កម្ពុជាប្តេជ្ញាលើកកម្ពស់គំរូអហិង្សាពង្រឹងគុណភាពធនធានមនុស្ស

English

អត្ថបទជាភាសាអង់គ្លេស / Articles in English

ភ្នំពេញ – គំរូអហិង្សា ឬការអប់រំតាមបែបវិជ្ជមានមានដូចជា ការប្រើប្រាស់ពាក្យសម្ដីទន់ភ្លន់ មិនដាក់ពិន័យកុមារដោយសកម្មភាពវាយតប់ និងមិនដាក់សម្ពាធផ្លូវចិត្តលើកុមារ ។ សម្រាប់អ្នកជំនាញអប់រំពាក់ព័ន្ធ និងធ្វើការងារលើកកម្ពស់សិទ្ធិកុមារ បានបញ្ជាក់ថា អំពើហិង្សាលើកុមារពិតជាមានផលប៉ះពាល់ដល់ការអភិវឌ្ឍធនធានមនុស្ស ព្រោះកាលណាកុមារទទួលរងអំពើហិង្សា មិនមែនប៉ះពាល់តែផ្នែកសុខភាពផ្លូវកាយប៉ុណ្ណោះទេ តែក៏អាចប៉ះពាល់ផ្លូវចិត្តកុមារផងដែរ ។ ទន្ទឹមគ្នានេះ កុមារនៅក្នុងគ្រួសារ សាលារៀន និងសហគមន៍ ត្រូវយកចិត្តទុកដាក់ និងអប់រំដោយគំរូអហិង្សា ។

ឯកឧត្តមបណ្ឌិត ចាន់ សុភា អគ្គលេខាធិការរងក្រុមប្រឹក្សាជាតិដើម្បីអភិវឌ្ឍយុវជន និងជាប្រធាននាយកដ្ឋានបឋមសិក្សា នៃក្រសួងអប់រំ យុវជន និងកីឡាមានប្រសាសន៍ថា លុបបំបាត់អំពើហិង្សាលើកុមារ និងអប់រំកុមារតាមបែបគំរូអហិង្សា ផ្តើមចេញពីឥរិយាបថអប់រំវិជ្ជមានរបស់គ្រូបង្រៀន ។ ប្រសិនបើកុមារទទួលរងពិន័យអប់រំតាមបែបហិង្សា នោះនឹងផ្តល់ផលប៉ះពាលយ៉ាងដល់គុណភាពជីវិតកុមារ ។

“បើសិនជាគ្រូបង្រៀនវាយសិស្សហើយសិស្សចេះ ក្រសួងអប់រំមិនបាច់ធ្វើសៀវភៅសិក្សាឱ្យល្អ មិនបាច់ធ្វើកម្មវិធីសិក្សាទេ តម្រង់ជួរវាយសិស្សតែម្តងចេះ ! ប៉ុន្តែការអប់រំពិតមិនមែនអីចឹងទេ ដូចនៅក្នុងក្រសួងអប់រំ ពិសេសនាយកដ្ឋានបឋមសិក្សាមានរៀបចំជាគោលនយោបាយការពារកុមារនៅក្នុងសាលារៀន ដែលយើងបានអភិវឌ្ឍន៍ឯកសារនេះតាំងពីឆ្នាំ ២០១៦”
ឯកឧត្តមបណ្ឌិត ចាន់ សុភា ។

ឯកឧត្តមបណ្ឌិត ចាន់ សុភា បានបញ្ជាក់បន្តថា ក្រសួងអប់រំ យុវជន និងកីឡា បានយកគោលនយោបាយការពារកុមារនៅតាមសាលារៀន បំបែកជាសៀវភៅផ្សេងៗ សម្រាប់ណែនាំដល់លោកគ្រូអ្នកគ្រូ គណៈគ្របគ្រងសាលារៀន ឬសហគមន៍ ដើម្បីបង្ហាញថា តើអ្វីទៅជាធ្វើជាគំរូអហិង្សាក្នុងការអប់រំ ។

