ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
UNFPA ផ្ដល់កញ្ចប់ជំនួយដល់ស្រ្តីនិងក្មេងស្រីងាយរងគ្រោះដោយឥទ្ធិពល កូវីដ-19 និង ទឹកជំនន់នៅកម្ពុជា:
ភ្នំពេញ៖ មូលនិធិសហប្រជាជាតិសម្រាប់ប្រជាជន (UNFPA) បានផ្ដល់កញ្ចប់សម្ភារៈប្រើប្រាស់ចាំបាច់ចំនួនជាងបួនពាន់កញ្ចប់ដល់រាជរដ្ឋាភិបាលកម្ពុជា ដើម្បីជួយដល់ស្ត្រី និងក្មេងស្រីងាយរងគ្រោះ ដែលរងផលប៉ះពាល់ដោយសារការរាតត្បាតនៃជំងឺកូវីដ-19 និងគ្រោះទឹកជំនន់នាពេលកន្លងមកនេះ។ នេះបើតាមសេចក្តីប្រកាសព័ត៌មានរបស់ UNFPA ចេញផ្សាយនៅថ្ងៃទី24 ខែកុម្ភៈ ឆ្នាំ 2021 នេះ។
លោក ដានីញែល អាឡេមូ តំណាងស្តីទីរបស់មូលនិធិសហប្រជាជាតិសម្រាប់ប្រជាជនប្រចាំនៅកម្ពុជា មានប្រសាសន៍ថា ផលប៉ះពាល់នៃជំងឺកូវីដ-19 និងបញ្ហាទឹកជំនន់កន្លងមក បានធ្វើឱ្យក្មេងស្រីនិងស្រី្តជាច្រើននៅកម្ពុជាប្រឈមទៅនឹងហានិភ័យនិងភាពងាយរងគ្រោះផ្សេងៗកាន់តែខ្លាំង។
“ក្នុងនាមយើងជា UNFPA ជឿជាក់ថា ការផ្ដល់សេវាសុខភាពផ្លូវភេទនិងសុខភាពបន្តពូជ រួមទាំងការទប់ស្កាត់និងការឆ្លើយតបអំពើហិង្សាទាក់ទងនឹងយេនឌ័រ បន្ថែមលើការគាំទ្រសុខភាពផ្លូវចិត្តនិងសង្គម គឺជាកិច្ចការបន្ទាន់និងសំខាន់បំផុតសម្រាប់ពេលនេះ”។
– លោក ដានីញែល អាឡេមូ
ទន្ទឹមគ្នានេះ មូលនិធិសហប្រជាជាតិសម្រាប់ប្រជាជន UNFPA សង្ឃឹមយ៉ាងមុតមាំថា កញ្ចប់សម្ភារៈប្រើប្រាស់ចាំបាច់នឹងជួយសម្រាលការលំបាករបស់ស្ត្រីនិងក្មេងស្រីរាប់ពាន់នាក់ ដើម្បីធានាថាមិនមានស្ត្រីណាម្នាក់ត្រូវបានគេទុកចោលឡើយក្នុងអំឡុងពេលដ៏លំបាកនេះ។
កញ្ចប់សម្ភារៈប្រើប្រាស់ទាំងអស់ត្រូវបានបែងចែកទៅប្រាំមួយកន្លែង ដូចជា គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) នៃក្រសួងមហាផ្ទៃ 1,000 កញ្ចប់ ក្រសួងកិច្ចការនារី ចំនួន 1,100 កញ្ចប់ និងអង្គការថែទាំសុខភាពគ្រួសារកម្ពុជា (រ៉ាក់) ចំនួន 600 កញ្ចប់ និងជូនដល់អគ្គនាយកដ្ឋានពន្ធធនាគារ នៃក្រសួងមហាផ្ទៃ 163 កញ្ចប់ ដើម្បីចែកជូនបន្តទៅដល់អ្នកទោសស្ត្រីងាយរងគ្រោះ។
កញ្ចប់សម្ភារប្រើប្រាស់ចាំបាច់ចំនួន 1,000 កញ្ចប់ទៀត នឹងត្រូវប្រគល់ជូនមជ្ឈមណ្ឌលជាតិគាំពារមាតានិងទារក នៃក្រសួងសុខាភិបាល ដើម្បីចែកជូនដល់ម្តាយៗនិងស្ត្រីមានផ្ទៃពោះងាយរងគ្រោះ ក្នុងការរឆ្លើយតបទៅនឹងការរាតត្បាតនៃជំងឺកូវីដ-19 ក្នុងបណ្ដាខេត្តអាទិភាពរបស់យូអិនអែហ្វភីអេ។ ទន្ទឹមគ្នានេះ UNFPA បានប្រគល់កញ្ចប់សម្ភារជូនគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម) ចំនួន 1,000 កញ្ចប់ សម្រាប់គាំទ្រគ្រួសារងាយរងគ្រោះ ជាពិសេសស្ត្រី និងស្ត្រីមានផ្ទៃពោះដែលរងគ្រោះដោយទឹកទំនន់។
សូមបញ្ជាក់ថា នៅក្នុងកញ្ចប់សម្ភារៈប្រើប្រាស់ចាំបាច់ទាំងអស់ មានដូចជារបស់របរប្រើប្រាស់សម្រាប់អនាម័យ ព័ត៌មានអំពីការទប់ស្កាត់ជំងឺកូវីដ-19 ដល់ស្ត្រីនិងក្មេងស្រីគ្រប់រូប ជាពិសេសជនរងគ្រោះក្នុងរដូវទឹកជំនន់ត្រូវការប្រើប្រាស់ចាំបាច់។ លើសពីនេះមានសម្ភារទំនាក់ទំនង និងព័ត៌មានណែនាំសម្រាប់ស្ត្រីមានផ្ទៃពោះ ស្ត្រីបំបៅដោះកូន និងក្មេងស្រី គន្លឹះក្នុងការដោះសា្រយភាពតានតឹងផ្លូវចិត្តនៅផ្ទះ និងព័ត៌មានចាំបាច់ស្តីពីសេវាឆ្លើយតបទៅនឹងអំពើហិង្សាទាក់ទងនឹងយេនឌ័រ ឬអំពើហិង្សាលើស្ត្រីក្នុងអំឡុងពេលនៃការរាតត្បាតជំងឺនេះ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
