អ្នកជំនាញអប់រំ ៖ កុមារក្នុងបរិបទឌីជីថល ឪពុកម្តាយត្រូវបង្កើតបរិយាកាសរៀន ទៅតាមលំនាំ នៃអត្តចរិតរបស់កូន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

កុមារដែលបានចាប់កំណើតចាប់តាំងពីឆ្នាំ២០១២ រហូតមកដល់បច្ចុប្បន្ន ត្រូវបានចាត់ទុកថា គឺជាជំពូកមនុស្សស្ថិតនៅក្នុងជំនាន់អាល់ហ្វា ឬភាសាអង់គ្លេសហៅថា Generation Alpha (Gen Alpha)។ ពួកគេបានកើតមកជាមួយបច្ចេកវិទ្យា ហើយមានភាពចម្រុះផ្សំទាំងអស់នៃជំនាន់មនុស្សមុនៗ ដូច្នេះក្នុងនាមជាអ្នកអប់រំ ក៏ដូចជាឪពុកម្តាយ ត្រូវចេះមើលឥរិយាបទ ហើយបង្កើតបរិកាសរៀនទៅដល់ពួកគេតាមលំនាំ នៃអត្តចរិតរបស់កូន។

លោកឧកញ៉ា ប៉ិច បូឡែន អគ្គនាយកក្រុមហ៊ុនវេសឡាញ អេឌ្យូខេសិន គ្រុប និងជាអ្នកជំនាញអប់រំលើកឡើងថា ជាទូទៅចន្លោះ១០ ទៅ១៥ឆ្នាំម្តង គឺតែងតែមានការប្រែប្រួលនៃបរិបទសង្គម ដែលវាធ្វើឱ្យមានការប្រែប្រួលដល់កត្តាចិត្តសាស្រ្តរបស់មនុស្ស ដូច្នេះក្នុងនាមជាគ្រូបង្រៀន ក៏ដូចជាឪពុកម្តាយ អ្នកអាណាព្យាបាលត្រូវតាមឱ្យទាន់នូវបម្រែបម្រួល នៃចិត្តសាស្រ្តរបស់មនុស្សគ្រប់ជំនាន់ទាំងអស់។ តាមអ្នកជំនាញអប់រំរូបនេះ កុមារដែលមានអាយុ៣ឆ្នាំនៅពេលនេះ មានអត្តចរិត និងការគិត មិនដូចកុមារអាយុ៣ឆ្នាំ កាលពី១០ ឬ២០ឆ្នាំមុននោះទេ, លោកថា ប្រសិនបើយើងធ្លាប់ជាកូនក្មេង ហើយគិតថា កូនរបស់យើងដូចយើងកាលពីនៅក្មេងនោះក៏មិនត្រូវដែរ ព្រោះតែបរិបទសង្គមបច្ចុប្បន្ន គឺស្ថិតក្នុងបរិបទឌីជីថល ដែលវាខុសគ្នាកាលពី១០ ទៅ២០ឆ្នាំមុន។

បើតាមលោកឧកញ៉ា ប៉ិច បូឡែន គ្រូបង្រៀន ក៏ដូចជាឪពុកម្តាយ អ្នកអាណាព្យាបាល គួរស្វែងយល់អំពីជំនាន់នៃមនុស្ស ឬ Generation ដើម្បីងាយស្រួលក្នុងការសម្របខ្លួនជាមួយសិស្ស ក៏ដូចជាកូនៗ។ លោកឧកញ៉ាបានលើកពីលក្ខណៈខ្លះៗរបស់កុមារដែលស្ថិតនៅក្នុង ជំនាន់អាល់ហ្វា ដោយថា ក្មេងនៅក្នុងជំនាន់នេះ គឺមានលំនាំស្រដៀងទៅនឹង មនុស្សជំនាន់ Z ឬ GenZ ដោយពួកគេមានគំនិតច្នៃប្រឌិត ចង់ធ្វើកិច្ចការងារច្រើន ហ៊ានប្រថុយប្រថានច្រើន ចង់សាកល្បងអ្វីដែលថ្មី មានទិន្នន័យច្រើន មានអារម្មណ៍ប្រែប្រួល ដែលទាមទារឱ្យអ្នកអប់រំ ឪពុកម្តាយ គ្រូបង្រៀន ត្រូវតាមមើលឥរិយាបទរបស់កូននីមួយៗ ។

