ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈស្ថានទូតជប៉ុនប្រចាំកម្ពុជា កម្មវិធីអាហារូបករណ៍រដ្ឋាភិបាលជប៉ុន MEXT ( Japanese Government Scholarship 2026) ប្រកាសផ្ដល់អាហារូបករណ៍ដល់និស្សិតកម្ពុជាសម្រាប់ការសិក្សាថ្នាក់ឧត្ដមចំនួន៤កម្រិត នៅឆ្នាំសិក្សា២០២៦។
កម្រិតសិក្សាទាំងបួនដែលអាហារូបករណ៍រដ្ឋាភិបាលជប៉ុន MEXT ផ្ដល់ជូនរួមមាន និស្សិតថ្នាក់ស្រាវជ្រាវ (Research Students), និស្សិតថ្នាក់ក្រោយឧត្ដមសិក្សា (Undergraduate Students), និស្សិតថ្នាក់មធ្យមសិក្សាបច្ចេកទេស (National Institute of Technology Students (KOSEN)) និង និស្សិតថ្នាក់បណ្តុះបណ្តាលវិជ្ជាជីវៈ (Specialized Traning College Students)។
លក្ខខណ្ឌសម្រាប់បេក្ខជនដែលមានបំណងដាក់ពាក្យអាហារូបករណ៍ ៖ ត្រូវមានសញ្ញាបត្របញ្ជាក់ការសិក្សាថ្នាក់វិទ្យាល័យ (មធ្យមសិក្សាទុតិយភូមិ), សញ្ញាបត្រថ្នាក់បរិញ្ញាបត្រ, ប្រវត្តិរូបសង្ខេប លិខិតអនុសាសន៍ និងឯកសារចាំបាច់មួយចំនួនទៀត (មានបញ្ជាក់ក្នុងតំណភ្ជាប់ចុះឈ្មោះ)។ គួរជម្រាបថា អ្នកស្នើថ្នាក់ស្រាវជ្រាវ ត្រូវមានថ្ងៃកំនើតក្រោយថ្ងៃទី២ មេសា ឆ្នាំ១៩៩១, ចំពោះបេក្ខជនស្នើថ្នាក់ក្រោយឧត្ដមសិក្សា ថ្នាក់មធ្យមសិក្សាបច្ចេកទេស ថ្នាក់បណ្ដុះបណ្ដាលវិជ្ជាជីវៈ ត្រូវមានថ្ងៃកំណើតក្រោយថ្ងៃទី០២ ខែមេសា ឆ្នាំ២០០១។
អត្ថប្រយោជន៍ដែលបេក្ខជនជ័យលាភីទទួលបានពីអាហារូបករណ៍រួមមាន ៖ ប្រាក់ឧបត្ថម្ភប្រចាំខែ ថ្លៃធ្វើដំណើរទៅមកប្រទេសជប៉ុន-កម្ពុជា និងឱកាសបន្តការសិក្សា និងកម្មវិធីផ្សេងៗក្នុងកំឡុងពេលសិក្សា។
សម្រាប់ព័ត៌មានបន្ថែមអាចទំនាក់ទំនងទៅកាន់ ០២៣ ២១៧ ១៦៧ ឬ Email: scholarship.jpn@pp.mofa.go.jp ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៣ ខែឧសភា ឆ្នាំ២០២៥។ សម្រាប់ព័ត៌មានបន្ថែមអាចចូលទៅកាន់ https://www.kh.emb-japan.go.jp/itpr_en/11_000001_01278.html ៕
