ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – «កូនស្រី» ជាចំណងជើងសៀវភៅថ្មីមួយរបស់អ្នកស្រី អ៊ុច ថាវី ដែលគ្រោងនឹងចេញលក់ឆាប់ៗនេះ ។ សៀវភៅមួយនេះនិពន្ធឡើងក្នុងគោលបំណងចង់លើកទឹកចិត្តទៅដល់ស្រ្តីគ្រប់រូបឱ្យចេះតស៊ូជម្នះនឹងផ្នត់គំនិតសង្គមដែលគិតថា ស្រ្តីមិនអាចធ្វើអ្វីបាន ដើម្បីឱ្យស្រ្តី ឬកូនស្រីគ្រប់រូបហ៊ានដើរឆ្លងកាត់ព្យុះភ្លៀងជីវិត ឆ្ពោះទៅរកក្តីស្រមៃ និងសេរីភាពពិតប្រាកដរបស់ខ្លួនឯង ។
អ្នកនិពន្ធដែលមានស្រុកកំណើតនៅក្នុងខេត្តកំពង់ចាមរូបនេះ បានបញ្ជាក់ថា ហេតុផលដែលអ្នកស្រីសរសេរសៀវភៅនេះឡើង ដោយសារតែអ្នកស្រីផ្ទាល់ជាស្រ្តី និងអ្នកនិពន្ធ និងអ្នកផលិតវីដេអូអប់រំនៅមណ្ឌលព័ត៌មានស្រ្តីកម្ពុជា (WMC) ជាកន្លែងដែលធ្វើការផ្តោតទៅលើការលើកកម្ពស់សិទ្ធិស្រ្តី និងកុមារី ។
“ ខ្ញុំចង់លុបបំបាត់ពាក្យដែលគេតែងនិយាយថា «អ្ហែងជាស្រីហ្នឹង!» ចោល ហើយច្រកចេញដ៏ល្អបំផុតសម្រាប់ស្រ្តីគឺការអប់រំ“
ប្រសាសន៍អ្នកស្រី អ៊ុច ថាវី
អ្នកនិពន្ធដែលមាននាមប៉ាកកា មេអំបៅ បញ្ជាក់ថា ស្នាដៃសៀវភៅមួយក្បាលនេះ ជាបណ្តុំរឿងខ្លីបែបអប់រំលើកទឹកចិត្តស្រ្តី រួមជាមួយនឹងកំណត់ហេតុជីវិតផ្ទាល់ខ្លួនរបស់អ្នកស្រីផងដែរ ។ ស្នាដៃមួយនេះ មិនមែនជាការលើកឡើងពីជោគជ័យរបស់ស្រ្តីណាម្នាក់ទេ វាគ្រាន់តែជាការបង្ហាញនូវបទពិសោធរបស់ស្រ្តីដែលជាតួអង្គនៅក្នុងរឿងទាំងអស់ ដែលបានខិតខំតស៊ូជម្នះនឹងផ្នត់គំនិតសង្គម តស៊ូជម្នះនឹងកំសោយផ្លូវចិត្តខ្លួនឯង ដើរឆ្លងកាត់ឧបសគ្គជីវិត បោះជំហានទៅរកក្ដីស្រមៃ និងឯករាជ្យជាខ្លួនឯង ។
“ខ្ញុំចង់ឃើញស្រ្តីចូលរួមរាល់សកម្មភាពទាំងឡាយណាដែលអាចឱ្យគាត់ងើបរួចពីរណ្តៅផ្នត់គំនិត «ស្រ្តីបង្វិលចង្រ្កានមិនជុំ» ឬ «ស្រ្តីជាប្រហុកមួយពាងប្រចាំផ្ទះ» នោះចេញ”
អ្នកស្រី អ៊ុចថាវី បន្តថា បើទោះជាគាត់ត្រូវធ្វើជាស្រ្តីមេផ្ទះ គាត់ក៏គួរជាស្រ្តីមេផ្ទះដែលមានចំណេះដឹង ចេះយល់ពីសិទ្ធិខ្លួនឯង។ បើគាត់ជាម្តាយគេ ក៏ត្រូវតែជាម្តាយដែលមានសមត្ថភាពអប់រំណែនាំទាំងកូនស្រីនិងកូនប្រុសថា «កូនប្រុសនិងកូនស្រីសុទ្ធតែជាមាសទឹកដប់ដូចគ្នា» ការពង្រឹងចំណេះ និងពង្រឹងជំនាញជាអ្វីដែលស្រ្តីត្រូវតែធ្វើ ។
ស្រ្តីដែលស្ថិតនៅក្នុងវិស័យនិពន្ធជាច្រើនឆ្នាំរូបនេះបន្តថា បុរសធ្វើអី្វបាន ស្រ្តីក៏អាចធ្វើវាបានដូចគ្នា ប៉ុន្តែគ្រប់យ៉ាងគឺវាស្ថិតលើស្រ្តីខ្លួនឯងជាគោលសំខាន់បំផុត។ ស្រ្តីខ្លួនឯងត្រូវតែហ៊ានតស៊ូជម្នះក្រោកឈរដោយខ្លួនឯង ត្រូវធ្វើជាព្រហ្មលិខិតកំណត់វាសនាខ្លួនដោយខ្លួនឯង ហើយការសិក្សាអប់រំគឺជាខ្នងបង្អែកដ៏រឹងមាំបំផុតរបស់ស្រ្តីគ្រប់រូប ។
