ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Wells Mountain Initiative 2026 (WMI) នឹងបើកទទួលពាក្យស្នើអាហារូបករណ៍សម្រាប់និស្សិតអន្តរជាតិ នាខែធ្នូខាងមុខនេះ។ WMI នឹងផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត ដោយមានជាច្រើនជំនាញសិក្សាដែលសិស្សអាចធ្វើការស្នើពាក្យសិក្សាបានច្រើនជម្រើស។
លក្ខខណ្ឌនៃបេក្ខជន ៖ មានអាយុក្រោម៣៥ឆ្នាំ បានបញ្ចប់ថ្នាក់វិទ្យាល័យ ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ឬជានិស្សិតកំពុងសិក្សានៅថ្នាក់សាកលវិទ្យាល័យក្នុងកម្រិតណាមួយ។ ជាបុគ្គលដែលចូលចិត្តក្នុងការងារសង្គម ការងារស្ម័គ្រចិត្ត និងមានការតាំងចិត្តបន្តចូលរួមការងារសង្គម។ ជាមួយគ្នានេះ បេក្ខជនត្រូវមានគោលបំណងនឹងត្រឡប់ទៅកាន់ប្រទេសកំណើតវិញ ឬ ទៅកាន់ប្រទេសដែលកំពុងអភិវឌ្ឍក្រោយបញ្ចប់ការសិក្សា។
នៅក្នុងការដាក់ពាក្យ បេក្ខជនគួរភ្ជាប់ឯកសារចាំបាច់មួយចំនួនដូចជា ៖ ប្រវត្តិរូបសង្ខេបផ្ទាល់ខ្លួន, ប្រតិចារិកថ្នាក់អនុវិទ្យាល័យ សញ្ញាបត្រមធ្យមសិក្សាទុតិយភូមិ និងសញ្ញាបត្រនៅសាកលវិទ្យាល័យ (បើមាន) លិខិតអនុសាសន៍ចំនួន២ច្បាប់ ពីសាស្ត្រាចារ្យ ឬថ្នាក់ដឹកនាំ (ឯកសារភ្ជាប់ទាំងអស់ត្រូវបកប្រែជាភាសាអង់គ្លេស)។
អាហារូបករណ៍នឹងបើកទទួលពាក្យចាប់ពីទី០១ ខែធ្នូ ឆ្នាំ២០២៥ ដល់ថ្ងៃទី០១ ខែមីនា ឆ្នាំ២០២៦។
សម្រាប់ព័ត៌មានបន្ថែមអាចចូលទៅកាន់ https://www.wellsmountaininitiative.org/wp-content/uploads/2024/11/2025-WMI-Scholars-Program-Information-Flyer.docx.pdf ឬ https://www.wellsmountaininitiative.org/prospective-scholars/ ។ ដើម្បីធ្វើការដាក់ពាក្យ បេក្ខជនអាចចូលទៅកាន់ https://apply.mykaleidoscope.com/program/wellsmountainscholarsprogram2025 ៕