ក្នុងនាមជាអ្នកជំនាញអប់រំ លោកឧកញ៉ា ប៉ិច បូឡែន ក៏បានផ្តល់ជាដំបូន្មានដល់ឪពុកម្តាយទាំងឡាយដែលកំពុងចិញ្ចឹមកូនក្នុងជំនាន់អាល់ហ្វា ត្រូវបង្កលក្ខណៈឱ្យកូនបញ្ចេញទេពកោសល្យ ច្រើនជាងប្រាប់គាត់ឱ្យធ្វើអ្វីមួយ, ត្រូវយល់ពីអារម្មណ៍គាត់ ចំណង់ចំណូលចិត្តគាត់ ហើយត្រូវបង្កើតបរិយាកាសរៀន ទៅតាមលំនាំនៃអត្តចរិតរបស់ពួកគេ។ «ដោយសារទិដ្ឋភាពនៃការរៀនសូត្រឥឡូវនេះសម្បូរបែបជាងមុន អញ្ចឹងគាត់ចង់សាកល្បង គាត់ចង់បង្កើតថ្មី គាត់មានគំនិតច្នៃប្រឌិតច្រើន អញ្ចឹងបង្កលក្ខណៈឱ្យគាត់ទៅ គាត់នឹងបង្កើតអ្វីដែលថ្មីៗ អ្វីដែលគាត់ចង់សាកល្បងធ្វើ…»។

បើតាមការស្រាវជ្រាវរបស់ Pew Research Center ដែលជាស្ថាប័នស្រាវជ្រាវដ៏ល្បីល្បាញមួយរបស់សហរដ្ឋអាមេរិក ជំនាន់របស់មនុស្សត្រូវបានបែងចែកជា៥ គឺ Baby Boomers (កើតក្នុងឆ្នាំ 1946-1964), Generation X (កើតក្នុងឆ្នាំ 1965-1980), Millennials (Gen Y) (កើតក្នុងឆ្នាំ 1981-1996), Generation Z (Gen Z) (កើតក្នុងឆ្នាំ 1997-2012) និង Generation Alpha (កើតក្រោយឆ្នាំ 2013)។

ក្នុងនោះ មនុស្ស២ជំនាន់ដែលអ្នកអប់រំ កំពុងតែយកចិត្តទុកដាក់ គឺជំនាន់ GenZ និនជំនាន់ Gen Alpha ។ មនុស្សកើតនៅក្នុងជំនាន់ Z ពួកគេតែងតែចាប់អារម្មណ៍ខ្លាំងនឹងបច្ចេកវិទ្យា ហើយស្ទាត់ជំនាញក្នុងការប្រើប្រាស់បច្ចេកវិទ្យាតាំងពីតូច, ពួកគេមានគំនិតច្នៃប្រឌិត ចាប់អារម្មណ៍នឹងបញ្ហាសង្គម បរិស្ថាន សិទ្ធិមនុស្ស ហើយតែងបង្ហាញអារម្មណ៍នៅលើបណ្តាញសង្គម។ ដោយឡែកមនុស្សជំនាន់អាល់ហ្វា (Generation Alpha) ពួកគេមានទំនាក់ទំនងយ៉ាងស៊ីជម្រៅជាមួយបច្ចេកវិទ្យាដូចជា ទូរស័ព្ទដៃ គ្រឿងលេងបច្ចេកវិទ្យា និងបណ្តាញអ៊ីនធឺណេត, ពួកគេលូតលាស់ក្នុងបរិយាកាសបច្ចេកវិទ្យា ដែលធ្វើឱ្យពួកគេមានគំនិតច្នៃប្រឌិតខ្ពស់ជាងមនុស្សជំនាន់មុនៗ តែជាមួយគ្នានេះ ពួកគេក៏ពិបាកបែងចែករវាងពិភពពិទ និងពិភពនិម្មិត ដែលទាមទារឱ្យឪពុកម្តាយ អ្នកអាណាព្យាបាលត្រូវជួយពួកគេឱ្យចេះគិតស៊ីជម្រៅ ជួយពន្យល់ថា បច្ចេកវិទ្យាប្រើដោយរបៀបម៉េច មានគុណសម្បត្តិ និងគុណវិបត្តិយ៉ាងណា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សាពីកម្មវិធី Abu Dhabi University ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Abu Dhabi University ពីកម្មវិធី Abu Dhabi University Scholarship 2026 នៃប្រទេសអេមីរ៉ាតអារ៉ាប់រួម។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររយៈពេល​៤ឆ្នាំ

ឱកាសសិក្សាសញ្ញាបត្រជាន់ខ្ពស់ចំនួន១០កន្លែងនៅវិទ្យាស្ថានបច្ចេកទេស​ឧស្សាហកម្ម ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 22/11/2024

ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពី...

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និង​វិជ្ជាជីវៈ ចំនួន ៦៣៣០នាក់

ព័ត៌មានអាហារូបករណ៍, ព្រឹត្តិការណ៍

• 17/11/2023

ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និង​វិជ្ជាជីវៈ ពេលនេះ វិទ្យាស្ថានពហុបច្ចេកទេស​ភូមិភាគតេជោសែនបាត់ដំបង ...

ក្រសួង​ការងារ​ ផ្ដល់​អាហារូបករណ៍​កម្រិត​ជាន់ខ្ពស់​បច្ចេកទេស​ចំនួន​ ​៦០​កន្លែង​ ​ទៅ​សិក្សា​នៅ​ប្រទេស​វៀតណាម​

ព័ត៌មានអាហារូបករណ៍, ព្រឹត្តិការណ៍

• 27/08/2026

​ក្រសួង​ការងារ​ ​និង​បណ្តុះបណ្តាល​វិជ្ជាជីវៈ ​បាន​ប្រកាស​ពី​ការ​ផ្តល់​អាហារូបករណ៍​ទៅ​សិក្សា​កម្រិត​សញ្ញាបត្រ​ជាន់ខ្ពស់​បច្ចេកទេស​ ​រយៈពេល​ ៤​ឆ្នាំ​ ​សម្រាប់​ឆ្នាំ​សិក្សា​ ​២០២៦​-​២០២៧ ​នៅ​ ​Thai Nguyen ​College

ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយ​មានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...

ឆ្នាំសិក្សា២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍១០០% ថ្នាក់បរិញ្ញាបត្ររង ១២០កន្លែង និងថ្នាក់សញ្ញាបត្របច្ចេកទេស ១៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 10/09/2025

សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈ​បាត់ដំបង បានប្រកាស​ជ្រើសរើស​សិស្ស​និស្សិត​ឱ្យ​ចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្រ​បច្ចេកទេស...

អាហារូបករណ៍ទៅ​សិក្សា​ថ្នាក់បរិញ្ញាបត្រ​នៅសាកលវិទ្យាល័យ Kent State សម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 12/08/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យ Kent State សហរដ្ឋអាមេរិក ឆ្នាំសិក្សា២០២៦ ពីកម្មវិធីអាហារូបករណ៍ Kent State University Global Scholarship 2026 ។

ប្រទេសព្រុយណេផ្តល់អាហារូបករណ៍​រយៈពេលខ្លី សម្រាប់​បេក្ខជន​មក​ពី​បណ្តា​ប្រទេស​សមាជិកអាស៊ាន

ព័ត៌មានអាហារូបករណ៍, ព្រឹត្តិការណ៍

• 06/01/2023

ក្រសួងអប់រំ យុវជន និង​កីឡា បានជូនដំណឹងថា នៅ​ក្នុង​ឆ្នាំ​២០២៣នេះ កម្មវិធី​អាហារូបករណ៍ "Brunei Darussaiam Scholarship on Enhancing Professional...

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 21/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រ​ជាន់ខ្ពស់ពីកម្មវិធី Youth of Excellence Scheme of China (YES China) នៅវិទ្យាស្ថានបច្ចេកវិទ្យា Harbin ...


អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *