មន្រ្តីអំពាវនាវ​កុំ​ឱ្យ​មានការផ្សព្វផ្សាយប៉ះពាល់តម្លៃស្រ្តី និង​ក្រុមងាយរងគ្រោះ

អនុរដ្ឋេលខាធិការ​ក្រសួងព័ត៌មាន ឯកឧត្តម ស្លេះ អាល់ហ្វីន បានធ្វើការ​អំពាវនាវ​ដល់​អ្នក​រាយការណ៍ព័ត៌មានទាំងអស់ សូម​រាយការណ៍​ដោយសុក្រឹត្យ ត្រឹមត្រូវ និង​មិន​ត្រូវ​ប៉ះពាល់​ដល់តម្លៃស្រ្តី និង​ក្រុមងាយរងគ្រោះផ្សេង​ទៀតឡើយ។ ការអំពាវនាវ​នេះ ធ្វើ​ឡើង​ក្រោយ​គេមើលឃើញថា អ្នកផ្សព្វផ្សាយព័ត៌មាន​មួយ​ចំនួន​មិន​បានគោរព ក្រមប្រតិបត្តិសម្រាប់ការរាយការណ៍ព័ត៌មានអំពើហិង្សាលើស្រ្តីនោះឡើយ។

ក្នុងសិក្ខាសាលាស្ដីពីការលើកកម្ពស់សមភាពយេនឌ័រក្នុងប្រព័ន្ធផ្សព្វផ្សាយ ក្រោមប្រធានបទ «ការអនុវត្តក្រមប្រតិបត្តិប្រព័ន្ធផ្សព្វផ្សាយសម្រាប់ការរាយការណ៍ព័ត៌មានអំពើហិង្សាលើស្រ្តី» នាព្រឹកថ្ងៃទី១៥ ខែធ្នូ ឆ្នាំ២០២៥ ឯកឧត្តម ស្លេះ អាល់ហ្វីន មានប្រសាសន៍ថា ក្រសួងព័ត៌មាន និងក្រសួងកិច្ចការនារី កាលពីថ្ងៃទី២០ ខែកក្កដា ឆ្នាំ២០១៧ បានដាក់ចេញ ប្រកាសរួមស្តីពីក្រុមប្រតិបត្តិប្រព័ន្ធផ្សព្វផ្សាយសម្រាប់ការរាយការណ៍ព័ត៌មានអំពើហិង្សាលើស្រ្តី ដើម្បីទប់ស្កាត់ការយកករណីហិង្សាលើស្រ្តីធ្វើជាព័ត៌មានសម្រាប់កំសាន្តសប្បាយ ឬកំប្លុកកំប្លែងនិងដើម្បីកែប្រែឥរិយាបថសង្គមឈានឆ្ពោះការលុបបំបាត់អំពើហិង្សាលើស្ត្រី។ ឯកឧត្តម អាល់ហ្វីន បន្តថា អ្នកសារព័ត៌មានភាគច្រើនបានអនុវត្តតាមស្មារតីនៃក្រមប្រតិបត្តិនេះ ប៉ុន្តែមួយចំនួនតូចពុំបានគោរពនូវក្រមប្រតិបត្តិនេះនៅឡើយ ដោយនៅបន្តផ្សព្វផ្សាយទាំងអត្ថបទ និងរូបភាពដែលប៉ះពាល់សិទ្ធិ និងតម្លៃរបស់ស្ត្រី ជាពិសេសការផ្សាយផ្ទាល់តាមទូរសព្ទ និងការអធិប្បាយបញ្ចេញបញ្ចូលពេលមានហេតុការណ៍កើតឡើង។

ឯកឧត្តម ស្លេះ អាល់ហ្វីន អនុរដ្ឋលេខាធិការក្រសួងព័ត៌មាន

បន្ថែមលើក្រមប្រតិបត្តិនេះ ក្រសួងព័ត៌មាននៅខែសីហា ឆ្នាំ២០២៤ ក៏បានដាក់ឱ្យប្រើប្រាស់ ធម្មនុញ្ញវិជ្ជាជីវៈសារព័ត៌មាន ដែលជាមូលដ្ឋានគ្រឹះនៃក្រមសីលធម៌វិជ្ជាជីវៈ និងជានិយាមអប្បបរិមាសម្រាប់សកម្មភាពផ្សព្វផ្សាយក្នុងវិស័យព័ត៌មាននិងសោតទស្សន៍។

