យុវជនត្រូវដឹងគន្លឹះត្រៀមខ្លួនទុកជាមុន ប្រសិនចង់ជាប់អាហារូបករណ៍ Australia Award

ភ្នំពេញ៖ Australia Award Scholarship ជាកម្មវិធីអាហារូបករណ៍ដែលគ្រប់គ្រងដោយនាយកដ្ឋានកិច្ចការបរទេសនិងពាណិជ្ជកម្មនៃប្រទេសអូស្ត្រាលី។ អាហារូបករណ៍នេះបង្កើតឡើងដើម្បីចូលរួមចំណែកជួយអភិវឌ្ឍធនធានមនុស្សនៅបណ្តាប្រទេសជាដៃគូរ ស្របតាមកិច្ចព្រមព្រៀងទ្វេភាគីនិងក្នុងតំបន់។ អាហារូបករណ៍ប្រទេសអូស្ត្រាលីនេះ ផ្តល់ដល់និស្សិតមកពីប្រទេសកំពុងអភិវឌ្ឍន៍ បណ្តាប្រទេសនៅតំបន់ឥណ្ឌូប៉ាស៊ីហ្វិក ដើម្បីអនុវត្តការសិក្សាថ្នាក់បរិញ្ញាបត្រ ឬថ្នាក់ក្រោយឧត្តមសិក្សាពេញម៉ោងនៅសាកលវិទ្យាល័យអូស្រ្តាលី ក៏ដូចជាស្ថាប័នបច្ចេកទេសនិងអប់រំបន្ថែម (TAFE)។

តាមរយៈវីដេអូសម្ភាសរៀបចំដោយកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជា រាជធានីភ្នំពេញ អតីតជ័យលាភីអាហារូបករណ៍ Australia Award បានលើកឡើងថា ប្រសិនបើសិស្ស-និស្សិតចង់ជាប់អាហារូបករណ៍ Australia Award ទៅសិក្សានៅប្រទេសអូស្រ្ដាលី ពួកគេត្រូវជឿជាក់លើខ្លួនឯង និងត្រៀមខ្លួនទុកមុនជានិច្ច។

លោកស្រី ឡោ កត្តិកា ជាអតីតនិស្សិតដែលបានជាប់អាហារូបករណ៍ Australia Award សិក្សាផ្នែកច្បាប់កាលពីឆ្នាំ២០១៦ បានលើកឡើងថា តាមរយៈអាហារូបករណ៍សិក្សានៅប្រទេសអូស្រ្ដាលី បានជំរុញលោកស្រីឱ្យក្លាយជាមនុស្សមានភាពជឿជាក់លើខ្លួនឯង ទាំងការគិត ទាំងការវិភាគទូលំទូលាយ និងស៊ីជម្រៅជាងមុន។

“ខ្ញុំបានប្រើប្រាស់ចំណេះដឹង ជំនាញ និងបទពិសោធន៍ដែលទទួលបានពីកម្មវិធីអាហារូបករណ៍ Australia Award ឱ្យអស់ពីលទ្ធភាពដើម្បីចូលរួមចំណែកពង្រឹងការអនុវត្តិច្បាប់ ក៏ដូចជាបណ្ដុះបណ្ដាលធនធានមនុស្សនៅកម្ពុជា”
លោកស្រី ឡោ កត្តិកា

លោកស្រី ឡោ កត្តិកា បានលើកទឹកចិត្តដល់សិស្សានុសិស្សដែលចង់ដាក់ពាក្យស្នើសុំអាហារូបរណ៍ Australia Award សម្រាប់ឆ្នាំសិក្សា ២០២១-២០២២ ជាពិសេសយុវនារីត្រូវមានភាពជឿជាក់លើខ្លួនឯង អំណត់ និងតស៊ូក្នុងការប្រកួតប្រជែង។ ជោគជ័យនឹងទទួលបាន ប្រសិនយុវជនបណ្ដុះឆន្ទៈពិតប្រាកដ ត្រៀមខ្លួនឱ្យបានល្អចាប់យកឱកាស ចំណេះដឹង ជំនាញ និងបទពិសោធន៍ជីវិត។

និយាយក្នុងនាមជាអតីតនិស្សិតដែលបានជាប់អាហារូបករណ៍ Australia Award ឆ្នាំ២០១៦ លោកស្រី ប៊ុនស្រីម៉ុច បានចែករំលែកបទពិសោធន៍ផ្ទាល់ខ្លួនថាដើម្បីទទួលបានអាហារូបករណ៍ សិស្ស-និស្សិតត្រូវស្វែងយល់ពីវគ្គសិក្សាដែលអាហារូបករណ៍ផ្ដល់ឱ្យ ត្រូវអានការណែនាំ និងស្រាវជ្រាវព័ត៌មានបន្ថែមដើម្បីសរសេរពាក្យស្នើសុំអាហារូបករណ៍ឱ្យត្រូវនឹងអ្វីដែលអ្នកផ្ដល់អាហារូបកណ៍ចង់បាន។ លោកស្រីថា បេក្ខជនត្រូវបញ្ជាក់ពីគោលជំហរជីវិតឱ្យបានសមស្រប ដើម្បីរួមចំណែកចូលរួមក្រោយពេលបញ្ចប់ការសិក្សា។

កញ្ញា លឹម អរុណរ៉េមហ្វា ជាអតីតនិស្សិតដែលបានជាប់អាហារូបករណ៍ Australia Award ឆ្នាំ២០២០ បាននិយាយថា តាមរយៈបទពិសោធន៍ទៅសិក្សានៅប្រទេសអូស្រ្ដាលីបានផ្តល់ចំណេះដឹងជាច្រើនលើជំនាញដល់កញ្ញា។ ប្រទេសអូស្រ្ដាលីជឿនលឿនខាងបច្ចេកវិទ្យាដែលតម្រូវឱ្យនិស្សិតមានភាពឯករាជ្យលើខ្លួនឯង។

” នាងខ្ញុំបានសិក្សាច្រើនដោយផ្អែកលើការធ្វើកិច្ចការស្រាវជ្រាវដោយខ្លួនឯង ក៏ដូចជាការពិភាក្សាជាមួយបណ្ដានិស្សិតមកពីបណ្ដាប្រទេសផ្សេងៗដែលធ្វើឱ្យផ្នត់គំនិត និងចំណេះដឹងនាងខ្ញុំកាន់តែទូលំទូលាយ”
កញ្ញា លឹម អរុណរ៉េមហ្វា

ចំណែកលោក សុង សុធន ជាអតីតនិស្សិតដែលបានជាប់អាហារូបករណ៍ Australia Award កាលពីឆ្នាំ២០១៧ ក៏យល់ឃើញដែរថា យុវជនត្រូវត្រៀមខ្លួនឱ្យបានរួចរាល់ និងស្វែងយល់ពីលក្ខខណ្ឌនៃការដាក់ពាក្យអាហារូបករណ៍នីមួយៗឱ្យបានច្បាស់ ជាពិសេសមុនពេលដាក់ពាក្យ និងអំឡុងពេលដាក់ពាក្យ។

លោក សុង សុធន បានបន្ថែមថា យុវជនដែលចង់ស្វែងរកអាហារូបករណ៍ទៅសិក្សានៅក្រៅប្រទេស គួរស្វែងរកតាមរយៈស្ថាប័នអាហារូបករណ៍ក្នុងប្រទេសកម្ពុជា ឬតាមហ្វេសប៊ុក គេហទំព័រផ្លូវការផ្សេងៗ។ ម្យ៉ាងទៀតយុវជនអាចទាក់ទងមកសហភាពសហព័ន្ធយុវជនកម្ពុជារាជធានីភ្នំពេញ ដើម្បីទទួលបានព័ត៌មានសំខាន់ៗទាក់ទងនឹងអាហារូបករណ៍ទៅសិក្សានៅក្រៅប្រទេសបានផងដែរ។

សូមបញ្ជាក់ថា Australia Award Scholarship សម្រាប់ឆ្នាំសិក្សាថ្មី២០២១-២០២២ នឹងផុតកំណត់ដាក់ពាក្យនៅថ្ងៃទី៣១ ខែឧសភា ឆ្នាំ២០២១។ សម្រាប់ព័ត៌មានបន្ថែម៖ https://www.facebook.com/Australia.Awards.Kh/ ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសខេត្តកំពង់ស្ពឺផ្ដល់អាហារូបករណ៍សិក្សាជំនាញបច្ចេកទេសចំនួន២២៥កន្លែង

ព័ត៌មានអាហារូបករណ៍, ព្រឹត្តិការណ៍

• 16/05/2023

វិទ្យាស្ថានពហុបច្ចេកទេសខេត្តកំពង់ស្ពឺប្រកាសជ្រើសរើសសិក្ខាកាមសិក្សាជំនាញបច្ចេកទេសវគ្គខ្លី មួយសប្ដាហ៍ និងបួនខែចំនួន២២៥កន្លែងដោយឥតគិថ្លៃ ។...

មជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន ផ្តល់ការរៀនជំនាញឥតបង់ថ្លៃ ១០០%

ព័ត៌មានអាហារូបករណ៍, ព្រឹត្តិការណ៍

• 08/08/2025

មជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន បានប្រកាសជ្រើសរើសយុវជនមកពីគ្រួសារក្រីក្រ និងគ្រួសារងាយរងហានិភ័យ ឱ្យចូលរៀនជំនាញវិជ្ជាជីវៈដោយឥតគិតថ្លៃ ហើយថែមទាំងអាចទទួលបានប្រាក់ឧបត្ថម្ភ ជារៀងរាល់ខែថែមទៀត...

អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅប្រទេសណូវ៉េលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 25/07/2024

អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...

ឱកាសសិក្សាអាហារូបករណ៍ពីកម្មវិធី ASEAN-Maybank Scholarship សម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 13/02/2023

កម្មវិធីអាហារូបករណ៍ ASEAN-Maybank Scholarship ឬហៅកាត់ថា AMS Programme 2023 ប្រកាសផ្ដល់អាហារូបករណ៍សម្រាប់សិស្ស និស្សិត...

អាហារូបករណ៍សិក្សាជំនាញវិជ្ជាជីវៈចំនួន៣៦០ន្លែងនៅវិទ្យាស្ថានពហុបច្ចេកទេសខេត្តកំពង់ធំ

ព័ត៌មានអាហារូបករណ៍, ព្រឹត្តិការណ៍

• 25/09/2024

ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ...

សាកលវិទ្យាល័យបច្ចេកវិទ្យា និងសហគ្រិនភាព នឹងផ្តល់អាហារូបករណ៍ ១០០% ដល់បុត្រធីតា នៃគ្រួសារវីរៈយោធិននៅសមរភូមិជួរមុខកម្ពុជា

ព័ត៌មានអាហារូបករណ៍, ព្រឹត្តិការណ៍

• 31/07/2025

ជាការចូលរួមចំណែកសម្រាលបន្ទុក និងជាការដឹងគុណដល់វីរៈយោធិនកម្ពុជា ដែលបានពលីជីវិត ឬបាត់បង់លទ្ធភាពក្នុងអាជីពដោយសារតែរងរបួសផ្តើមចេញពីការឈ្លានពាននៅតាមតំបន់ជាយដែនខ្មែរ-ថៃ ក្នុងពេលថ្មីៗនេះ...

សិក្សាជំនាញឥតគិតថ្លៃចំនួន ៦៦០កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 18/09/2024

សម្រាប់យុវជន ក៏ដូចជាបងប្អូនប្រជាពលរដ្ឋដែលរស់នៅខេត្តកំពង់ឆ្នាំង មានបំណងចង់សិក្សាជំនាញវិជ្ជាជីវៈ និងបច្ចេកទេស, វិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសយុវជនឱ្យចូលសិក្សាដោយឥតគិតថ្លៃលើជំនាញជាច្រើនសរុបចំនួន ៦៦០កន្លែង។

ឱកាសសិក្សាថ្នាក់ស្រាវជ្រាវ១២សប្ដាហ៍ពីកម្មវិធី Mitas Globalink Research Intership 2024

ព័ត៌មានអាហារូបករណ៍, ព្រឹត្តិការណ៍

• 25/08/2023

ឱកាសសិក្សាថ្នាក់ស្រាវជ្រាវចំនួន១២សប្ដាហ៍ពីកម្មវីធីMitas Globalink Research Intership 2024 នៅប្រទេសកាណាដាក្នុងឆ្នាំសិក្សា២០២៤ ។ អាហារូបករណ៍ផ្ដល់ឱ្យ...

ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 03/04/2025

កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។