“ការអប់រំត្រូវសិក្សាពីតម្រូវការរបស់សិស្ស គ្រូបង្រៀនខុសពីកសិករ ដោយសារកសិករពួកគាត់ស្ទូងស្រូវ គាត់ដាក់ទឹកចូលស្រែទាំងអស់នឹងទទួលបានផល ប៉ុន្តែសិស្សក្នុងថ្នាក់ពីសាបសិបប្រាំនាក់ទៅសែសិបនាក់ គ្រូមិនអាចប្រើវិធីតែមួយសម្រាប់សិស្សទាំងអស់នោះទេ ! អីចឹងគាត់ត្រូវដឹងថា សិស្សមួយណាត្រូវការអ្វី ដើម្បីឱ្យសិស្សនឹងទទួលខ្លឹមសារមេរៀន សិស្សប៉ុន្មាននាក់ទៀតដែលគ្រូបង្រៀនត្រូវប្រើវិធីផ្សេងៗទៀត ដើម្បីឱ្យសិស្សទទួលបានមេរៀន”
ឯកឧត្តមបណ្ឌិត ចាន់ សុភា

ជុំវិញកិច្ចការអប់រំកុមារ និងការលើកកម្ពស់គំរូអហិង្សានៅតាមសាលារៀន ប្រធាននាយកដ្ឋានបឋមសិក្សា នៃក្រសួងអប់រំ យុវជន និងកីឡា មានប្រសាសន៍ទៀតថា កន្លងទៅក្រសួងអប់រំបានបើកវគ្គបំប៉នសមត្ថភាពគ្រូបង្រៀនពីកិច្ចការពារកុមារនៅតាមសាលារៀន និងគំរូអហិង្សានៅក្នុងសាលារៀននៅខេត្តចំនួនបី រួមមានខេត្ត បាត់ដំបង ខេត្តកំពត ខេត្តព្រៃវែង មានគណៈគ្រប់គ្រងសាលាចំនួន ១៨៦៦នាក់ និងគ្រូបង្រៀមចំនួន ១០១៧៣នាក់ ។ ទន្ទឹមគ្នានេះ សាលារៀនកម្រិតបឋមសិក្សាគោលដៅបច្ចុប្បន្នចំនួន ១៤៣១សាលា បានអនុវត្តកម្មវិធីអប់រំវិន័យបែបវិជ្ជមាន (មិនមានប្រើហិង្សាក្នុងសាលារៀន) និងមានសិស្សសរុបប្រមាណ ៣៥ម៉ឺននាក់ ។

ស្របគ្នានេះដែរ ក្រសួងអប់រំ យុវជន និងកីឡា បានរៀបចំកម្មវិធីទប់ស្កាត់អំពើហិង្សាលើកុមារតាមរយៈឯកសារកម្មវិធីសាលាកុមារមេត្រី ត្រង់ចំណុចទីបីស្តីពី សុខភាព សុវត្ថិភាព និងការការពារកុមារ ។ សៀវភៅស្តីពីវិន័យបែបវិជ្ជមាននិងការគ្រប់គ្រងថ្នាក់រៀនដោយប្រសិទ្ធភាព សម្រាប់អ្នកស្របសម្រួល សម្រាប់គ្រូបង្រៀនបឋមសិក្សា និងសម្រាប់នាយកសាលា បានក្លាយជាឯកសារថ្មីមួយជំនួយឱ្យសាលារៀនទាំងអស់ចាប់ផ្តើមអប់រំកុមារតាមបែបគំរូអហិង្សា ។

យោងតាមរបាយការណ៍អង្កេតរបស់យូនីសេហ្វអំពីអំពើហិង្សាលើកុមារ ឆ្នាំ២០១៣ បង្ហាញថា កុមារច្រើនជាង ៧៥% ( ២៥៦០ នាក់ដែលបានចូលរួមសម្ភាស)បានទទួលរងទម្រង់មួយនៃអំពើហិង្សាមុនពេលពួកគេមានអាយុ១៨ឆ្នាំ ។ អំពើហិង្សាលើរូបរាងកាយត្រូវបានរាយការណ៍ជាញឹកញាប់បំផុត ក្នុងនោះកុមារជាង៥០% បានទទួលរងអំពើហិង្សាផ្លូវកាយ ។ ក្នុងចំណោមកុមារ ៤នាក់មាន ១នាក់ប្រាប់ថា ធ្លាប់រងអំពើហិង្សាផ្លូវចិត្ត ។ អំពើហិង្សាផ្លូវភេទ គឺជាក្តីបារម្ភមួយ ក្នុងនោះកុមារម្នាក់ក្នុងចំណោម ២០នាក់ រាយការណ៍ថាយ៉ាងហោចណាស់ទទួលរងនូវអំពើហិង្សាផ្លូវភេទមុនពេលពួកគេពេញវ័យ ។

