ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្វាយរៀង៖ ឆ្លើយតបការរីកចម្រើននៃការសិក្សា និងបច្ចុប្បន្នភាពនៃគោលនយោបាយយុវជនសតវត្ស៍ទី២១ សាលារៀនជាច្រើននៅកម្ពុជាចាប់ផ្តើមផ្លាស់ប្តូរមុខមាត់របស់ខ្លួនលែងជាសាលាមានតួនាទីបង្រៀនតែមួយមុខទៀតហើយ ប៉ុន្តែផ្តោតទៅលើការរៀបចំសោភ័ណ្ឌភាពបរិស្ថាននៅក្នុងសាលា និងគិតពីសុខុមាលភាពសិស្សានុសិស្ស ។
សាលាបឋមសិក្សាស្វាយជ្រំ ស្ថិតនៅឃុំស្វាយជ្រំ ស្រុកស្វាយជ្រំ ខេត្តស្វាយរៀង បានក្លាយជាសាលាដែលមាននិរន្តរភាពមួយនៅកម្ពុជា ក្នុងនោះមានការចូលរួមពីគណៈគ្រប់គ្រងសាលា ភាគីពាក់ព័ន្ធ សិស្សានុសិស្ស អាណាព្យាបាល និងសហគមន៍ ដោយកសាងផែនការទំនើបកម្មដើម្បីធានាឱ្យការរៀនសូត្រ ការបង្រៀន ការគ្រប់គ្រង ប្រកបដោយប្រសិទ្ធភាព ជាពិសេសធានាការថែទាំបរិស្ថាន ហេដ្ឋារចនាសម្ព័ន្ធសាលារៀនមេត្រីបរិស្ថានឱ្យបានស្អាតជានិច្ចនិរន្តរ៍ ។
ត្រឹមតែបួនឆ្នាំចាប់ពីឆឆ្នាំ២០១៥ ដល់ឆ្នាំ២០១៩ សាលាបឋមសិក្សាស្វាយជ្រំ បានទទួលពានរង្វាន់បីប្រភេទ មានដូចជា ពានរង្វាន់មាសជាសាលាបរិស្ថានមេត្រីកម្ពុជាឆ្នាំ២០១៩ ពានរង្វាន់សាលាមេត្រីបរិស្ថានអាស៊ានពីក្រសួងបរិស្ថាន ពានរង្វាន់លេខមួយជាសាលាស្អាតនៅក្រសួងអប់រំ យុវជន និងកីឡា នេះបើតាមការបញ្ជាក់ពីលោក ចាន់ សំអន នាយកសាលាបឋមសិក្សាស្វាយជ្រំ ។
លោក ចាន់ សំអន បានបន្ថែមថា កន្លងមកលោក និងគណៈគ្រប់គ្រងសាលាស្វាយជ្រំបានបង្កើតគោលការណ៍រដ្ឋបាលលើការបង្កើតមេរៀន កិច្ចការអប់រំពីបរិស្ថាន និងសហគមន៍ និងបង្កើតភាពជាដៃគូជាមួយភាគីពាក់ព័ន្ធ ដើម្បីពង្រឹងគុណភាពសិក្សានៅក្នុងសាលារៀន ។
អ្នកស្រី ប៉ែន ម៉ាលីន ជាប្រជាពលរដ្ឋក្នុងស្រុកស្វាយជ្រំ ខេត្តស្វាយរៀង បាននិយាយថា សាលាមានអនាម័យ សិស្សក៏សប្បាយចិត្ត អាណាព្យាបាលក៏សប្បាយចង់ឱ្យកូនបានមករៀន។ លោកស្រីបានចាប់អារម្មណ៍ថា កូនៗចេះទុកដាក់សំរាមបានល្អ មិនបោះចោលសំរាមផ្ដេសផ្ដាស់ពាសវាលពាសកាល ។
ចំណែកអ្នកស្រី ព្រំ ឈន់ ជាប្រជាពលរដ្ឋក្នុងស្រុកស្វាយជ្រំ បានបញ្ជាក់បន្ថែមថា កាលពីមុនសាលាបឋមសិក្សាស្វាយជ្រំពុំមានហេដ្ឋារចនាសម័ន្ធអ្វីទាំងអស់ ដីហុយ គ្មានដើមឈើ ប៉ុន្តែបច្ចុប្បន្ននេះ បរិស្ថានសាលារៀនលែងមានសំរាម មានបង្គន់អនាម័យ មានរោងបំណិនជីវិត មានអាហារដ្ឋានសម្រាប់សិស្ស សួនច្បារ បរិវេនថ្នាក់រៀនមានសម្ភារៈគ្រប់គ្រាន់សម្រាប់ជំនួយដល់សិស្សាសិស្ស ។
