ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់យុវជនក្នុងការពង្រឹងភាពជាអ្នកដឹកនាំ ចូលរួមក្នុងសកម្មភាពសហគមន៍ និងចែករំលែកទស្សនៈរបស់ខ្លួន ក្នុងការពិភាក្សាប្រកបដោយអត្ថន័យ។
AYC ត្រូវបានបង្កើតឡើងនៅឆ្នាំ២០១២ ក្នុងគោលបំណងលើកកម្ពស់ និងអភិវឌ្ឍន៍សមត្ថភាពយុវជនជាអ្នកដឹកនាំមកពីគ្រប់តំបន់ទូទាំងព្រះរាជាណាចក្រកម្ពុជា។
AYC ជាវេទិកាមួយសម្រាប់យុវជនកម្ពុជាដើម្បី ៖ ចូលរួមពិភាក្សាលើបញ្ហាដែលពាក់ព័ន្ធ និងមានសារៈសំខាន់ចំពោះយុវជន, ផ្តល់មតិយោបល់ និងទស្សនៈរបស់យុវជនចំពោះកម្មវិធីនានារបស់ស្ថានទូតសហរដ្ឋអាមេរិក និងគោលនយោបាយរបស់សហរដ្ឋអាមេរិកនៅកម្ពុជា, រៀបចំ និងអនុវត្តគម្រោងសហគមន៍ ដើម្បីលើកកម្ពស់ការយល់ដឹងអំពីបញ្ហាសង្គមផ្សេងៗ។
លើសពីនេះទៅទៀត សមាជិក AYC ក៏មានតួនាទីជាអ្នកដឹកនាំក្នុងការអនុវត្តគំនិតផ្តួចផ្តើម និងសកម្មភាពស្ម័គ្រចិត្តជាច្រើន ដែលមានប្រយោជន៍ និងនិរន្តរភាពដល់សង្គមជាតិទាំងមូល។
ឥឡូវនេះ AYC កំពុងស្វាគមន៍សមាជិកថ្មី របស់ AYC ជំនាន់ទី១៤ និងធ្វើការរួមគ្នាដើម្បីជាប្រយោជន៍សម្រាប់សង្គមកម្ពុជាទាំងមូល។
លក្ខខណ្ឌក្នុងការដាក់ពាក្យ ៖ ជាយុវជនកម្ពុជា (អាយុចន្លោះពី១៨ ដល់២៥ឆ្នាំ), មានចំណង់ចំណូលចិត្តក្នុងការធ្វើការងារស្ម័គ្រចិត្ត ភាពជាអ្នកដឹកនាំ, អាចប្រាស្រ័យទាក់ទងជាភាសាអង់គ្លេសបាន, មានចំណេះដឹងមូលដ្ឋានអំពីបញ្ហាសង្គម ការគ្រប់គ្រង ឬអនុវត្តគម្រោង, បង្ហាញពីសមត្ថភាពជាអ្នកដឹកនាំ និងធ្វើការងារជាក្រុម, អាចចូលរួមជំនួបជាមួយ ឯកអគ្គរដ្ឋទូតសហរដ្ឋអាមេរិក និងការប្រជុំរបស់ក្រុមប្រឹក្សាយុវជនជារៀងរាល់ខែ, មានការប្តេជ្ញាចិត្តខ្ពស់ក្នុងការបំពេញកាតព្វកិច្ចស្ម័គ្រចិត្ត ក្រោមក្រុមប្រឹក្សាយុវជនដែលមានរយៈពេល២ឆ្នាំ, ជាសមាជិកកម្មវិធី Young Southeast Asian Leaders Initiative (YSEALI) ដើម្បីចុះឈ្មោះជាសមាជិក សូមចូលទៅកាន់ https://asean.usmission.gov/young-southeast-asian-leaders-initiative/ ។
ដាក់ពាក្យតាមរយៈតំណនេះ ៖ https://forms.gle/49JHPwFnwLDKrJfo8 ។
ផុតកំណត់ការទទួលពាក្យ នៅថ្ងៃទី១៤ ខែកុម្ភៈ ឆ្នាំ២០២៦ វេលាម៉ោង ១១ និង៥៩នាទីយប់។
សម្រាប់ព័ត៌មានបន្ថែម សូមទាក់ទងទៅកាន់ ឆានែលតេលេក្រាម https://t.me/+xxmSNA8hliQzYmQ1 ឬអ៊ីមែលទៅកាន់ ayc.cohort14recruitment@gmail.com ៕