ទម្រង់អំពើហិង្សាដែលកើតឡើងជាញឹកញាប់គឺអំពើហិង្សាផ្លូវកាយ និងផ្លូវចិត្ត ដែលកុមារនៅប្រទេសកម្ពុជាបានទទួលរងនោះ គឺការប្រើទណ្ឌកម្មដោយការវាយ និងការធ្វើអោយអាម៉ាស់សម្រាប់ជាវិធីសាស្រ្តអប់រំកុមារ ។ គ្រូ និងអាណាព្យាបាលធ្វើទណ្ឌកម្មដោយការវាយ និងធ្វើឱ្យអាម៉ាស់ ដែលទង្វើនេះភាគច្រើនមហាជនទទួលយកបាន និងគិតថាមានប្រសិទ្ធភាពក្នុងការអប់រំ និងកែប្រែកំហុសរបស់កុមារ ។ មានភស្តុតាងបង្ហាញថាការអនុវត្តបែបនេះជាទម្រង់អំពើហិង្សាមួយដែលមានផលអវិជ្ជមានចំពោះកុមារ ។

ទន្ទឹមគ្នានេះដែរ លោកស្រី សរ ស៊ីណែត អគ្គនាយករងនៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី មានប្រសាសន៍ថា ថ្វីត្បិតតែបច្ចុប្បន្នអំពើហិង្សាទៅលើកុមារថយចុះក៏ពិតមែន ប៉ុន្តែរូបភាពអំពើហិង្សាបែបអប់រំកុមារនៅតាមគ្រួសារ ប្រជាជនកម្ពុជាមួយចំនួនយល់ថាជារឿងសាមញ្ញ ហើយបន្តអប់រំកូនបែបហិង្សាទាំងមិនដឹងពីផលប៉ះពាល់លើកុមារ ។

លោកស្រី សរ ស៊ីណែត បានបញ្ជាក់បន្តថា របៀបដោះស្រាយបញ្ហាមួយជាមួយកុមារនៅក្នុងគ្រួសារ ម្តាយឪពុកកម្ពុជាភាគច្រើនយល់ថា មិនបានប្រើអំពើហិង្សាលើកូននោះទេ គ្រាន់តែសម្លុតគំរាមកូនក្នុងនាមជាឪពុក ឬម្តាយ តែពួកគាត់ពុំដឹងថានេះជារូបភាពអប់រំបែបហិង្សាឡើយ ។ លោកស្រីបានឱ្យដឹងទៀតថា គំរូអហិង្សាជាវិធីសាស្ត្រអប់រំកូនល្អបំផុតដែលមា្តយឪពុក ឬអាណាព្យាបាលត្រូវអនុវត្តន៍ ។

“ទន្ទឹមនឹងកិច្ចការដែលក្រសួងកិច្ចការនារីធ្វើ ខ្ញុំសុំឱ្យក្រសួងពាក់ព័ន្ធ ក៏ដូចជាអង្គការធ្វើការងារលើកកម្ពស់សិទ្ធិកុមារចូលរួមគាំទ្រទៅដល់ការងារមួយឱ្យបានខខ្លាំងក្លា ព្រោះការងារមួយនេះជាការងារចម្បង យើងអាចរក្សាធនធានមនុស្សបានល្អសម្រាប់គ្រួសារក៏ដូចជាសង្គមជាតិ”
លោកស្រី សរ ស៊ីណែត

សម្រាប់គ្រឹះស្ថានបណ្តុះបណ្តាលការអប់រំឯកជន ការងារលើកកម្ពស់សិទ្ធិកុមារ និងទប់ស្កាត់អំពើហិង្សាលើកុមារនៅក្នុងសាលារៀនជាអាទិភាពចម្បងដែលត្រូវយកចិត្តទុកដាក់ខ្លាំងបំផុត ។ លោកស្រី អ៊ុក សូនីតា អ្នកជំនាញអប់រំកុមារ នៃក្រុមហ៊ុនវេសឡាញ អេឌ្យូខេសិនគ្រុប យល់ឃើញថា គំរូអហិង្សា ឬការអប់រំតាមបែបវិជ្ជមានផ្តល់ផលចំណេញជាច្រើនដល់កុមារ គ្រួសារ និងសង្គម ។

