ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសរសេរកំណត់ត្រាផ្ទាល់ខ្លួន ជាទូទៅមានរួមបញ្ចូលទាំងសកម្មភាពកំណត់ហេតុប្រចាំថ្ងៃ ឬសរសេរបំផុសការគិតថ្មីៗ និងកត់ទុកអំពីអារម្មណ៍ដែលទទួលបានពីមជ្ឈដ្ឋានជុំវិញខ្លួន។ យោងតាមគេហទំព័រ verywellmind ការសរសេរកំណត់ត្រា គឺជាវិធីក្នុងការគ្រប់គ្រងស្រ្តេស ការស្វែងរកគន្លឹះសំខាន់ និងគំនិតថ្មីៗ ចំពោះប្រសិទ្ធភាពវិញគឺអាស្រ័យលើភាពទៀតទាត់នៃការអនុវត្ត។
ជាគន្លឹះបន្ថែម នៃវីធីមានប្រសិទ្ធភាពក្នុងការសរសេរកំណត់ត្រាដែលអាចកាត់បន្ថយស្រ្តេសបាន គឺ សរសេររៀបរាប់អំពីអារម្មណ៍ផ្ទាល់ខ្លួនឱ្យមានភាពលម្អិតចេញមក រួមបញ្ចូលទាំងការគិតដែលនាំឱ្យស្មុគស្មាញទាក់ទងនឹងហេតុការណ៍ ឬក៏ព្រឹត្តិការណ៍អ្វីមួយ លោកអ្នកអាចរៀបរាប់ជាសេចក្ដីព្រាងក៏បាន ជាដំណោះស្រាយក៏បាន។
បើនិយាយផ្តោតអំពីអត្ថប្រយោជន៍ផ្នែកអារម្មណ៍ ការសរសេរកំណត់ត្រាប្រៀបបាននឹងការទទួលបានមិត្តដ៏យល់ចិត្តម្នាក់មកអង្គុយស្តាប់រឿងរ៉ាវដែលបានកើតឡើង ឬក៏វាស្រដៀងនឹងការនិយាយជាមួយមិត្តស្និទ្ធស្នាលរបស់អ្នករៀងរាល់ពេលជួបវិបត្តិអ្វីមួយ នោះការសរសេរមានឥទ្ធិពលជួយជម្រះភាពមន្ទិលចេញពីខួរក្បាល និងមានឱកាសសរសេរពាក្យពេចន៍ដែលចាក់ចំបេះដូង បង្ហាញពីការខកចិត្ត ហើយក៏ជាកន្លែងមួយដែលអាចបញ្ចេញកំហឹងបានផងដែរ។
ការសសេរកំណត់ត្រា ជួយលោកអ្នកឱ្យផ្ទៀងផ្ទាត់អំពីការគិតនិងអារម្មណ៍ដែលកំពុងមាន ពីព្រោះវាបានកាត់បន្ថយភាពច្របូកច្របល់ចេញពីខួរក្បាល ដែលជាកត្តាមួយជួយជំរុញដល់ការបណ្តុះសមត្ថភាពចំណេះដឹងបន្ថែម ហើយវាក៏ជាវីធីពង្រឹងជំនាញដោះស្រាយបញ្ហាផងដែរ។ ជារឿយៗ មនុស្សបានយកក្រដាសមកគូសវាសពេលត្រូវជជែក និងស្វែងរកដំណោះស្រាយអ្វីមួយ ហើយស្ថិតក្នុងដំណាក់កាលនេះ វាក៏បានជួយឱ្យយើងរៀនសូត្រអំពីការគ្រប់គ្រងអារម្មណ៍ប្រកបដោយវិធីវិជ្ជមានឬក៏ផាសុកភាព។
កំណត់ត្រា បានជួយឱ្យមនុស្សដែលមានអារម្មណ៍ធ្លាក់ទឹកចិត្តមានសភាពធូរស្រាល និងជួយឱ្យយើងអាចកត់សម្គាល់ការគិតមិនល្អ និងបញ្ឈប់ផ្នត់គំនិតទុទ្ទិដ្ឋិនិយមចំពោះការរស់នៅ កាត់បន្ថយការជាប់ជំពាក់នឹងរឿងកន្លង ឬហេតុការណ៍មិនកើតប្រយោជន៍ជាដើម។ ពីព្រោះនៅពេលដែលអ្នកសរសេរ វានឹងនាំឱ្យផ្នត់គំនិតទទួលបានទស្សនៈថ្មីៗ រួមទាំងការកាត់បន្ថយការថប់បារម្ភ ដែលជារួម ការសរសេរកំណត់ត្រា អាចជួយឱ្យអ្នកផ្តោតអំពីដំណើរជីវិត ឬគោលដៅបានទៀងទាត់។
ដោយឡែក បើនិយាយអំពីអត្ថប្រយោជន៍ចំពោះរាងកាយដែលបានពីការសរសេរកំណត់ហេតុវិញមានដូចជា កាត់បន្ថយហានិភ័យនៃជំងឺរ៉ាំរ៉ៃ បញ្ចៀសភាពឈឺចាប់ រួមទាំងកាត់បន្ថយរោគសញ្ញានៃជំងឺហឺត ឬសន្លាក់ឆ្អឹងជាដើម។ បន្ថែមពីនោះក៏ពង្រឹងប្រព័ន្ធភាពស៊ាំ និងប្រព័ន្ធការពារទប់ទល់នឹងជំងឺនានា៕
