ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រកាសជ្រើសរើសសិក្ខាកាមចូលសិក្សាជំនាញបច្ចេកទេសជាច្រើនកន្លែង នៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង ដោយឥតគិតថ្លៃ។
ក្រៅពីការសិក្សាឥតគិតថ្លៃ សិក្ខាកាមក៏ទទួលបាននូវអត្ថប្រយោជន៍ដូចជា ប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយខែ រយៈពេល៤ខែ ដោយសិក្សាពេញម៉ោង, ផ្តល់ប្រឹក្សាយោបល់ពីការជ្រើសរើស និងព័ត៌មានទីផ្សារការងារ, ផ្តល់កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន, សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ជំនាញមួយពិតប្រាកដដែលទីផ្សារកំពុងត្រូវការ និង ឱកាសការងារធ្វើសសមរម្យ និងចំណូលទៀងទាត់។
ជំនាញសិក្សា សេវាកម្មកុំព្យូទ័រ (៨១០កន្លែង), ការរចនាក្រាហ្វិកដោយកុំព្យូទ័រ (៨១០កន្លែង), ការតម្លើងបណ្តាញអគ្គិសនីក្នុងអគារ (១៣៥០កន្លែង), ការថែទាំ និងជួសជុលរថយន្ត (៥៤០កន្លែង), ការកែច្នៃបន្លែ និងផ្លែឈើ (១៦២០កន្លែង), សេវាកម្មបរិក្ខាត្រជាក់ក្នុងគេហដ្ឋាន (២៧០កន្លែង) និងការតម្លើងប្រព័ន្ធបញ្ជាម៉ូទ័រអគ្គិសនី (៥៤០កន្លែង)។
វេនសិក្សា មានពីថ្ងៃចន្ទ-ថ្ងៃសុក្រ (ព្រឹក និងរសៀល) និងវេនថ្ងៃសៅរ៍ និងថ្ងៃអាទិត្យ។
លក្ខខណ្ឌ នៃការជ្រើសរើស ៖ បេក្ខជនមកពីគ្រួសារក្រីក្រ (បណ្ណសមធម៌ក្រីក្រ ១ ឬក្រីក្រ២) និងគ្រួសារដែលងាយរងហានិភ័យ។
សម្រាប់យុវជនដែលមានចំណាប់អារម្មណ៍ សូមទៅទទួលពាក្យនៅការិយាល័យអប់រំបណ្តុះបណ្តាល នៃវិទ្យាស្ថានពហុបច្ចេកទេសភូមិភាគតេជោសែនបាត់ដំបង មានទីតាំងស្ថិតនៅតាមបណ្តោយផ្លូវលេខ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ជាប់ខាងជើងអនុវិទ្យាល័យសោហឺ ទល់មុខវេទិកាអុំទូក ។ ចាប់ទទួលពាក្យពីថ្ងៃផ្សាយដំណឹងនេះតទៅ ចូលរៀននៅថ្ងៃទី១៥ ខែមករា ឆ្នាំ២០២៤៕
