ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- វិញ្ញាសាអក្សរសាស្រ្តខ្មែរ ត្រូវបានចាត់ទុកថា គឺជាវិញ្ញាសាដ៏សំខាន់មួយក្នុងការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម្រាប់ថ្នាក់វិទ្យាសាស្រ្តសង្គម។ បើយោងតាមកាលវិភាគកំណត់ដោយក្រសួងអប់រំ សម្រាប់ការប្រឡងបាក់ឌុបឆ្នាំនេះ វិញ្ញាសាអក្សរសាស្រ្តខ្មែរ នឹងត្រូវធ្វើឡើងនៅពេលរសៀលថ្ងៃទី៦ ខែធ្នូ ឆ្នាំ២០២២ ដោយមានរយៈពេលរហូតទៅដល់ ១៥០នាទី ដែលក៏ជាវិញ្ញាសាដែលទទួលបានពិន្ទុច្រើនជាងគេផងដែរ។ ដូច្នេះ តើបេក្ខជនប្រឡងបាក់ឌុប ត្រូវត្រៀមខ្លួន និងធ្វើដូចម្តេចដើម្បីទទួលបានពិន្ទុល្អលើវិញ្ញាសាមួយនេះ?
កញ្ញា សៀក ពេជ្ររចនា ជាអតីតសិស្ស និទ្ទេស B លើមុខវិជ្ជាអក្សរសាស្រ្តខ្មែរ មកពីវិទ្យាល័យព្រះអង្គឌួង ខេត្តព្រៃវែង ហើយបច្ចុប្បន្នកញ្ញាគឺជានិស្សិតឆ្នាំទី៤ សិក្សាជំនាញគ្រប់គ្រងពាណិជ្ជកម្ម, សម្រាប់ការប្រឡងលើវិញ្ញាសាអក្សរសាស្រ្តខ្មែរនេះ កញ្ញាមានគន្លឹះចំនួន ៣ ដើម្បីអាចទទួលបានពិន្ទុល្អ ៖
ទី១. យល់ច្បាស់ប្រធានបទ ៖ ប្រធានបទប្រឡងមុខវិជ្ជាអក្សរសាស្រ្តខ្មែរ រួមមាន ប្រធានបទបែបពន្យល់ បែបពិភាក្សា និងបែបប្រៀបធៀប។ ដូចនេះ សិស្សានុសិស្សត្រូវដឹងថា ជារៀងរាល់ឆ្នាំវិញ្ញាសាប្រឡងបាក់ឌុបចេញប្រធានបទបែបណាច្រើនជាងគេ? តែកន្លងមកជាការមើលឃើញរបស់កញ្ញា គឺវិញ្ញាសាប្រឡងមុខវិជ្ជាភាសាខ្មែរច្រើនចេញប្រធានបែបពន្យល់ច្រើនជាងគេ ។
កញ្ញា សៀក ពេជ្ររចនា
“នៅមុនពេលប្រឡងបាក់ឌុប ខ្ញុំចូលចិត្តអានសៀវភៅច្រើន ដើម្បីដឹងថាអ្នកនិពន្ធចង់បង្ហាញអ្វី ? ក៏ដូចជាដឹងពីរបៀបសរសេរល្បះពីឃ្លាមួយទៅឃ្លាមួយទៀតឱ្យមានអត្ថន័យ។ លើសពីនេះ ខ្ញុំក៏ចូលចិត្តស្ដាប់មេរៀនត្រៀមប្រឡងបាក់ឌុបនៅក្នុងយូធូប ដើម្បីជំនួយជាគំនិតបន្ថែមនៅក្នុងការសរសេរសំណេរផងដែរ”
ទី២. នៅអំឡុងពេលដំណើរការសំណេរ ៖ សិស្សានុសិស្សត្រូវអានប្រធានបទឱ្យបានច្រើនដង តើប្រធានបទនោះចង់បង្ហាញពីអ្វី? តើប្រធានបទចង់សង្កត់ធ្ងន់ទៅលើន័យអ្វី? តើប្រធានចង់បង្ហាញតថភាពសង្គមចំណុចណា? ដូច្នេះ ចាំបាច់ត្រូវគិតបន្តិច មុននឹងសរសេរចូលក្រដាសប្រឡង ដោយអានប្រធានឱ្យយល់ច្បាស់ជាមុនសិន។ ម្យ៉ាងវិញទៀត ជៀងវាងទទួលបានវិញ្ញាសាប្រឡងភ្លាមសរសេរភ្លាមដោយមិនបានគិត និងមិនយល់ច្បាស់ពីប្រធានបទ។