ព្រះតេជគុណ អ៊ុក កាន គង់នៅវត្តស្វាយជ្រំ តំណាងគណៈកម្មការទ្រទង់សាលារៀន បានមានសង្ឃដីកាថា ព្រះសង្ឃដែលគង់ចាំនៅវត្តស្វាយជ្រំ បានចូលរួមកសាងបណ្ណាល័យ ដើម្បីជួយសម្រួលជាឯកសារដល់ការសិក្សារបស់សិស្ស ចំណែកឯបរិស្ថានក្នុងសាលា ព្រះតេជគុណគិតថា គឺជាទីមានមោទកភាពយ៉ាងល្អស្រស់បំព្រង ។ ដោយមានការចូលរួមពីលោកនាយក នាយករង លោកគ្រូ អ្នកគ្រូ ព្រមទាំងមាតាបិតាសិស្ស សហគមន៍បានចូលរួម ធ្វើឱ្យរចនាបទក្នុងសាលាបានល្អ។
គួរំលឹកថា សាលាបឋមសិក្សាស្វាយជ្រំបានឆ្លងកាត់ការអភិវឌ្ឍច្រើនដំណាក់កាល បានបង្កើតឡើងនៅឆ្នាំ១៩៥៣ មានឈ្មោះថា សាលាបឋមសិក្សាដូងផុស ។ ក្រោយមកសាលាត្រូវបានបោះបង់ចោល និងបំផ្លិចបំផ្លាញនៅក្នុងសង្គ្រាមនាទសវត្ស៍ទី៧០ និងរបបខ្មែរក្រហមប៉ុល ពត ឆ្នាំ១៩៧៥ ដល់ ១៩៧៩ ក្រោយថ្ងៃជ័យជំនះ ៧មករា ១៩៧៩ សាលាបានកសាងឡើងវិញ និងបានប្ដូរឈ្មោះមកជាសាលាបឋមសិក្សាស្វាយជ្រំរហូតមកដល់សព្វថ្ងៃ ។
សូមជម្រាបជូនថា ដោយការរៀបចំផែនការ និងការចូលរួមពីអ្នកពាក់ព័ន្ធ និងមានការគាំទ្រពីក្រសួងអប់រំ យុវជន និងកីឡា ក្រសួងបរិស្ថាន អង្គការសហប្រជាជាតិ បានផ្ដល់ការឧបត្ថម្ភដល់សាលារៀនអនុវត្តសាលារៀននិរន្តរភាពនៅកម្ពុជា ។ តាមគម្រោងនេះ បានជួយសាលារៀន រៀបចំសួនបំណិនជីវិតបានយ៉ាងល្អ និងរោងផលិតជីកំប៉ុស្តិ៍ថែមទៀតផង។ គួរបញ្ជាក់ថា បច្ចុប្បន្នសាលាបឋមសិក្សាស្វាយជ្រំមានអាគារសិក្សាចំនួនប្រាំមួយខ្នង ស្មើនឹង២៥បន្ទប់ មានបុគ្គលិក និងគ្រូបង្រៀនសរុប ៣១នាក់ ស្រី២៤នាក់ និងមានសិស្សសរុបចំនួន ១០០០,២នាក់ សិស្សស្រីចំនួន ៤៩៦នាក់។ សាលារៀនមានអ្នកគ្រូមត្តេយ្យចំនួនបីនាក់ និងមានសិស្សថ្នាក់មត្តេយ្យសរុបចំនួន ៨៤នាក់ ក្នុងនោះកុមារីមានចំនួន ៣៨នាក់ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានបច្ចេកទេស ហ្សឺ វ៉េ សេ ផ្តល់អាហារូបករណ៍ជំនាញជួសជុលរថយន្ត ៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 20/03/2024
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានបច្ចេកទេស ហ្សី វ៉េ សេចំនួន៣០០កន្លែង។ អាហារូបករណ៍...
