ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា បានប្រកាសជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា សិក្សាជាមួយគ្រូឧទ្ទេសដែលជា គ្រូឆ្នើម (LEAD CAMBODIA) ដែលទទួលបានការបណ្ដុះបណ្តាលពីសាធារណរដ្ឋកូរ៉េ ធ្វើបទបង្ហាញតាមរយៈអនឡាញ។
វគ្គបណ្តុះបណ្តាលនេះ នឹងត្រូវណែនាំពីវិធីសាស្រ្ត នៃការប្រើប្រាស់ថ្នាលអប់រំឌីជីថលផ្លូវការរបស់ក្រសួង សម្រាប់ជំនួយស្វ័យអភិវឌ្ឍសមត្ថភាពដល់គ្រូបង្រៀន, ពង្រឹងសមត្ថភាពលោកគ្រូ អ្នកគ្រូ ក្នុងការលើកកម្ពស់វិធីសាស្រ្តបង្រៀនដោយផ្សារភ្ជាប់ជាមួយបច្ចេកវិទ្យាឌីជីថល, រៀន និងបង្រៀនជាមួយកម្មវិធីថ្មីៗ ដើម្បីទទួលបាននូវប្រសិទ្ធិភាពកាន់តែប្រសើរ និងមានភាពងាយស្រួល។
ក្រោយបញ្ចប់ វគ្គបណ្ដុះបណ្ដាលដោយជោគជ័យសិក្ខាកាម នឹងទទួលបានវិញ្ញាបនបត្របញ្ជាក់ការសិក្សា ចេញដោយនាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា។
លក្ខខណ្ឌជ្រើសរើស ៖ គ្រូបង្រៀនគ្រឹះស្ថានសាធារណៈ, មានពេលវេលាគ្រប់គ្រាន់សម្រាប់សិក្សា, មានចំណេះដឹងផ្នែកការប្រើប្រាស់អ៊ិនធឺណិត អ៊ីម៉ែល និងកុំព្យូទ័រ, មានឧបករណ៍ សិក្សាដូចជា កុំព្យូទ័រ កុំព្យូទ័របន្ទះ ទូរសព្ទដៃឆ្លាតវៃ និងអ៊ិនធឺណិត។
កាលបរិច្ឆេទ៖ ថ្ងៃទី១៧ ខែកក្កដា ឆ្នាំ២០២៥ ចាប់ពីវេលាម៉ោង ៨:០០ ព្រឹក
ចុះឈ្មោះចូលរៀន ចាប់ពីថ្ងៃជូនដំណឹងរហូតដល់ថ្ងៃទី១៦ ខែកក្កដា ឆ្នាំ២០២៥ វេលាម៉ោង ១៧:០០ នាទី។ ចុះឈ្មោះចូលរៀន៖ https://link.moeys.gov.kh/onlinecourse ។ សម្រាប់ព័ត៌មានបន្ថែមសូមទំនាក់ទំនងទៅកាន់តេឡេក្រាម៖ +855 066 901 800 ឬអ៊ីមែល ៖ dit.ecd@moeys.gov.kh ៕