ទី៣. យល់ច្បាស់ពីគ្រោងឆ្អឹងតែងសេចក្ដី ៖ ចំណុចសំខាន់ដែលសិស្សានុសិស្សត្រូវយល់ច្បាស់នៅក្នុងសំណេរតែងសេចក្ដី គឺផ្ដើមសេចក្ដី តួសេចក្ដី និងបញ្ចប់សេចក្ដី។ ត្រង់ចំណុចផ្ដើមសេចក្ដី រួមមាន លំនាំបញ្ហា ត្រូវបង្ហាញអ្វីដែលពាក់ព័ន្ធជាមួយប្រធានបទ ។ បន្ទាប់មក ចំណូលបញ្ហា គឺលើកយកប្រធានបទមកបង្ហាញតែម្ដង ដោយមិនឱ្យបាត់ពាក្យណាមួយរបស់ប្រធាន។ ចំពោះ ចំណោទបញ្ហា គឺលើកពាក្យមកចោទសួរឱ្យស្របទៅនឹងប្រធានបទបែបពន្យល់។
កញ្ញា សៀក ពេជ្ររចនា
“នៅក្នុងប្រធានបទតែងសេចក្ដី សិស្សានុសិស្សអាចលើកយកពាក្យគន្លឹះចំនួនពីរមកពន្យល់បានហើយ ដែលបង្ហាញអំពីហេតុ និងផល ឬគិតថា ជាពាក្យដែលសំខាន់ ព្រមទាំងបញ្ជាក់ពីប្រធានបទឱ្យបានច្បាស់ ដោយជៀសវាងការពន្យល់ពាក្យគន្លឹះច្រើនពេក”
តើធ្វើបែបណាដើម្បីសរសេរបកស្រាយប្រធានបានល្អ? ឆ្លើយនឹងសំណួរនេះ កញ្ញា សៀក ពេជ្ររចនា បន្ថែមថា ចំណុចបកស្រាយប្រធាន ជាចំណុចមួយដែលត្រូវសរសេរច្រើន ដូច្នេះ បេក្ខជនប្រឡងត្រូវបកស្រាយប្រធានធ្វើយ៉ាណាឱ្យបានទូលំទូលាយ មានលក្ខណៈបែបវិទ្យាសាស្រ្ត និងយុទ្ធសាស្រ្តដែលបង្ហាញពីតថភាពបច្ចុប្បន្ន ក៏ដូចជាប្រវត្តិសាស្រ្ត និងរួមបញ្ជូលនូវរឿងអក្សរសិល្ប៍ខ្មែរ។ លើសពីនេះ បង្ហាញគំនិតសំខាន់ៗដើម្បីគាំទ្រប្រធានបទ និងបង្ហាញពីគុណតម្លៃនៃប្រធានបទឱ្យបានកាន់តែល្អ និងកាន់តែមានអត្ថន័យ។
អតីតសិស្សនិទ្ទេស B លើមុខវិជ្ជាភាសាខ្មែររូបនេះ បន្តថា ការបញ្ចប់សេចក្ដី រួមមាន ការវាយតម្លៃប្រធានបទ និងមតិផ្ទាល់ខ្លួនចំពោះប្រធានបទ។ ដូចនេះ នៅពេលវាយតម្លៃប្រធានបទត្រូវលើកសរសើរពីប្រធានបទនោះ ដោយលើកអំពីគុណសម្បត្តិ លើកឡើងអំពីគុណតម្លៃនៃប្រធានបទថា តើប្រធានបទនេះចង់បង្ហាញយើងពីអ្វី? ចង់ឱ្យយើងរៀនសូត្រអំពីអ្វីខ្លះ ដើម្បីឱ្យយើងសិក្សា និងអនុវត្តក្នុងជីវិតបន្ថែមទៀត។
កញ្ញា សៀក ពេជ្ររចនា បានបញ្ជាក់ថា ទោះបីជាសិស្សានុសិស្សជក់សរសេរសំណេរក្នុងការប្រឡងយ៉ាងណាក៏ដោយ នៅពេលឮសូរសំឡេងជួង ១៥នាទីចុងក្រោយ ត្រូវចាប់ផ្ដើមសរុបសេចក្ដីភ្លាម ព្រោះបើមិនធ្វើបែបនេះ អាចនាំឱ្យសរុបសេចក្ដីមិនទាន់ ជាហេតុបាត់បង់ពិន្ទុលើមុខវិជ្ជាអក្សរសាស្រ្តខ្មែរបាន៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈបាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ
ព័ត៌មានអាហារូបករណ៍, ព្រឹត្តិការណ៍
• 20/10/2025
វិទ្យាស្ថានជាតិវិជ្ជាជីវៈបាត់ដំបង ប្រកាសផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...