អាហារូបករណ៍ខ្សែក្រវ៉ាត់មួយផ្លូវមួយពីរដ្ឋាភិបាលចិន សម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 30/01/2023
ភ្នំពេញ - កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី China-AUN ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 28/12/2023
ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសចិនពីកម្មវិធីអាហារូបករណ៍ China-AUN សម្រាប់ឆ្នាំសិក្សា២០២៤-២០២៥។ អាហារូបករណ៍មានកម្មវិធីសិក្សាជាភាសាចិន និងភាសាអង់គ្លេស។
អាហារូបករណ៍សាកលវិទ្យាល័យពីមូលនិធិ Child’s Dream សិក្សានៅប្រទេសថៃ ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 19/12/2024
មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការ និងជ្រើសរើសសម្រាប់សិស្ស-និស្សិត...
ឱកាសសម្រាប់និស្សិតជំនាញនីតិសាស្រ្ត និងព័ត៌មានវិទ្យា ចូលហាត់ការនៅអគ្គលេខាធិការដ្ឋានក្រសួងអប់រំ
ព័ត៌មានអាហារូបករណ៍, ព្រឹត្តិការណ៍
• 22/04/2026
ជាឱកាសសម្រាប់និស្សិតទាំងពីរភេទដែលកំពុងសិក្សាជំនាញនីតិសាស្រ្ត និងព័ត៌មានវិទ្យា, អគ្គលេខាធិការដ្ឋាន ក្រសួងអប់រំ យុវជន និងកីឡា កំពុងជ្រើសរើសមន្រ្តីហាត់ការមកបម្រើការងារចំនួន ៨រូប ក្នុងនោះជំនាញនីតិសាស្រ្ត...
ក្រសួងអប់រំប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា ទៅសិក្សានៅសាធារណរដ្ឋប្រជាមានិតចិន ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 05/03/2025
តាមរយៈក្រសួងអប់រំ យុវជន និងកីឡា និងក្រសួងការបរទេស និងសហប្រតិបត្តិការអន្តរជាតិ សហការជាមួយមន្ទីរអប់រំ នៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន បានផ្ដល់អាហារូបករណ៍ចំនួន៨កន្លែង ដល់សិស្ស និស្សិត...
រៀនជំនាញបច្ចេកទេសឥតគិតថ្លៃនៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង
ព័ត៌មានអាហារូបករណ៍, ព្រឹត្តិការណ៍
• 29/06/2026
សម្រាប់យុវជន ក៏ដូចជាប្រជាពលរដ្ឋ ដែលកំពុងស្វែងរកការសិក្សាជំនាញ វិជ្ជាជីវៈ និងបច្ចេកទេស ពេលនេះឱកាសបានមកដល់ហើយ, វិទ្យាស្ថានពហុបច្ចេកទេសភូមិភាគតេជោសែនស្វាយរៀង កំពុងតែជ្រើសរើសសិក្ខាកាមឱ្យចូលរៀន...
ឱកាសកម្មវិធីអាហារូបករណ៍ Schwarzman Scholars 2025 ទៅសិក្សានៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 09/08/2024
ឱកាសអាហារូបករណ៍សម្រាប់ថ្នាក់បរិញ្ញាប័ត្រជាន់ខ្ពស់ ទៅសិក្សានៅប្រទេសចិន ពីកម្មវិធី Schwarzman Scholars Programme 2025។ អាហារូបករណ៍ ផ្ដល់ជូននូវថ្លៃសិក្សា ការស្នាក់នៅ និងប្រាក់ទំនុកបម្រុង...
អាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍ SHE-CAN ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 26/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍SHE-CAN សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់សិស្សស្រីដែលមានភាពជាអ្នកដឹកនាំ និងចង់បន្តការ.....
កម្មវិធីពិសេសរបស់ AMS EDUCATION
ព័ត៌មានសង្ខេប