ឯកឧត្តម ស្លេះ អាល់ហ្វីន លើកឡើងថា នៅក្នុងធម្មនុញ្ញវិជ្ជាជីវៈសារព័ត៌មាន ផ្នែកទី៤ ស្តីពីគណនេយ្យភាពសង្គម ចំណុចទី១៣ បានចែងថា “អ្នកអនុវត្តសកម្មភាពក្នុងវិស័យព័ត៌មាន និងសោតទស្សន៍ មិនត្រូវឆ្លៀតឱកាសកេងចំណេញលើភាពទន់ខ្សោយ ភាពងាយរងគ្រោះ អសមត្ថភាពផ្លូវចិត្ត ឬរាងកាយរបស់បុគ្គលណាម្នាក់ ឬក្រុមណាមួយ ដើម្បីផ្សព្វផ្សាយ មិនត្រូវប្រើពាក្យរិះគន់ ឬបន្ទោសបង្អាប់ប៉ះពាល់ដល់ជនមានពិការភាព តម្លៃស្ត្រី និងកុមារ អ្នកជំងឺផ្លូវកាយ និងផ្លូវចិត្តជាដើម។ នេះគឺជាការទទួលខុសត្រូវលើផ្នែកសង្គមរបស់អ្នកសារព័ត៌មាន។

អនុរដ្ឋលេខាធិការក្រសួងព័ត៌មាន ក៏បានអំពាវនាវបងប្អូនអ្នកសារព័ត៌មាន និងអ្នកធ្វើសកម្មភាពក្នុងវិស័យព័ត៌មាននិងសោតទស្សន៍ចូលរួមអនុវត្តឱ្យបានខ្ជាប់ខ្ជួននូវក្រមប្រតិបត្តិប្រព័ន្ធផ្សព្វផ្សាយសម្រាប់ការរាយការណ៍ព័ត៌មានអំពើហិង្សាលើស្រ្តី និងធម្មនុញ្ញវិជ្ជាជីសារព័ត៌មាន។

ជាមួយគ្នានេះ លោកជំទាវ ប៊ុន ពុទ្ធី រដ្ឋលេខាធិការក្រសួងកិច្ចការនារី មានប្រសាសន៍ថា ការរាយការណ៍ព័ត៌មានដែលពាក់ព័ន្ធនឹងអំពើហិង្សាលើស្រ្តី និងក្មេងស្រី ទាមទារនូវការយកចិត្តទុកដាក់ខ្ពស់បំផុតទាំងលើទិដ្ឋភាពច្បាប់ ក្រមសីលធម៌វិជ្ជាជីវៈ និងការយល់ដឹងអំពីយេនឌ័រ ដើម្បីធានាថា ការផ្សព្វផ្សាយនោះមិនក្លាយជាការដាក់បន្ទុកបន្ថែម ឬធ្វើឱ្យជនរងគ្រោះរងទុក្ខជាលើកទីពីរ។

លោកជំទាវ ប៊ុន ពុទ្ធី រដ្ឋលេខាធិការក្រសួងកិច្ចការនារី

លោកជំទាវ ប៊ុន ពុទ្ធី បញ្ជាក់ថា​ តាមរយៈរបាយការណ៍ត្រួតពិនិត្យ សង្កេតឃើញថា មានអង្គភាពសារព័ត៌មានជាច្រើន បានចូលរួមអនុវត្តយ៉ាងខ្ជាប់ខ្ជួន មានការប្រុងប្រយ័ត្នក្នុងការប្រើប្រាស់ពាក្យពេចន៍ រូបភាព និងការការពារអត្តសញ្ញាណជនរងគ្រោះ។ នេះគឺជាវឌ្ឍនភាពដ៏គួរឱ្យកោតសរសើរ។ ប៉ុន្តែទន្ទឹមនឹងនេះ យើងក៏ត្រូវទទួលស្គាល់ការពិតថា បញ្ហាប្រឈមនៅតែមាន ដោយនៅក្នុងលំហបណ្តាញសង្គម ការប្រណាំងប្រជែង ដើម្បីទទួលបានការចាប់អារម្មណ៍ឬ «Likes និង Views» បានធ្វើឱ្យអ្នកផលិតមាតិកាមួយចំនួន និងអ្នកសារព័ត៌មានអនឡាញមួយចំនួនតូចភ្លេចខ្លួន ឬព្រងើយកន្តើយនឹងក្រមសីលធម៌។ យើងនៅតែឃើញមានការផ្សាយរូបភាពផ្ទាល់ (Live) នៅកន្លែងកើតហេតុដោយគ្មានការបិទបាំង ការប្រើប្រាស់ចំណងជើងដែលស្តីបន្ទោសជនរងគ្រោះ ឬការសម្ភាសន៍ដែលប៉ះពាល់ដល់ផ្លូវចិត្តជនរងគ្រោះ និងក្រុមគ្រួសារ ។ល។

