ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រលកកម្ដៅក្ដៅខ្លាំងក្នុងប្រទេសអេស្ប៉ាញ បាននាំឱ្យប្រទេសមួយនេះ ហាមឃាត់បុគ្គលិកដែលធ្វើការក្រៅការិយាល័យ មិនឱ្យធ្វើការនៅក្រោមកម្ដៅថ្ងៃ។ អ្នកបោសសម្អាតផ្លូវ អ្នកធ្វើការក្នុងវិស័យកសិកម្ម និងអ្នកធ្វើការសំណង់ គឺស្ថិតក្នុងចំណោមបុគ្គលិកជាច្រើនផ្នែកទៀត ដែលត្រូវបានហាមឃាត់មិនឱ្យធ្វើការ នៅពេលដែលអាកាសធាតុស្ថិតក្នុងកម្រិតហានិភ័យ ឬសីតុណ្ហភាពឡើងខ្ពស់។
រដ្ឋមន្ត្រីក្រសួងការងារអេស្ប៉ាញ លោក Yolanda Diaz បានលើកឡើងថា «បុគ្គលិកសម្អាត និងអ្នកប្រមូលសំរាមតាមដងផ្លូវ បានស្លាប់ដោយសារជំងឺដាច់សរសៃរឈាម កាន់តែច្រើន ហើយរឿងនេះ ជាបញ្ហាដ៏ធំមួយត្រូវគិតគូ។»
កាលពីឆ្នាំ ២០២២ កម្តៅក្ដៅខ្លាំងនៅទូទាំងទ្វីបអឺរ៉ុប បានបណ្ដាលឱ្យមនុស្សស្លាប់ជិត ៦,២០០០ នាក់ ក្នុងនោះមនុស្សប្រមាណជាង ១១,០០០នាក់ គឺជាប្រជាជនអេស្ប៉ាញ។ ទន្ទឹមនឹងនេះ វិធីសាស្ត្រដ៏ល្អមួយ ដើម្បីសម្របខ្លួនទៅនឹងរលកកម្ដៅដ៏ខ្លាំងនេះ គឺកាត់បន្ថយពេលវេលាធ្វើការនៅអំឡុងពេលក្ដៅខ្លាំង ដូចជា ធ្វើការចំនួន ៤ថ្ងៃក្នុងមួយសប្ដាហ៍ កាត់បន្ថយម៉ោងធ្វើការ និងផ្លាស់ប្ដូររបៀបរបបការងារមួយចំនួនទៀត។
បច្ចុប្បន្ន ប្រទេសជាច្រើននៅមជ្ឈឹមបូព៌ាដូចជា អារ៉ាប៊ីសេអូឌីត អេមីរ៉េតអារ៉ាប់រួម កាតា គុយវ៉ែត ប៉ារ៉ែន និងអូម៉ង់ បានចេញច្បាប់ឱ្យបុគ្គលិកដែលធ្វើការក្រៅការិយាល័យ មិនឱ្យធ្វើការក្រោមថ្ងៃក្ដៅខ្លាំងរួចមកហើយ ដែលអំឡុងពេលនោះ មានរយៈពេល ៤ម៉ោង នាពេលថ្ងៃត្រង់។ យោងតាមអង្គការពលកម្មអន្តរជាតិបានឱ្យដឹងថា ការកើនឡើងកម្ដៅ នឹងកាត់បន្ថយម៉ោងធ្វើការសរុបនៅទូទាំងពិភពលោកចំនួន ២,២ ភាគរយ និងប៉ះពាល់ដល់ផលិតផលក្នុងស្រុកសរុបរបស់ពិភពលោកចំនួន ២,៤០០ពាន់លានដុល្លារនៅឆ្នាំ ២០៣០៕
