភិបាលជប៉ុន ផ្តល់អាហារូបករណ៍ ៤កម្រិត សម្រាប់មន្រ្តីរាជការ សិស្សនិស្សិតកម្ពុជា ទៅបន្ត​ការ​សិក្សា​នៅ​ប្រទេស​ជប៉ុន ឆ្នាំ២០២៧

ព័ត៌មានអាហារូបករណ៍, ព្រឹត្តិការណ៍

• 04/05/2026

នៅក្នុងឆ្នាំ​២០២៦នេះ រដ្ឋាភិបាលជប៉ុន បានសម្រេច​ផ្តល់​អាហារូបករណ៍ ៤កម្រិត ដល់មន្រ្តីរាជការ និស្សិត និងសិស្ស​កម្ពុជា ដើម្បីទៅបន្ត​ការ​សិក្សា​នៅ​ប្រទេស​ជប៉ុន សម្រាប់ឆ្នាំ២០២៧ ដោយ​អាហារូបករណ៍នឹងរ៉ាប់រងសោហ៊ុយ...

កម្មវិធីផ្លាស់ប្តូរការសិក្សា​ទៅសហរដ្ឋអាមេរិក TechGirls ឆ្នាំ២០២៦ ផ្តើមទទួលពាក្យ

ព័ត៌មានអាហារូបករណ៍, ព្រឹត្តិការណ៍

• 05/01/2026

ក្រសួងការបរទេសសហរដ្ឋអាមេរិក បានប្រកាសបើកទទួលពាក្យជាផ្លូវការសម្រាប់កម្មវិធី TechGirls 2026 ដែលជាកម្មវិធីផ្លាស់ប្តូរការសិក្សារដូវក្តៅដ៏ល្បីល្បាញ ក្នុងគោលបំណងលើកកម្ពស់យុវតីក្នុងវិស័យវិទ្យាសាស្ត្រ...

ឱកាសផ្លាស់ប្តូរការសិក្សាអន្តរជាតិ ទៅសាកលវិទ្យាល័យ Sannio ប្រទេសអ៊ីតាលី

ព័ត៌មានអាហារូបករណ៍, ព្រឹត្តិការណ៍

• 02/06/2026

ឱកាសផ្លាស់ប្តូរការសិក្សាអន្តរជាតិ នៅសាកលវិទ្យាល័យ Sannio ប្រទេសអ៊ីតាលី ឆ្នាំសិក្សា ២០២៦-២០២៧...

ឱកា​សសិក្សាជំនាញបច្ចេកទេស និង​វិជ្ជាជីវៈ ឥតគិតថ្លៃ នៅ​វិទ្យាស្ថានពហុបច្ចេកទេស​ខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 10/02/2025

វិទ្យាស្ថានពហុបច្ចេកទេស​ខេត្ត​បន្ទាយមានជ័យ បានប្រកាសផ្តល់អាហារូបករណ៍​ចំនួន ៩៩០កន្លែង សម្រាប់ការ​សិក្សាជំនាញបច្ចេកទេស និងវិជ្ជាជីវៈ ដោយ​ឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និង​ជនចំណាកស្រុក​ដែល​មក​ពី​គ្រួសារក្រីក្រ...

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី British Wellcome Scholarships 2025

ព័ត៌មានអាហារូបករណ៍, ព្រឹត្តិការណ៍

• 27/05/2025

កម្មវិធីអាហារូបករណ៍ British Wellcome Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យផ្សេងៗក្នុងចក្រភពអង់គ្លេស។ អាហារូបករណ៍ផ្ដល់ជូនការសិក្សាពេញលេញ សម្រាប់និស្សិតអន្តរជាតិ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *