ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានជាតិពាណិជ្ជសាស្រ្ត បានប្រកាសផ្តល់អាហារូបករណ៍ជាច្រើនកន្លែងដល់យុវជន ដែលមានបំណងចង់សិក្សាជំនាញក្នុងវិស័យធុរកិច្ច និងព័ត៌មានវិទ្យា។
អត្ថប្រយោជន៍ ដែលទទួលបានរួមមាន ៖ សិក្សាដោយមិនបង់ថ្លៃ, ទទួលបានប្រាក់ឧបត្ថម្ភប្រចាំខែ ២៨ម៉ឺនរៀលក្នុងមួយ ដោយសិក្សាពេញម៉ោង, ផ្តល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ, កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន, ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា។
ក្រុមគោលដៅដែលត្រូវជ្រើសរើស ៖ យុវជនដែលមានអាយុចាប់ពី១៥ឆ្នាំឡើង មកពីគ្រួសារក្រីក្រ និងគ្រួសារងាយរងហានិភ័យ, បុគ្គល នៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ មានឱកាសចុះឈ្មោះចូលរៀនកម្មវិធីបណ្តុះបណ្តាលនេះ ប៉ុន្តែមិនទទួលបានប្រាក់ឧបត្ថម្ភទេ។
ជំនាញដែលត្រូវសិក្សារួមមាន ៖ សេវាកម្មកុំព្យូទ័រ (កំណត់សមាសភាគ នៃគ្រឿងបង្គុំកុំព្យូទ័រ, ថែទាំផ្នែករឹង និងផ្នែកទន់របស់កុំព្យូទ័រ, ដំឡើងនិងដោះប្រព័ន្ធផ្នែករឹង នៃកុំព្យូទ័រ, ដំឡើងផ្នែកទន់, វិភាគរកការខូច និងដោះដូរផ្នែករឹងនៃប្រព័ន្ធកុំព្យូទ័រ, វិភាគរកការខូចផ្នែកទន់), សេវាកម្មធនធានមនុស្ស (ជួយរៀបចំទុកដាក់ឯកសារធនធានមនុស្សទាំងក្នុង និងក្រៅកុំព្យូទ័រ, ចេះប្រើប្រាស់កុំព្យូទ័រសម្រាប់កិច្ចការធនធានមនុស្ស, បិទក្រដាសផ្សព្វផ្សាយជ្រើសរើសនិយោជិត, ធ្វើតេស្តនិយោជិតទាំងជំនាញ និងចិត្តសាស្រ្ត), សេវាកម្មរដ្ឋបាល (រៀបចំទុកដាក់ឯកសាររដ្ឋបាលបានត្រឹមត្រូវទាំងក្នុងកុំព្យូទ័រ និងក្រៅកុំព្យូទ័រ, ផ្ញើ និងទទួលឯកសាររដ្ឋបាល, សរសេរតាក់តែងលិខិតរដ្ឋបាល, ធ្វើបដិសណ្ណារកិច្ចភ្ញៀវ/អតិថិជន, រៀបចំ សម្របសម្រួលកិច្ចប្រជុំសិក្ខាសាលា…), សេវាកម្មអតិថិជន (រៀបចំផលិតផលសម្រាប់តាំងបង្ហាញ, ជួយលក់ផលិតផល និងសេវាកម្ម, ផ្តល់សេវាកម្មដល់អតិថិជន, ប្រតិបត្តិបរិក្ខារលក់រាយមូលដ្ឋាន, អនុវត្តនីតិវិធីត្រួតពិនិត្យស្តុកទំនិញ), ការរចនាក្រាហ្វិកដោយកុំព្យូទ័រ (កែរូបភាព, ធ្វើនាមបណ្ណ ខិត្តប័ន្ណផ្សព្វផ្សាយ ឬធ្វើគម្របសៀវភៅ, រចនាផ្ទាំងផ្សាយពាណិជ្ជកម្មគ្រប់ប្រភេទ, រចនារូបភាពសម្រាប់កម្មវិធីផ្សេងៗ, កែសម្រួលរូបថតចាស់ៗឱ្យថ្មី)។
វេនសិក្សា មានវេនពីថ្ងៃចន្ទ ដល់ថ្ងៃសុក្រ ដោយសិក្សារយៈពេល៤ខែ, វេនយប់ សិក្សារយៈពេល៨ខែ និងវេនចុងសប្តាហ៍សិក្សារយៈពេល ១០ខែ។
សម្រាប់ការចុះឈ្មោះចូលរៀន សូមចុះតាមថ្នាលឌីជីថល www.tvet.gov.kh ឬទៅកាន់មន្ទីរការងារ និងបណ្តុះបណ្តាលវិជ្ជាជីវៈនៅតាមបណ្តារាជធានីខេត្ត ឬ គ្រប់មជ្ឈមណ្ឌលការងារនៅតាមរាជធានីខេត្តចំនួន១៤ និងមជ្ឈមណ្ឌលការងារចល័តចំនួន៥ នៃ NEA៕
