ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នេះជាលើកដំបូងបំផុតដែលក្រុមហ៊ុន China State Shipbuilding Corporation (CSSC) របស់ប្រទេសចិនបានតភ្ជាប់បណ្តាញបច្ចេកវិទ្យា 5G ដាក់ឱ្យប្រើប្រាស់ក្នុងកប៉ាល់ Adora Magic City ជាកប៉ាល់ទេសចរណ៍មានអ៊ីនធឺណេតល្បឿនលឿនបំផុត និងដំណើរការដំបូងគេបង្អស់ក្នុងពិភពលោកនៅឆ្នាំចុង២០២៣ ។ កប៉ាល់ទេសចរណ៍នេះ មានបន្ទប់ទទួលភ្ញៀវចំនួន ២.១២៥ និងមានសមត្ថភាពផ្ទុកអ្នកដំណើរសរុប ៥.២៤៦នាក់ ។ នេះបើតាមការចុះផ្សាយរបស់សារព័ត៌មាន CGTN ។
លោក Chen Ranfeng នាយកគ្រប់គ្រងក្រុមហ៊ុន CSSC Carnival Cruise Shipping ដែលសហការជាមួយសាជីវកម្ម Carnival ដែលមានមូលដ្ឋាននៅសហរដ្ឋអាមេរិក បាននិយាយថា តាមការគ្រោងទុកកប៉ាល់ទេសចរណ៍ Adora Magic City នឹងដាក់ឱ្យដំណើរការនៅចុងឆ្នាំ២០២៣ ។ កប៉ាល់នេះបានបំពាក់ដោយបច្ចេកវិទ្យាទំនាក់ទំនងឥតខ្សែកម្រិតខ្ពស់ ប្រើប្រាស់បណ្តាញ Wi-Fi6 និង 5G ជួយបង្កើនបរិយាកាសបច្ចេកវិទ្យាកាន់តែទំនើបផ្តល់សេវាកម្មឱ្យអ្នកដំណើរប្រៀបដូចជាការរស់នៅលើដី ។
ជាមួយគ្នានេះ លោកនាយកគ្រប់គ្រងក្រុមហ៊ុន CSSC បានបញ្ជាក់ថា ក្រុមហ៊ុនលោកសហការជាមួយក្រុមហ៊ុន China Telecom នាំយកការតភ្ជាប់ 5G ទៅកាន់កប៉ាល់ទេសចរណ៍ដ៏ធំមួយនេះ ។ ការដាក់ឱ្យដំណើរការបច្ចេកវិទ្យាទំនើបនៅលើកាប៉ាល់ទេសចរណ៍ គឺបានបង្ហាញពីការចាប់យកអត្ថប្រយោជន៍ឈានមុខគេនៅក្នុងទីផ្សារ 5G នៃឧស្សាហកម្មនាវា ព្រមទាំងបានបង្ហាញពីរបត់ទំនាក់ទំនងឌីជីថលទំនើបនៅក្នុងវិស័យធ្វើដំណើរតាមសមុទ្រ ។
គួរបញ្ជាក់ថា កប៉ាល់ទេសចរណ៍ Adora Cruises មានបំពាក់បរិក្ខាទំនើបស្តង់ដាចុងក្រោយនៃបច្ចេកវិទ្យា ហើយបន្ទប់នីមួយៗបំពាក់ដោយឧបករណ៍ប្រើប្រាស់ឆ្លាតវៃ AR/VR និងទូរទស្សន៍ HDTV (មើលរូបភាព និងបង្ហោះរូបភាពកម្រិត 8K) នៅគ្រប់ទីកន្លែង សម្ភារៈសុវត្ថិភាព បន្ទប់ធ្វើការ ភោជនីដ្ឋាន និងកន្លែងកម្សាន្តជាដើម ។ កប៉ាល់ទេសចរណ៍ Adora Magic City បានអភិវឌ្ឍឡើងនៅឆ្នាំ២០១៩ ដោយប្រើប្រាស់ទុនវិនិយោគសរុបប្រមាណជាង ៩០លានដុល្លារអាម៉េរិក៕
