ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការស្រាវជ្រាវថ្មីមួយ បានបង្ហាញពីការកើនឡើងគួរឱ្យកត់សម្គាល់ នៃអាយុសង្ឃឹមរស់ និងគុណភាពជីវិត ក្នុងចំណោមប្រជាជនអូស្ត្រាលី ដែលទទួលបានការអប់រំកម្រិតខ្ពស់។
ការសិក្សាដែលធ្វើឡើងដោយសាកលវិទ្យាល័យ Monash បានរកឃើញថា នៅអាយុ២៥ឆ្នាំ បុរសជនជាតិអូស្ត្រាលី ដែលរៀនចប់ថ្នាក់សាកលវិទ្យាល័យ មានអាយុសង្ឃឹមរស់ជាមធ្យមខ្ពស់ជាង អ្នកដែលបញ្ចប់ការសិក្សាត្រឹមថ្នាក់ទី១១ ឬតិចជាងនេះ រហូតដល់ ៧,៣ឆ្នាំ ខណៈដែលគម្លាតសម្រាប់ស្ត្រីគឺ ៣,៩ឆ្នាំ។
ការសិក្សាក៏រកឃើញផងដែរថា នៅអាយុ ២៥ឆ្នាំ បុរស ដែលទទួលបានការអប់រំចាប់ពីកម្រិតបរិញ្ញាបត្រ នឹងមានគុណភាពជីវិតល្អប្រសើរ ហើយអាចកើនអាយុសង្ឃឹមរស់ជាមធ្យម ១១,១ឆ្នាំបន្ថែមទៀត ហើយស្ត្រី អាចកើនអាយុសង្ឃឹមរស់ជាមធ្យម ៧,៦ឆ្នាំ បើប្រៀបធៀបទៅនឹងអ្នកដែលទទួលបានការអប់រំកម្រិតទាប។
អ្នកស្រាវជ្រាវបានវិភាគទិន្នន័យ តាមរយៈការស្ទង់មតិ ដែលធ្វើឡើងដោយស្ថាប័ន Household, Labor and Income in Australia Survey និង កំណត់ត្រាមរណភាពជាតិ ដើម្បីវាយតម្លៃលទ្ធផលសុខភាព តាមកម្រិតអប់រំក្នុងចំណោមប្រជាជនអូស្ត្រាលី ដែលមានអាយុ ចាប់ពី២៥ឆ្នាំឡើងទៅ។
លោក Zanfina Ademi អ្នកនិពន្ធជាន់ខ្ពស់ និងជាប្រធានក្រុមស្រាវជ្រាវសេដ្ឋកិច្ចសុខភាព និងវាយតម្លៃគោលនយោបាយ នៅសាកលវិទ្យាល័យ Monash បាននិយាយថា «នៅក្នុងការសិក្សានេះ យើងបានយកចិត្តទុកដាក់ លើស្ថានភាពអប់រំ ដើម្បីទទួលបានការយល់ដឹងកាន់តែស៊ីជម្រៅនៅកម្រិតបុគ្គល អំពីរបៀបដែលការទទួលបានការអប់រំ មានឥទ្ធិពលលើអត្រាមរណភាព និងគុណភាពជីវិត ក្នុងប្រទេសអូស្ត្រាលី។»
ការរកឃើញនេះបានគូសបញ្ជាក់ពីតម្រូវការ សម្រាប់គោលនយោបាយគោលដៅ ដើម្បីដោះស្រាយវិសមភាពសុខភាពកម្រិតបុគ្គល ជាជាងការពឹងផ្អែកតែលើសូចនាករសេដ្ឋកិច្ចសង្គមដូចជា តំបន់ដែលពួកគាត់រស់នៅ, នេះបើយោងតាម Ademi ។
ការស្រាវជ្រាវ ដែលធ្វើឡើងជាមួយសាកលវិទ្យាល័យជាតិអូស្ត្រាលី ដើម្បីវាយតម្លៃសុខភាព ដែលផ្ដោតលើសមធម៌កម្រិតខ្ពស់ និងបានគូសបញ្ជាក់ពីតម្រូវការ ក្នុងការត្រួតពិនិត្យវិសមភាពសុខភាព ទាក់ទងនឹងការអប់រំ ហើយបានចេញផ្សាយនៅក្នុងទស្សនាវដ្ដី PharmacoEconomics៕