លោកស្រី អ៊ុក សូនីតា បានឧទាហរណ៍ថា ការប្រើប្រាស់ប្រព័ន្ធប័ណ្ណដាក់វិន័យបែបវិជ្ជមានដោយកំណត់ជាបណ្ណប្រភេទ ជាជម្រើសអប់រំបែបគំរូអហិង្សា ។ លោកស្រីពន្យល់ថា កុមារមានឥរិយាបថមិនល្អនឹងទទួលបាន “ប័ណ្ណពណ៌លឿង” ដែលតំណាងឱ្យការព្រមានផ្ទាល់មាត់ពីគ្រូ ។ ប្រសិនបើស្ថានភាពនេះនៅតែបន្តកើតឡើងទៀត ពួកគេនឹងទទួលបានប័ណ្ណមួយទៀត ហើយនឹងត្រូវដាក់ឱ្យនៅដោយឡែកពីមិត្តភក្តិរបស់ពួកគេ ។

គួររំលឹកថា រដ្ឋាភិបាលកម្ពុជាបានអនុវត្តន៍គោនយោបាយជាតិស្ដីពីប្រព័ន្ធកិច្ចការពារកុមារឆ្នាំ ២០១៩ -២០២៩ ចាប់ពីថ្ងៃទី២៩ ខែកញ្ញា ឆ្នាំ២០២១ ក្រុមប្រឹក្សាជាតិកម្ពុជាដើម្បីកុមារ សហការជាមួយនឹងអង្គការដៃគូ បានរៀបចំពិធីប្រកាសដាក់ឱ្យប្រើប្រាស់ជាផ្លូវការ “ផែនការអនុវត្តន៍គោនយោបាយជាតិស្ដីពីប្រព័ន្ធកិច្ចការពារកុមារឆ្នាំ ២០១៩ -២០២៩ ក្រោមអធិបតីភាពលោកជំទាវកិតិ្តសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងឯកឧត្តម វង សូត រដ្ឋមន្ត្រីក្រសួងសង្គមកិច្ច អតីយុទ្ធជន និងយុវនីតិសម្បទា និងជាប្រធានក្រុមប្រឹក្សាជាតិកម្ពុជាដើម្បីកុមារ ។

លោកជំទាវ សម្បត្តិ សុគន្ធា អគ្គលេខាធិការរង នៃក្រុមប្រឹក្សាជាតិដើម្បីកុមារ ទោះបីមានការយកចិត្តទុកដាក់ពីរាជរដ្ឋាភិបាលបង្កើតនូវយន្តការជាច្រើនជួយដល់កុមារទូទៅ និងកុមាររងគ្រោះយ៉ាងណាក៏ដោយ ក៏នៅមានកុមារមួយចំនួនកំពុងរស់នៅក្នុងស្ថានភាពលំបាករងគ្រោះ ត្រូវការការគាំទ្រ និងអន្តរាគមន៍ជាចាំបាច់ ។ ក្រុមប្រឹក្សាជាតិដើម្បីកុមារ បន្តសកម្មភាពលើកកម្ពស់គំរូអហិង្សាលើកុមារ តាមរយៈគោលនយោបាយ និងឯកសារដែលមានស្រាប់នៅថ្នាក់ជាតិ និងថ្នាក់ក្រោមជាតិ ។

លើសពីនេះក្រុមប្រឹក្សាជាតិដើម្បីកុមារ ប្រសិនបើកុមារកម្ពុជា មិនទទួលរងអំពើហិង្សា ពួកគេនឹងក្លាយជាកម្លាំងចលករដ៏មានថាមពលសម្រាប់ជំរុញកម្ពុជាឱ្យសម្រេចគោលដៅសំខាន់ក្លាយជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសអភិវឌ្ឍក្នុងឆ្នាំ២០៥០ ។

