ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យ ពុទ្ធិសាស្ត្រ សម្រាប់ឆ្នាំសិក្សា២០២៤។ អាហារូបករណ៍ផ្តោតលើឧត្តមភាពសិក្សា និងសក្ដានុពល ភាពជាអ្នកដឹកនាំ ច្នៃប្រឌិតផ្នែកថែទាំសុខភាពជំនាន់ក្រោយដើម្បីអភិវឌ្ឍនិងធ្វើឱ្យវិស័យសុខាភិបាលនៅកម្ពុជាកាន់តែប្រសើរឡើង។
អាហារូបករណ៍ផ្ដល់ជូនការសិក្សាផ្នែកវេជ្ជសាស្ត្រនៅមហាវិទ្យាល័យជាច្រើនជំនាញដូចជា ផ្នែកវេជ្ជសាស្ត្រ, បរិញ្ញាបត្រគិលានុបដ្ឋាក, បរិញ្ញាបត្ររងគិលានុបដ្ឋាក, ទន្តសាស្ត្រ, វិទ្យាសាស្ត្រ និងបច្ចេកវិទ្យា, បរិញ្ញាបត្រឆ្មប, បរិញ្ញាបត្ររងឆ្មប, ឱសថសាស្ត្រ, អង់គ្លេស, និងសិក្សាផ្នែកមន្ទីរពិសោធន៍។
បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍ អាចធ្វើការដាក់ពាក្យតាមរយៈ https://www.puthisastra.edu.kh/scholarship-application-form/ ។ បេក្ខជនត្រូវបំពេញព័ត៌មានផ្ទាល់ខ្លួន ព័ត៌មានស្ថានភាពគ្រួសារ ឯកសារភ្ជាប់ និងលក្ខខណ្ឌផ្សេងៗនៅក្នុងតំណភ្ជាប់ខាងលើឱ្យបានត្រឹមត្រូវ។
ជាមួយគ្នានេះ បេក្ខជនអាចសាកសួរព័ត៌មានបន្ថែមនៅ Page ផ្លូវការរបស់សាកលវិទ្យាល័យពុទ្ធិសាស្រ្ត ឬទំនាក់ទំនងទៅកាន់ការិយាល័យសេវាកម្មនិស្សិតនៅអគារ E បន្ទប់ E12 ឬតាមរយៈ Email: studentservices@puthisastra.edu.kh ។
បេក្ខជនស្នើពាក្យអាហារូបករណ៍ត្រូវភ្ជាប់ដូចជាសញ្ញាបត្រមធ្យមសិក្សាទុតិយភូមិ លេខអត្តសញ្ញាណបណ្ណ លេខទំនាក់ទំនងបន្ទាន់ និងព័ត៌មានផ្សេងៗនៅក្នុងតំណភ្ជាប់។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទិ១៩ ខែមករា ឆ្នាំ២០២៤៕