សូមបញ្ជាក់ដែរថា សៀវភៅដែលមានចំណងជើងថា “កូនស្រី” គឺជាស្នាដៃទីបីហើយរបស់អ្នកស្រី អ៊ុច ថាវី ដោយកន្លងមកអ្នកស្រីធ្លាប់បានចេញផ្សាយស្នាដៃចំនួន២រួចមកហើយ ដោយ ទី១ជាប្រលោមលោករឿងបែបស៊ើបអង្កេតរឿង “តាមប្រមាញ់ឧក្រិដ្ឋជន” និង ទី២ ប្រលោមលោកបែបជីវិត រឿង «សំណាញ់ជីវិត» ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 30/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...
ឱកាសសម្រាប់សិស្សបាក់ឌុប! អាហារូបករណ៍ទេពកោសល្យឌីជីថលតេជោ ៦០០កន្លែង ផ្តល់ជូនទាំងកុំព្យូទ័រ និងការសិក្សាឥតគិតថ្លៃ ១០០%
ព័ត៌មានអាហារូបករណ៍, ព្រឹត្តិការណ៍
• 03/07/2026
ក្នុងឆ្នាំសិក្សា២០២៦-២០២៧ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួង ប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៦០០ កន្លែង សម្រាប់សិក្សាថ្នាក់...
អាហារូបករណ៍ថ្នាក់បរិញ្ញាបត្រជាន់ខ្ពស់ ៥០កន្លែង លើជំនាញបច្ចេកវិទ្យាឌីជីថល នៅ CADT
ព័ត៌មានអាហារូបករណ៍, ព្រឹត្តិការណ៍
• 12/01/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) ប្រកាសជ្រើសរើសនិស្សិតអាហារូបករណ៍ចំនួន ៥០ នាក់ ស្មើនឹង ២ ថ្នាក់ ដើម្បីសិក្សាថ្នាក់ បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល ព្រមទាំងធ្វើការបណ្តុះបណ្តាលវិធីសាស្ត្របង្រៀនជំនាញបច្ចេកវិទ្យាឌីជីថល...
អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare នៃប្រទេសជប៉ុន ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 02/05/2024
ឱកាសសិក្សាអាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare (IUHW) រយៈពេល៦ឆ្នាំនៃ...
អាហារូបករណ៍១០០% នៅមហាវិទ្យាល័យ Guangxi Transport Vocational
ព័ត៌មានអាហារូបករណ៍, ព្រឹត្តិការណ៍
• 17/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅមហាវិទ្យាល័យGuangxi Transport Vocational and Technical សម្រាប់ឆ្នាំសិក្សា២០២៤-២០២៥។ ...
ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 12/11/2025
វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។
អាហារូបករណ៍ថ្នាក់បរិញ្ញាបត្ររង២១០នាក់ នៅវិទ្យាស្ថានជាតិពហុបច្ចេកទេសតេជោសែន សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 18/12/2024
វិទ្យាស្ថានជាតិពហុបច្ចេកទេសតេជោសែន និងគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្ររងចំនួន២១០កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
