យុវជនខ្មែរពីររូប សហការគ្នាបង្កើតម៉ាស៊ីនចិតដូងខ្ចី ក្នុងមួយថ្ងៃអាចចិតបាន៦០០ផ្លែ

យុវជនខ្មែរពីររូប ជានិស្សិតឆ្នាំទី២ ផ្នែកវិស្វកម្មអគ្គិសនី នៃវិទ្យាស្ថានអភិវឌ្ឍន៍មុខជំនាញកម្ពុជា-ថៃ បានសហការគ្នាបង្កើតម៉ាស៊ីនចិតដូងខ្ចី ប្រើរយៈពេលខ្លីចិតដូងបានស្អាត ដោយក្នុងមួយថ្ងៃអាចចិតបាន៦០០រយផ្លែ។

យុវជន ជុំ វិច្ឆិកា បានប្រាប់ឱ្យដឹងថា ការសហការគ្នាបង្កើតម៉ាស៊ីនចិតដូងខ្ចីនេះឡើង ដោយសារចង់ប្រើប្រាស់ចំណេះដឹងដែលខ្លួនបានរៀនមកអនុវត្តជាក់ស្តែង។ លើសពីនេះ ដើម្បីចូលរួមជួយសម្រួលដល់ការលំបាករបស់អាជីវករលក់ដូង អាចងាយស្រួលចិតដូងរហ័សជាងមុន និងមិនរង់ចាំយូរ។

ម៉ាស៊ីនចិតដូងខ្ចី

និស្សិតឆ្នាំទី២ ផ្នែកវិស្វកម្មអគ្គិសនី នៃវិទ្យាស្ថានអភិវឌ្ឍន៍មុខជំនាញកម្ពុជា-ថៃ រូបនេះ បន្ថែមថា លក្ខណៈពិសេសរបស់ម៉ាស៊ីនចិតដូងខ្ចីនេះ គឺម៉ាស៊ីនអាចចិតដូងមួយផ្លែសម្រេចជាលទ្ធផល ប្រើរយៈពេលត្រឹមតែមួយនាទីប៉ុណ្ណោះ ដូច្នេះក្នុងរយៈពេលមួយថ្ងៃម៉ាស៊ីនអាចចិតដូងបានចម្លោះពី ៥០០ទៅ៦០០ផ្លែ។

ជុំ វិច្ឆិកា បញ្ជាក់បន្ថែមថា ការបង្កើតម៉ាស៊ីនចិតដូងខ្ចី ជាលើកដំបូងនេះ ប្រើរយៈពេលមួយខែពេញ។ វិច្ឆិកា បន្តថា នៅក្នុងដំណើរការបង្កើតម៉ាស៊ីនចិតដូងខ្ចីនេះ ចែកចេញជា ៣ដំណាក់កាល គឺដំណាក់កាលទី១ ការធ្វើគ្រោងម៉ាស៊ីន, ដំណាក់កាលទី២ ការធ្វើមុខកាំបិត និងមុំ, ដំណាក់កាលទី៣ ការដំឡើងផ្នែកប្រព័ន្ធអគ្គិសនី និងគ្រឿងម៉ាស៊ីន។

ចំពោះផលលំបាក ក្នុងការបង្កើតម៉ាស៊ីនចិតដូងខ្ចីនេះ ជុំ វិច្ឆិកា និយាយថា នេះជាគម្រោងលើកដំបូងរបស់ក្រុមខ្លួន ទើបជួបការលំបាកច្រើនដែលត្រូវចេះជំនាញមេកានិច ហើយត្រូវចេះកំណត់ កម្លាំងម៉ូទ័រមិនឱ្យលឿនពេក ឬយឺតពេក។ លើសពីនេះ ម៉ាស៊ីនចិតដូងខ្ចីនេះ ទម្រាំអាចចិតដូងបានស្អាត គឺបានតេស្តសាកល្បងប្រមាណ២០ ទៅ៣០ដង។

ជាមួយគ្នានេះ យុវជន ហៃ សុភ័ក្ត និស្សិតឆ្នាំទី២ ផ្នែកវិស្វកម្មអគ្គិសនី នៃវិទ្យាស្ថានអភិវឌ្ឍន៍មុខជំនាញកម្ពុជា-ថៃ ដែលចូលរួមក្នុងគម្រោងនេះ បានប្រាប់បន្ថែមថា កាលពីមុនអ្នកលក់ដូង ចិតដូងដោយប្រើដៃ ចំណាយពេលយូរ ទើបក្រុមខ្លួន​មានគោលគំនិតសហការគ្នា បង្កើតម៉ាស៊ីនចិតដូងនេះឡើង ដោយ​ប្រើកម្លាំងមេកានិចដែលអាចប្រើរយៈពេលខ្លី ចិតដូងបានស្អាត និងលឿនរហ័ស។

និស្សិតបង្ហាញស្នាដៃម៉ាស៊ីនចិតដូងខ្ចី

ហៃ សុភ័ក្ត បញ្ជាក់ដែរថា ការបង្កើតម៉ាស៊ីនចិតដូងខ្ចីនេះ ចំណាយថវិកាអស់ប្រមាណ ៥០០ដុល្លារ ដោយសារសម្ភារៈប្រើប្រាស់ដូចជា ម៉ូទ័រមានតម្លៃថ្លៃ។ សុភ័ក្ត បន្តថា ប្រសិនមានម្ចាស់អាជីវករ ចាប់អារម្មណ៍ចង់បានយកទៅប្រើប្រាស់ ខ្លួន​នឹងសហការគ្នាដំឡើងម៉ាស៊ីនចិតដូងខ្ចីនេះជូនបាន។

សម្រាប់គម្រោងនៅថ្ងៃខាងមុខ វិច្ឆិកា និងសុភ័ក្ត នឹងបន្តកែលម្អ ម៉ាស៊ីនចិតដូងខ្ចីនេះ ដោយប្រើប្រព័ន្ធ PLC ដើម្បីកំណត់កម្មវិធីគ្រប់គ្រងប្រព័ន្ធម៉ាស៊ីនដោយស្វ័យប្រវត្តិ ធ្វើយ៉ាងណាឱ្យម៉ាស៊ីនដំណើរការកាន់តែលឿនជាងមុន ចំណាយថវិកាតិចក្នុងការផលិត និងទំហំតូចជាងមុន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី Chulabhorn Postgraduate Scholarship ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 06/07/2023

កម្មវិធីអាហារូបករណ៍ Chulabhorn Postgraduate Scholarship in Thailand ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសថៃ ។...

ឱកាសបន្តការសិក្សានៅបារាំង! អាហារូបករណ៍ France Excellence Eiffel ឆ្នាំ២០២៧

ព័ត៌មានអាហារូបករណ៍, ព្រឹត្តិការណ៍

• 21/10/2026

បារាំង ផ្តល់អាហារូបករណ៍ដល់និស្សិតកម្ពុជា សម្រាប់ឆ្នាំសិក្សា ២០២៧–២០២៨

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង

ព័ត៌មានអាហារូបករណ៍, ព្រឹត្តិការណ៍

• 04/02/2025

ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។

ឱកាសសិក្សាថ្នាក់បរិញ្ញបត្ររង-បរិញ្ញាបត្រ នៅវិទ្យាស្ថានអាហ្កាចំនួន១០០​កន្លែង​ ពីអាហារូបករណ៍អភិសន្តិបណ្ឌិត ស សុខា

ព័ត៌មានអាហារូបករណ៍, ព្រឹត្តិការណ៍

• 10/11/2023

ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅវិទ្យាស្ថានអាហ្កាចំនួន១០០កន្លែង ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។ អាហារូបករណ៍ផ្ដល់ជូនក្រោមការឧបត្ថម្ភ ...

ក្រសួងអប់រំផ្តល់អាហារូបករណ៍១០កន្លែង សម្រាប់ថ្នាក់បរិញ្ញាបត្រជាន់ខ្ពស់ផ្នែកវិធីសាស្រ្តបង្រៀនភាសាបារាំង​ជំនាន់ទី៥

ព័ត៌មានអាហារូបករណ៍, ព្រឹត្តិការណ៍

• 14/06/2023

ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកវិធីសាស្ត្របង្រៀនភាសាបារាំងជំនាន់ទី៥ឆ្នាំសិក្សា២០២៣-២០២៤ ។...

អាហារូបករណ៍ថ្នាក់បរិញ្ញាបត្ររង ចំនួន១០កន្លែង នៅវិទ្យាស្ថានបច្ចេកទេសឧស្សាហកម្ម ឆ្នាំសិក្សា២០២៦-២០២៧ ពីកម្មវិធីអាហារូបករណ៍អភិសន្តិបណ្ឌិត ស សុខា

ព័ត៌មានអាហារូបករណ៍, ព្រឹត្តិការណ៍

• 14/09/2026

អាហារូបករណ៍ជំនាញបច្ចេកទេស ចំនួន ១០កន្លែង កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) នៅវិទ្យាស្ថានបច្ចេកទេសឧស្សាហកម្ម (ITI) សម្រាប់ឆ្នាំសិក្សា ២០២៦-២០២៧។

ក្រសួងអប់រំ ប្រកាសផ្ដល់អាហារូបករណ៍ ១០០% ចំនួន ៦០កន្លែង លើជំនាញឌីជីថល នៅសាកលវិទ្យាល័យជាតិគ្រប់គ្រង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 30/09/2026

ក្រសួងអប់រំ យុវជន និងកីឡា ក្រោមកិច្ចសហប្រតិបត្តិការជាមួយធនាគារអភិវឌ្ឍន៍អាស៊ី (ADB) តាមរយៈ «គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC)»

ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 09/01/2025

ក្រសួងអប់រំ យុវជន និងកីឡា ប្រកាស​ជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...