“ការលុបបំបាត់អំពើហិង្សាលើកុមារ មិនមែនជាតួនាទីរបស់រាជរដ្ឋាភិបាលតែមួយមុខនោះទេ ប៉ុន្តែត្រូវការចូលរួមពីគ្រប់ផ្នែកទាំងអស់ ទាំងអាជ្ញាធរជាតិ អាជ្ញាធរថ្នាក់ក្រោមជាតិ អង្គការសង្គមស៊ីវិល វិស័យឯកជន សាលារៀន និងសមាជិកគ្រួសារទាំងអស់”
លោកជំទាវ សម្បត្តិ សុគន្ធា

សូមជម្រាបថា តាមរយៈគោនយោបាយជាតិស្ដីពីប្រព័ន្ធកិច្ចការពារកុមារឆ្នាំ ២០១៩ -២០២៩ បានបង្ហាញពីការប្តេជ្ញាចិត្តជាក់ស្ដែងមួយចំពោះការអនុវត្តការការពារកុមារជាប្រព័ន្ធនៅកម្ពុជា រួមមាន ទីមួយ. ភាពចាំបាច់ក្នុងការការវិនិយោគបន្ថែមលើមន្ត្រីសង្គម ឬបុគ្គលិកសង្គមកិច្ចនៅថ្នាក់ក្រោមជាតិដើម្បីលើកកម្ពស់សេវាគាំពារកុមារប្រកបដោយប្រសិទ្ធភាព ប្រសិទ្ធផល សង្គតិភាព និងទាន់ពេលវេលាសម្រាប់កុមារ និងគ្រួសារនៅក្នុងសហគមន៍។

ទីពីរ. គោនយោបាយជាតិស្ដីពីប្រព័ន្ធកិច្ចការពារកុមារថ្មីនេះ បន្តធានាថាកុមារអាចទទួលបានសេវាផ្លូវច្បាប់ និងសមធម៌សង្គម តាមរយៈការផ្តល់នូវកញ្ចប់ អប្បបរមានៃ សេវាសង្គមកិច្ចសម្រាប់កុមារ និងគ្រួសារដែលត្រូវការកិច្ចការពារ ។ ទីបី.ការឆ្លើយតបទៅនឹងកុមារ និងគ្រួសាររបស់ពួកគេដែលរងផលប៉ះពាល់ដោយគ្រោះមហន្តរាយ និងធានាការពារកុមារប្រកបបរិយាកាសគ្រួសារ ក្តីស្រឡាញ់ ការយកចិត្តទុកមាន លក្ខណកុមារមេត្រី និងធានានូវឧត្តមប្រយោជន៍របស់កុមារ ។

គួរបញ្ជាក់ថា រាជរដ្ឋាភិបាលកម្ពុជាបានចាត់ទុកសិទ្ធិរបស់ប្រជាពលរដ្ឋ ជាពិសេសសិទ្ធិរបស់កុមារ ត្រូវការពារនិងលើកតម្កើង ដោយចាត់ទុកកុមារជាអ្នកបន្តវេនរបស់ប្រទេសជាតិ ដូចពាក្យស្លោកថា «កុមារជាទំពាំងស្នងឫស្សី» និង «កុមារជាសសរទ្រូងសម្រាប់ប្រទេសជាតិ។

ស្របតាមស្ថានភាពកុមារមានភាពរីកចម្រើនពីមួយថ្ងៃទៅមួយថ្ងៃ បន្ទាប់ពីព្រះរាជាណាចក្រកម្ពុជាបានផ្តល់សច្ចាប័នលើអនុសញ្ញាអន្តរជាតិជាច្រើន ជាអាទិ៍អនុសញ្ញាស្តីពីសិទ្ធិកុមារនៅឆ្នាំ១៩៩២ ពិធីសារបន្ថែមស្តីពីការចូលរួមរបស់កុមារនៅក្នុងជម្លោះប្រដាប់អាវុធ និងពិធីសារស្តីពីការជួញដូរកុមារ អំពើរពេស្យាកម្មកុមារ និងរូបភាពអាសអាភាសកុមារនៅឆ្នាំ២០០២ អនុសញ្ញាលេខ១៣៨ ស្តីពីការកម្រិតអាយុអប្បបរមាសម្រាប់ការចូលធ្វើការនៅឆ្នាំ១៩៩៩ អនុសញ្ញាលេខ១៨២ ស្តីពីការហាមប្រាមនិងសកម្មភាពបន្ទាន់សម្រាប់ការលុបបំបាត់ទម្រង់ធ្ងន់ធ្ងរនៃពលកម្មកុមារនៅឆ្នាំ២០០៥ និងអនុសញ្ញាក្រុងឡាអេស្តីពីការការពារកុមារនិងសហប្រតិបត្តិការទាក់ទងនឹងសុំកូនអន្តរប្រទេសនៅឆ្នាំ២០០៧ ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍ Tianjin

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធានជីន ពីកម្មវិធីអាហារូបករណ៍រដ្ឋាភិបាលធានជីននៃ...

