ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ស្ត្រីក្នុងវ័យបន្តពូជជាច្រើននាក់នៅកម្ពុជាមានទម្លាប់បរិភោគអាហារដែលគ្មានសារជាតិចិញ្ចឹមគ្រប់គ្រាន់ទាំងមុននិងក្នុងអំឡុងពេលមានផ្ទៃពោះនិងក្នុងពេលបំបៅដោះកូន ។ការសិក្សាស្រាវជ្រាវដោយអង្គការ IDE និង MRA នៅឆ្នាំ២០១៦បានរកឃើញថា ស្ត្រីនិងបុរសជាច្រើននាក់យល់ដឹងពីអ្វីដែលស្ត្រីគួរធ្វើក្នុងអំឡុងពេលមានផ្ទៃពោះ។ផ្ទុយទៅវិញពួកគាត់ពុំដឹងថា តើប្រភេទអាហារអ្វីដែលស្ត្រីគួរបរិភោគ សម្បូរដោយសារជាតិចិញ្ចឹមឬបរិមាណអាហារកម្រិតណាដែលត្រូវបរិភោគជួយឱ្យស្ត្រីមានផ្ទៃពោះមានសុខភាពល្អ។
អ្នកជំនាញអាហារូបត្ថម្ភបានឱ្យដឹងថាកត្តាទាំងនេះអាចកើតមានឡើងដោយសារតែស្ត្រីពុំបានទទួលការផ្ដល់ប្រឹក្សាស្តីពីអាហារូបត្ថម្ភឱ្យបានត្រឹមត្រូវពេលមកពិនិត្យផ្ទៃពោះនៅតាមមណ្ឌលសុខភាព។លើសពីនេះស្ត្រីមានផ្ទៃពោះ ដែលរស់នៅតំបន់ជនបទភាគច្រើនទៅពិនិត្យផ្ទៃពោះមិនគ្រប់ចំនួនដង និងចាប់ផ្ដើមទៅពិនិត្យផ្ទៃពោះយឺតយ៉ាវ បើធៀបនឹងស្ត្រីដែលរស់នៅទីប្រជុំជន។
ការសិក្សាស្រាវជ្រាវក៏បានរកឃើញថា ស្ត្រីមានផ្ទៃពោះជាច្រើននាក់យល់ខុសថាគួរបរិភោគអាហារតិចតួចដើម្បីចៀសវាងការពិបាកសម្រាលកូនដោយសារខ្លាចកូនថ្លោស។អ្នកជំនាញសុខភាពសាធារណៈបានបញ្ជាក់ថានេះជាការយល់ខុសធ្ងន់ធ្ងរមួយ។ទន្ទឹមគ្នានេះគម្លាតយេនឌ័រក៏អាចមានឥទ្ធិពលលើបញ្ហាកង្វះអាហារូបត្ថម្ភរបស់មាតាផងដែរ។តាមទម្លាប់ជាពិសេសនៅតាមគ្រួសារក្រីក្របុរសទទួលបានអាហារល្អជាងគេនិងតែងតែបរិភោគមុនកុមារនិងស្ត្រី។កត្តាទាំងនេះមិនត្រឹមតែធ្វើឱ្យមានបញ្ហាកង្វះអាហារូបត្ថម្ភរបស់មាតាប៉ុណ្ណោះទេថែមទាំងមានឥទ្ធិពលលើក្មេងស្រីជំទង់និងសុខភាពបន្តពូជរបស់ពួកគេនៅពេលក្រោយទៀតក្នុងជីវិតរបស់ពួកគេផងដែរ។
ថ្មីៗនេះនៅក្នុងវគ្គបណ្តុះបណ្តាលអ្នកសារព័ត៌មានរៀបចំដោយអង្គការអង្គការ Helen Keller និងគម្រោង MUSEFO របស់អង្គការ GIZ សហការជាមួយក្រសួងស្ថាប័នពាក់ព័ន្ធលោកស្រី ស្វាយ សារី មន្ត្រីជំនាញកម្មវិធីជាតិអាហារូបត្ថម្ភមានប្រសាសន៍ថាដើម្បីឱ្យស្ត្រីមានផ្ទៃពោះនិងទារកក្នុងផ្ទៃមានសុខភាពល្អស្រ្តីមានផ្ទៃពោះគូរតែបរិភោគអាហារក្នុងពេលឱ្យបាន៤ដងក្នុងមួយថ្ងៃនិងមានអាហារក្រៅពេលផងដែរ។
លោកស្រី ស្វាយ សារី មន្ត្រីជំនាញកម្មវិធីជាតិអាហារូបត្ថម្ភ៖ “ពួកគេគួរបរិភោគអាហារចម្រុះមុខពោលគឺយ៉ាងហោចណាស់ឱ្យបានប្រាំប្រភេទក្នុងចំណោម១០ប្រភេទរួមទាំងបាយត្រីសាច់ស៊ុតបន្លែពណ៌បៃតងផ្លែឈើលឿងទុំគ្រាប់ធញ្ញជាតិពពួកសណ្តែកជាដើមដែលចេញមកពីអាហារបីក្រុម។ការបរិភោគអាហារចម្រុះមុខឱ្យបាន៤ដងក្នុងមួយថ្ងៃព្រមទាំងអាហារក្រៅពេលនេះស្ត្រីមានផ្ទៃពោះមានសុខភាពល្អធម្មតាត្រូវការកើនទម្ងន់ឱ្យបានពី១១,៥ទៅ១៦គីឡូក្រាមក្នុងអំឡុងពេលមានផ្ទៃពោះ” ។
