ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង បានប្រកាសជ្រើសរើសសិស្សនិស្សិតឱ្យចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្របច្ចេកទេស ឬ C1 ចំនួន ១៤០០នាក់។
មុខជំនាញសិក្សាសម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង (សិក្សា២ឆ្នាំ) រួមមាន ៖ សំណង់ស៊ីវិល, អគ្គិសនីអគារ, ការកែច្នៃ និងវិភាគអាហារ និង កសិ-សហគ្រិន។ លក្ខខណ្ឌនៃការចូលរៀន ត្រូវជាប់ ឬធ្លាក់សញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល។
ដោយឡែកសម្រាប់ថ្នាក់សញ្ញាបត្របច្ចេកទេស រយៈពេល៤ខែ មានជំនាញ ៖ ការដំឡើងបណ្តាញអគ្គិសនីក្នុងអគារ, ការងារកំបោរ, ការងារការ៉ូ, ការដំឡើងសរសៃដែក, ការដំឡើងបណ្តាញបំពង់ទឹក, ការដំឡើងគ្រឿងឈើសម្រេច, សេវាកម្មបរិក្ខារត្រជាក់ក្នុងគេហដ្ឋាន, ការផ្សារអគ្គិសនី, ការកែច្នៃបន្លែ និងផ្លែឈើ, ការផលិតនំ, ការចម្អិនម្ហូប (ខ្មែរ), ការងារគេហកិច្ច, សេវាកម្មម្ហូបអាហារ និងភេសជ្ជៈ, សេវាកម្មបសុព្យាបាល, ការបណ្តុះ ថែទាំ និងប្រមូលផលដំណាំផ្សិត, ការដាំ ថែទាំ និងប្រមូលផលដំណាំបន្លែ, ការដាំ ថែទាំ និងប្រមូលផលដំណាំស្វាយកែវរមៀត, ការដាំ ថែទាំ និងប្រមូលផលដំណាំស្វាយចន្ទី, ការចិញ្ចឹម ថែទាំ និងប្រមូលផលត្រីប្រា, ការថែទាំ និងបង្កាត់ត្រីមេពូជ, ការចិញ្ចឹម ថេទាំ និងប្រមូលផលសត្វ។
លក្ខខណ្ឌនៃការចូលរៀន ៖ ជាយុវជនមកពីគ្រួសារមានប័ណ្ណសមធម៌ (ក្រ១,ក្រ២) ឬមានប័ណ្ណសំគាល់គ្រួសារងាយរងហានិភ័យ និងយុវជនទូទៅ ដែលមានអាយុចាប់ពី១៥ឆ្នាំ ដល់៣៥ឆ្នាំ។ ចំពោះយុវជនមកពីគ្រួសារមានប័ណ្ណសមធម៌ ឬប័ណ្ណសំគាល់គ្រួសារងាររងហានិភ័យ បានទទួលប្រាក់ឧបត្ថម្ភ២៨ម៉ឺនរៀលក្នុងមួយខែ, មានកន្លែងស្នាក់នៅ។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថានដែលមានទីតាំងស្ថិតនៅសង្កាត់អូរម៉ាល់ ក្រុងបាត់ដំបង ខាងលិចរង្វង់មូលនាងរំសាយសក់ចម្ងាយ ១៥០០ម៉ែត្រ ឬទំនាក់ទំនងទូរស័ព្ទលេខ 086 403 104៕