ឱកាសអាហារូបករណ៍ថ្នាក់បរិញ្ញាបត្ររង និងបរិញ្ញាបត្រ មិនឆ្លងកាត់ការប្រឡង ៣១៥កន្លែង ពី អ.ម.ត
ព័ត៌មានអាហារូបករណ៍, ព្រឹត្តិការណ៍
• 17/09/2026
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត)
តួកគី ផ្តល់អាហារូបករណ៍លើការបណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 13/05/2026
សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋតួកគីយ៉េ បានប្រកាសផ្តល់អាហារូបករណ៍ដល់មន្ត្រីរាជការ និងបញ្ញវន្តកម្ពុជា សិក្សារយៈពេល ៨ ខែពេញ លើការបណ្ដុះបណ្ដាលភាសា និងវប្បធម៌តួកគីយ៉េ សិក្សានៅសាធារណរដ្ឋតួកគីយ៉េ។
អាហារូបករណ៍ BISU 2026 ថ្នាក់បរិញ្ញាបត្រជាន់ខ្ពស់ ជំនាញបកប្រែភាសាបរទេស នៅសាធារណរដ្ឋប្រជាមានិតចិន
ព័ត៌មានអាហារូបករណ៍, ព្រឹត្តិការណ៍
• 17/03/2026
ឱកាសសម្រាប់យុវជន សិស្ស និស្សិត ដែលកំពុងស្វែងរកអាហារូបករណ៍សិក្សាជំនាញបកប្រែ កម្រិតថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Beijing International Studies University។
ឱកាសសិក្សានៅសាកលវិទ្យាល័យ Aarhus ពីកម្មវិធីអាហារូបករណ៍ប្រទេសដាណឺម៉ាក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 06/09/2024
ឱកាសទទួលបានការសិក្សាអាហារូបករណ៍នៅសាកលវិទ្យាល័យ Aarhus ពីកម្មវិធីអាហារូបករណ៍ដាណឺម៉ាកសម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់សម្រាប់មុនវិជ្ជាផ្សេងៗ និងផ្ដល់ជូននិស្សិតអន្តរជាតិជាច្រើនកន្លែង។
ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 18/01/2023
កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយមានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...
ឱកាសផ្លាស់ប្ដូរការសិក្សានៅប្រទេសបារាំងក្នុងកម្មវិធី Young Leaders Union Paris 2025
ព័ត៌មានអាហារូបករណ៍, ព្រឹត្តិការណ៍
• 30/06/2025
កម្មវិធីផ្លាស់ប្ដូរការសិក្សារយៈពេល៤ថ្ងៃនៅទីក្រុងប៉ារីស ប្រទេសបារាំង សម្រាប់និស្សិតអន្តរជាតិ ក្នុងកម្មវិធី Young Leaders Union Paris 2025 កំពុងបើកទទួលពាក្យ។ កម្មវិធីមានរយៈពេលចំនួន៤ថ្ងៃ ដោយគិតចាប់ពីថ្ងៃទី០១ ដល់ថ្ងៃទី០៤ ខែវិច្ឆិកា ឆ្នាំ២០២៥។
វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន៦៥៥នាក់
ព័ត៌មានអាហារូបករណ៍, ព្រឹត្តិការណ៍
• 24/01/2025
ឱកាសសិក្សាជំនាញបច្ចេកទេស និងវិជ្ជាជីវៈចំនួន៦៥៥កន្លែង នៅវិទ្យាស្ថានពហុបច្ចេកទេសកំពង់ឆ្នាំង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាជំនាញថ្នាក់សញ្ញាបត្រជាន់ខ្ពស់បច្ចេកទស (បរិញ្ញាបត្ររង)...
កម្មវិធីពិសេសរបស់ AMS EDUCATION
ព័ត៌មានសង្ខេប
