ប្រទេសដាណឺម៉ាកផ្ដល់អាហារូបករណ៍គ្រប់កម្រិតថ្នាក់ឧត្ដមសិក្សាដល់

រដ្ឋាភិបាលដាណឺម៉ាកប្រកាសផ្ដល់អាហារូបករណ៍ឱ្យនិស្សិតអន្តរជាតិដាក់ពាក្យស្នើសុំដើម្បីបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យដាណឺម៉ាក ។ អាហារូបករណ៍នេះផ្ដល់ជូនសិស្ស-និស្សិតគ្រប់ជាតិសាសន៍ សម្រាប់ឆ្នាំសិក្សា២០២២ ។

អាហារូបករណ៍តម្រូវសិស្ស-និស្សិតដាក់ពាក្យភ្ជាប់ជីវប្រវត្តិរូបផ្ទាល់ខ្លួន លិខិតឆ្លងដែន លិខិតតេស្តសមត្ថភាពភាសា IELTS សញ្ញាបត្រមធ្យមសិក្សាទុតិយភូមិសម្រាប់ថ្នាក់បរិញ្ញាបត្រ សំណើស្រាវជ្រាវសម្រាប់ថ្នាក់បរិញ្ញាបត្រជាន់ខ្ពស់ និងនិក្ខេបបទថ្នាក់បរិញ្ញាបត្រជាន់ខ្ពស់សម្រាប់បេក្ខជនថ្នាក់បណ្ឌិត ។

អត្ថប្រយោជន៍ដែលអាហារូបករណ៍ផ្ដល់ជូន រួមមាន បង់ថ្លៃពេញមួយកម្មវិធីសិក្សា ថ្លៃកន្លែងស្នាក់នៅ ប្រាក់ធានាលើផ្នែកសុខភាព ប្រាក់ឧបត្ថម្ភប្រចាំខែ និងថ្លៃធ្វើដំណើរជាដើម ។ ព័ត៌មានបន្ថែមនិស្សិតអាចចូលទៅកាន់គេហទំព័ររបស់ Opportunity Hub ឬចូលទៅតាមតំណភ្ជាប់ https://allapkpuree.com/danish-state-government-scholarships/ ។

ជាមួយគ្នានេះ សម្រាប់និស្សិតបានបញ្ចប់ការសិក្សាកម្រិតណាមួយនៅប្រទេសដែលប្រើប្រាស់ភាសាអង់គ្លេស ដូចជា ប្រទេសនូវែលសេឡង់ ប្រទេសកាណាដា ប្រទេសអៀឡង់ ប្រទេសអូស្រ្តាលី ចក្រភពអង់គ្លេស និងសហរដ្ឋអាមេរិក មិនចាំបាច់មានតេស្តភាសា IELTS ឡើយ ។ អាហារូបករណ៍ចាប់បើកទទួលពាក្យពីថ្ងៃផ្សាយដំណឹងនេះរហូតតទៅ ៕