“កុំឱ្យតម្លៃនៃព័ត៌មាន ត្រូវបានកាត់បន្ថយត្រឹមតែចំនួន Likes និង Shares ។ ចូរប្រើប្រាស់ប៉ិច និងកាមេរ៉ារបស់ក្មួយៗ ជាអាវុធដើម្បីការពារយុត្តិធម៌ និងជាសំឡេងសម្រាប់អ្នកដែលគ្មានសំឡេង”

រដ្ឋលេខាធិការក្រសួងកិច្ចការនារី បន្ថែមថា ការរៀនសូត្រ និងស្វែងយល់ពីក្រមប្រតិបត្តិប្រព័ន្ធផ្សព្វផ្សាយសម្រាប់ការរាយការណ៍ព័ត៌មានអំពើហិង្សាលើស្រ្តីតាំងពីពេលនេះ នឹងធ្វើឱ្យក្មួយៗក្លាយជាអ្នកសារព័ត៌មានដែលមានគុណធម៌ និងទទួលបានការគោរពស្រឡាញ់ពីមហាជននាពេលអនាគត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសផ្លាស់ប្ដូរការសិក្សាពីកម្មវិធីអាហារូបករណ៍ Hurford Youth Fellowship 2025 នៅសហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 08/07/2024

ឱកាសផ្លាស់ប្ដូរការសិក្សាសម្រាប់និស្សិតអន្តរជាតិពីកម្មវីធីអាហារូបករណ៍ Hurford Youth Fellowship 2025 នៅសហរដ្ឋអាមេរិក។ កម្មវិធីផ្លាស់ប្ដូរការ...

អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 26/04/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...

វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និង​វិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 26/04/2024

វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​ជ្រើសរើស​យុវជន​រហូត​ដល់​ចំនួន ៥៧០នាក់ ដើម្បីចូលរៀន​ជំនាញបច្ចេកទេស និង​វិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើម​នៅពាក់កណ្តាល...

ឱកាស​ចូលរួមកម្មវិធីបណ្តុះបណ្តាលយុវជនបរិស្ថានអាស៊ាន (AYGC) ឆ្នាំ២០២៦ នៅទីក្រុងហ្សាកាតា

ព័ត៌មានអាហារូបករណ៍, ព្រឹត្តិការណ៍

• 19/03/2026

អង្គការ ERIA (Regional Knowledge Centre for Marine Plastic Debris) សហការជាមួយ The Conversation Indonesia (TCID) បានប្រកាសបើកទទួលពាក្យសម្រាប់កម្មវិធី "ASEAN Young Green Communicators

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យបច្ចេកវិទ្យា Nanyang នៃប្រទេសសឹង្ហបុរី ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 18/07/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យា Nanyang នៃប្រទេសសឹង្ហបុរី សម្រាប់ឆ្នាំសិក្សា២០២៦។ អាហារូបករណ៍...

ឱកាស​អាហារូបករណ៍រៀនជំនាញ TVET ចំនួន ៦៦៥កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 30/05/2025

វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០%...

ឱកាសសិក្សាពីកម្មវិធីអាហារូបករណ៍ ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN

ព័ត៌មានអាហារូបករណ៍, ព្រឹត្តិការណ៍

• 28/05/2024

ឱកាសសិក្សាពីកម្មវិធីអាហារូបករណ៍រដ្ឋាភិបាលចិន ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN រយៈពេល២ឆ្នាំ។ អាហារូបករណ៍ផ្ដល់ជូនពីរដ្ឋាភិបាលចិនសម្រាប់និស្សិត...

អាហារូបករណ៍ពីកម្មវិធី UWC សម្រាប់សិស្សវិទ្យាល័យឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 03/12/2024

កម្មវិធី United World College (UWC) ប្រកាសផ្ដល់ឱកាសសិក្សាអាហារូបករណ៍ដល់សិស្សកម្ពុជា ដែលកំពុងសិក្សានៅវិទ្យាល័យ ចំនួន៥កន្លែងសម្រាប់ឆ្នាំសិក្សា២០២៥ ដល់ ២០២៧។ អាហារូបករណ៍ផ្ដល់ជូនការសិក្សានៅប្រទេសជប៉ុន ប្រទេសចិន...

អាហារូបករណ៍ ២៥០០កន្លែង ថ្នាក់បរិញ្ញាបត្រ និងបរិញ្ញាបត្ររង សម្រាប់សិស្សផ្នែកអប់រំបច្ចេកទេស ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 26/10/2026

សម្រាប់សិស្សានុសិស្ស​ដែល​បានប្រឡងជាប់​សញ្ញាបត្របច្ចេកទេស និងវិជ្ជាជីវៈកម្រិត៣, ក្រសួងអប់រំ យុវជន និងកីឡា កំពុងជ្រើសរើសបេក្ខជនចំនួន ២៥០០កន្លែង