មន្ត្រីជំនាញអាហារូបត្ថម្ភបានបន្ថែមទៀតថាលើសពីនេះស្រ្តីមានផ្ទៃពោះត្រូវទៅពិនិត្យផ្ទៃពោះមុនពេលសម្រាលយ៉ាងតិចបំផុតឱ្យបាន៤ដងនិងត្រូវលេបគ្រាប់ថ្នាំជាតិដែកឬហ្វូលិកអាស៊ីតរាល់ថ្ងៃសម្រាប់រយៈពេល៩០ថ្ងៃ។ ម្យ៉ាងទៀតស្រ្តីមានផ្ទៃពោះត្រូវរក្សាសន្ទស្សន៍ម៉ាស់រាងកាយឲ្យបានពី១៨.៥ទៅដល់២៤.៩ដើម្បីធានាបានសុខភាពល្អ។ស្របគ្នានេះស្រ្តីមានផ្ទៃពោះត្រូវលេបថ្នាំទំលាក់ព្រូន ១ដូសនិងចាក់ថ្នាំបង្ការជំងឺតេតាណូសផងដែរ។
លោកស្រីបានបញ្ជាក់បន្ថែមលើនេះស្រ្តីមានផ្ទៃពោះក៏ត្រូវតែអនុវត្តអនាម័យខ្លួនប្រាណនិងចំណីអាហារជាប្រចាំដើម្បីសុវត្តិភាពនិងសុខភាពទាំងម្តាយទាំងកូន។ជាចុងក្រោយស្រ្តីមានផ្ទៃពោះនិងក្រុមគ្រួសារគួរត្រៀមរៀបចំបំបៅដោះកូនក្នុងអំឡុងម៉ោងដំបូងបន្ទាប់ពីសម្រាលជៀសវាងការបំបៅកូនដោយទឹកដោះគោម្សៅផ្សំតាមរូបមន្តដោយសារតែកុមារបៅទឹកដោះគោម្សៅផ្សំតាមរូបមន្តមានជំងឺច្រើនគ្មានអង្គបដិបក្ខការពារជំងឺចំណាយថវិកាគ្រួសារព្យាបាលជំងឺញឹកញាប់កុមារមិនឆ្លាតវៃរៀនមិនពូកែនិងមានហានិភ័យខ្ពស់បណ្ដាលឱ្យស្លាប់។
សូមជម្រាបថាការសិក្សាស្រាវជ្រាវវិទ្យាសាស្ត្របានរកឃើញថាទឹកដោះម្តាយមានសារជាតិចិញ្ចឹមទាំងអស់ដែលទារកអាយុក្រោម៦ខែត្រូវការដូច្នេះមិនត្រូវផ្តល់អាហារអ្វីក្រៅពីទឹកដោះម្តាយឡើយ។ទារកបៅទឹកដោះម្តាយបានពេញលេញមានសុខភាពល្អប្រសើរឈ្នះជំងឺគ្រប់ប្រភេទមានអង្គបដិបក្ខការពារសុខភាពកុមារយ៉ាងរឹងមាំនិងអស្ចារ្យ។កុមារបៅទឹកដោះម្តាយពេញលេញមានទំហំខួរក្បាលធំជាងកុមារផ្សេងទៀតនិងមានពិន្ទុការវៃឆ្លាត២.៦ខ្ពង់ជាងកុមារមិនបានបំបៅទឹកដោះម្តាយបានពេញលេញ។ការបៅកូនដោយទឹកដោះម្តាយជួយសន្សំថវិកាគ្រួសារនិងជួយដល់សេដ្ឋកិច្ចជាតិ។នេះបើតាមការបញ្ជាក់របស់មន្ត្រីជំនាញសុខាភិបាលកម្ពុជាកន្លងទៅ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Erasmus University ប្រទេសហូឡង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 28/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រកម្មវិធីអាហារូបករណ៍ Erasmus University ពីក្រសួងអប់រំ វប្បធម៌ និងវិទ្យាសាស្ត្រហូឡង់ និងសាកលវិទ្យាល័យស្រាវជ្រាវហូឡង់ និងសាកលវិទ្យាល័យវិទ្យាសាស្ត្រអនុវត្ត...
អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...
វិទ្យាស្ថានជាតិអប់រំ ជ្រើសរើសគ្រូបង្រៀន ៤០នាក់ ចូលថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ
ព័ត៌មានអាហារូបករណ៍, ព្រឹត្តិការណ៍
• 24/04/2026
ជាឱកាសសម្រាប់គ្រូបង្រៀនដែលចង់អភិវឌ្ឍសមត្ថភាព ! ពេលនេះ វិទ្យាស្ថានជាតិអប់រំ បានប្រកាសជ្រើសរើសបេក្ខជនចំនួន ៤០នាក់ ឱ្យចូលសិក្សាថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ សម្រាប់ជំនាន់ទី៧
រៀនជំនាញសេវាកម្មម្ហូបអាហារ និងភេសជ្ជៈ ឥតគិតថ្លៃ សម្រាប់អ្នកសេដ្ឋកិច្ចក្រៅប្រព័ន្ធ
ព័ត៌មានអាហារូបករណ៍, ព្រឹត្តិការណ៍
• 09/02/2026
ដើម្បីពង្រឹងសមត្ថភាព និងបង្កើនឱកាសក្នុងអាជីពផ្នែកបដិសណ្ឋារកិច្ច សមាគមមិត្តយើង (MYA) សហការជាមួយ វិទ្យាស្ថានបច្ចេកវិទ្យា និងកសិកម្មកម្ពុជា (CITA) ក្រុមហ៊ុន ខូហ្វី (KOFI Co., Ltd) និង សមាគមភោជនីយដ្ឋានកម្ពុជា (CRA)
អាហារូបករណ៍ថ្នាក់បរិញ្ញាបត្រគ្រូបង្រៀនភាសាចិន ចំនួន៣០កន្លែង សម្រាប់ប្រទេសក្នុងតំបន់អាស៊ីអាគ្នេយ៍
ព័ត៌មានអាហារូបករណ៍, ព្រឹត្តិការណ៍
• 30/03/2026
សាកលវិទ្យាល័យ Yunnan Normal Unversity (ស្ថិតនៅទីក្រុងគុនមីង ខេត្តយួនណាន ប្រទេសចិន ប្រកាសផ្តល់អាហារូបករណ៍ដល់សិស្សនិស្សិតចំនួន៣០នាក់ មកពីប្រទេសក្នុងតំបន់អាស៊ីអាគ្នេយ៍ដើម្បីសិក្សាថ្នាក់បរិញ្ញាបត្រគ្រូបង្រៀន...
ឱកាសអាហារូបករណ៍១០០% និង៥០% ជាច្រើនកន្លែងនៅវិទ្យាស្ថានតេជោសែន សាធារណការ និងដឹកជញ្ជូន
ព័ត៌មានអាហារូបករណ៍, ព្រឹត្តិការណ៍
• 27/12/2023
វិទ្យាស្ថានតេជោសែន សាធារណការ និងដឹកជញ្ជូន ប្រកាសផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Newcastle នៃចក្រភពអង់គ្លេសឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/01/2025
សាកលវិទ្យាល័យ Newcastle នៃចក្រភពអង់គ្លេស ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន៣០កន្លែង សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូន៥០% និង ១០០%ទៅតាមលទ្ធភាពជាក់ស្ដែង...
ឱកាសចូលរួមកម្មវិធីសិក្ខាសាលាអន្តរជាតិ “The 5th ROK-Mekong Youth Group Workshop” នៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 19/06/2026
ជាឱកាសសម្រាប់យុវជនកម្ពុជាក្នុងការផ្លាស់ប្តូរការសិក្សាទៅក្រៅប្រទេស ពេលនេះ ក្រសួងការបរទេសនៃសាធារណរដ្ឋកូរ៉េ (ROK) បានប្រកាសបើកទទួលពាក្យសុំសម្រាប់ការចូលរួមកម្មវិធីសិក្ខាសាលាក្រុមយុវជនកូរ៉េ-មេគង្គ លើកទី៥ ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 28/08/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ CamTech សម្រាប់វគ្គសិក្សាថ្មី ។ បេក្ខជនជ័យលាភីអាហារូបករណ៍នឹងត្រូវគោរពតាមលក្ខខណ្ឌនៃកាលវិភាគសិក្សានៃកម្មវិធីសិក្សា។
កម្មវិធីពិសេសរបស់ AMS EDUCATION
ព័ត៌មានសង្ខេប