អាហារូបករណ៍ថ្នាក់បរិញ្ញាបត្រ បរិញ្ញាបត្ររង ១០០% នៅសាកលវិទ្យាល័យ IIC និងវិទ្យាស្ថាន ITI

ព័ត៌មានអាហារូបករណ៍, ព្រឹត្តិការណ៍

• 14/11/2025

ជាឱកាសសម្រាប់សិស្សានុសិស្សដែលបញ្ចប់ថ្នាក់ទី១២ ហើយកំពុងស្វែងរកអាហារូបករណ៍សម្រាប់ការសិក្សាថ្នាក់បរិញ្ញាបត្រ និងថ្នាក់បរិញ្ញាបត្ររង។ សម្ពន្ធយុវជនអាហារូបករណ៍ (ស២) បានប្រកាសពីការផ្តល់...

៤ចំណុច ដែលបេក្ខភាពស្នើអាហារូបករណ៍ Australia Awards គួរដឹងក្នុងពេលដាក់ពាក្យ

ព័ត៌មានអាហារូបករណ៍, ព្រឹត្តិការណ៍

• 04/04/2025

នៅក្នុងការដាក់ពាក្យស្នើសុំអាហារូបករណ៍ Australia Awards មានច្រើនដំណាក់កាល ដែលបេក្ខជនត្រូវយកចិត្តទុកដាក់ ក្នុងពេលដាក់ពាក្យស្នើក្នុងដំណាក់កាលនីមួយៗ។ ឯកសារដាក់ស្នើពាក្យ ជាចំណុចរឹតតែសំខាន់ត្រូវត្រៀម និងដាក់ពាក្យស្នើបានឱ្យគ្រប់លក្ខខណ្ឌ។

អាហារូបកណ៍សិក្សាជំនាញវិជ្ជាជីវៈនៅវិទ្យាស្ថានជាតិសហគ្រិនភាព និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 27/08/2024

ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ច...

ក្រសួងអប់រំប្រកាសពីអាហារូបករណ៍ថ្នាក់វេជ្ជសាស្រ្តទូទៅ និងថ្នាក់ Medical Residency នៅសាធារណរដ្ឋអាស៊ែបៃហ្សង់

ព័ត៌មានអាហារូបករណ៍, ព្រឹត្តិការណ៍

• 06/05/2025

ក្រសួងអប់រំ យុវជន និងកីឡា កាលពីថ្ងៃទី៥ ឧសភា បានជូនដំណឹងថា សាធារណរដ្ឋ អាស៊ែបៃហ្សង់ នឹងផ្តល់អាហារូបករណ៍ដល់និស្សិតកម្ពុជា ចំនួន ៣កន្លែង ក្រោមកម្មវិធីអាហារូបករណ៍ "Heydar Aliyev-International Education Grand Program”

អាហារូបករណ៍សាច់ប្រាក់ពីកម្មវិធីអាហារូបករណ៍ធនាគារអ៊ូរីសម្រាប់និស្សិត នៃសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 13/06/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍ធនាគាអ៊ូរីសម្រាប់កំពុងសិក្សានៅសាកលវិទ្យាល័យភូមិន្ទភ្នំពេញ។ អាហារូបករណ៍ផ្ដល់ជូន...

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Deakin ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 05/07/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យDeakin នៃប្រទេសអូស្ត្រាលី។ អាហារូបរកណ៍...

ឱកាសអាហារូបករណ៍ទៅសិក្សានៅប្រទេសសឹង្ហបុរី ពី SIM Global Education Diploma 2026

ព័ត៌មានអាហារូបករណ៍, ព្រឹត្តិការណ៍

• 01/12/2025

SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 25/04/2023

កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...