ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton សហរដ្ឋអាមេរិក ពីកម្មវិធីអាហារូបករណ៍ Dayton Merit Scholarship 2024 ។
ជំនាញដែលអាហារូបករណ៍ផ្ដល់ឱ្យសិក្សារួមមាន បរិញ្ញាបត្រការគ្រប់គ្រងពាណិជ្ជកម្ម បរិញ្ញាបត្រសិល្បៈ និងវិទ្យាសាស្ត្រ បរិញ្ញាបត្រវិស្វកម្ម បរិញ្ញាបត្រការអប់រំ និងវិទ្យាសាស្ត្រសុខាភិបាល និងបរិញ្ញាបត្រច្បាប់ ។
លក្ខខណ្ឌដែលបេក្ខជនអាចស្នើអាហារូបករណ៍ ៖ និស្សិតអន្តរជាតិគ្រប់ជាតិសាសន៍, ត្រូវតែបានចុះឈ្មោះក្នុងថ្នាក់បរិញ្ញាបត្រណាមួយនៅសាកលវិទ្យាល័យ Dayton ។ ជានិស្សិតមានប្រវត្តិសិក្សាល្អ មានឯកសារចាំបាច់ និងបំពេញពាក្យសុំចូលរៀនឱ្យបានគ្រប់ទាំងអស់ដែលអាហារូបករណ៍ទាមទារ ។
ឯកសារចាំបាច់ដែលបេក្ខជនត្រូវបំពេញរួមមាន ពាក្យសុំអាហារូបករណ៍មួយច្បាប់ សេចក្ដីថ្លែងការផ្ទាល់ខ្លួន (ជាអត្ថបទចាប់ពី២៥០ពាក្យ) លិខិតអនុសាសន៍ ប្រតិចារិកអនុវិទ្យាល័យ និងវិទ្យាល័យ និងពិន្ទុភាសាអង់គ្លេស ។
អត្ថប្រយោជន៍ដែលបេក្ខជនជ័យលាភីទទួលបាន រួមមាន ការចុះឈ្មោះសិក្សាដោយឥតគិតថ្លៃ ឱកាសសិក្សានិងទទួលបានបទពិសោធន៍ពីប្រព័ន្ធអប់រំសាកលវិទ្យាល័យរបស់សហរដ្ឋអាមេរិក ។ លើសពីនេះ បេក្ខជនអាចទទួលបានចំនួនទឹកប្រាក់ ៣០,០០០ដុល្លារសម្រាប់ថ្លៃសិក្សាក្នុងមួយឆ្នាំ និងថ្លៃទិញសៀវភៅសិក្សា៤០,០០០ក្នុងរយៈពេលសិក្សា៤ឆ្នាំ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅកាន់តំណភ្ជាប់ https://udayton.edu/apply/international/undergraduate/index.php ។ សម្រាប់ព័ត៌មានលម្អិត និងបន្ថែមអាចចូលទៅកាន់តំណភ្ជាប់ https://b4unew.com/university-of-dayton-merit-scholarship-2024-study-in-usa/#google_vignette ។
ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី០១ ខែវិច្ឆិកា ឆ្នាំ២០២៣ ៕
