ឱកាស​សិក្សា​អាហារូបករណ៍​ជំនាញ​វិជ្ជាជីវៈ​នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​មណ្ឌលគិរី

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្តមណ្ឌលគិរី​ប្រកាស​ផ្ដល់​អាហារូបករណ៍​សិក្សា​ជំនាញ​វិជ្ជាជីវៈ និង​បច្ចេកទេស​ដល់​យុវជន​មក​ពី​គ្រួសារក្រីក្រ និង​គ្រួសារ​ងាយ​រង​ហានិភ័យ​ចំនួន​២៤០​កន្លែង។

ជំនាញ​ដែល​អាហារូបករណ៍​ផ្ដល់​ជូន​រួមមាន ៖ ការសិក្សា​សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្រ​រងឯកទេស) ជំនាញ​អគ្គិសនី​ចំនួន៣០កន្លែង, ជំនាញ​ព័ត៌មានវិទ្យា​ចំនួន​៣០កន្លែង ។ សម្រាប់​សញ្ញាបត្រ​បច្ចេកទេស និងវិជ្ជាជីវៈ(C1, C2 និង C3) លើជំនាញ​ការដំឡើង​បណ្ដាញ​អគ្គិសនី​ក្នុង​អគារ ៣០កន្លែង, ជំនាញ​សេវាកម្ម​កុំព្យូទ័រ​៣០កន្លែង, ជំនាញ​ការ​ផ្សារ​អគ្គិសនី ៣០កន្លែង, ជំនាញ​ការថែទាំ និង​ជួសជុល​ទោចក្រយានយន្ត ៣០កន្លែង ជំនាញ​សេវាកម្ម​កាត់សក់​បុរស ៣០កន្លែង និង ជំនាញ​សម្អាងកាយ​៣០កន្លែង។

សម្រាប់​ការសិក្សា​សញ្ញាបត្រជាន់ខ្ពស់ (បរិញ្ញាបត្ររងឯកទេស) សិក្សា​រយៈពេល​២ឆ្នាំ និង​ជាបេក្ខជន​ដែល​ជាប់ ឬ​ធ្លាក់បាក់ឌុប។ ការសិក្សា​សញ្ញាបត្រ​បច្ចេកទេស និង​វិជ្ជាជីវៈ (C1, C2 និង C3) ត្រូវ​សិក្សា​រយៈពេល ៤ខែ ឬ៦ខែ និង​បេក្ខជន​ត្រូវ​មាន​អាយុ១៥ឆ្នាំឡើងទៅ។

អត្ថប្រយោជន៍​ដែល​សិក្ខាកាម​ទទួលបាន​ពីអាហារូបករណ៍​រួមមាន ៖ ការសិក្សា​ដោយ​ឥត​បង់ប្រាក់ និងទទួលបាន​ប្រាក់​ឧបត្ថម្ភប្រចាំខែ​២៨ម៉ឺនរៀល​ក្នុងមួយខែ (រយៈពេល៤ខែ) សម្រាប់​យុវជន​មក​ពីគ្រួសារ​ក្រីក្រ មានប័ណ្ណក្រ១ ក្រ២ ក្រ៣ និង​ប័ណ្ណ​សម្គាល់​គ្រួសារ​ងាយ​រងហានិភ័យ។ មាន​កន្លែង​ស្នាក់នៅ និង​ទឹកភ្លើង​ប្រើប្រាស់​ដោយ​ឥតគិតថ្លៃ ថែម​ទាំងទទួល​បាន​សញ្ញាបត្រ​ក្រោយ​បញ្ចប់​វគ្គសិក្សា និង​មាន​ឱកាស​ងាយ​រក​ការងារ​ធ្វើ​ក្រោយ​បញ្ចប់​ការ​សិក្សា។

បេក្ខជន​ដែល​មាន​ចំណាប់​អារម្មណ៍​ក្នុង​ការ​ចុះឈ្មោះ ត្រូវ​ភ្ជាប់​សំបុត្រ​កំណើត, សៀវភៅ​គ្រួសារ ឬ​អត្តសញ្ញាណប័ណ្ណ (ថតចម្លង), ប័ណ្ណក្រីក្រ១ ក្រ២ ឬ​ប័ណ្ណ​ងាយ​រងហានិភ័យ​នៅ​មាន​សុពលភាព (ថតចម្លង), រូបថត​ថ្មី​ទំហំ (៤x៦) ថត​ចំ​ពី​មុខ និង​គ្មាន​ពាក់វែនតា, លិខិត​ឧទ្ទេស​នាម​ដោយ រដ្ឋបាល​រាជធានី ខេត្ត ក្រុង ស្រុក ខណ្ឌ។

សម្រាប់​ព័ត៌មាន​បន្ថែម​អាច​ទៅ​កាន់​គ្រឹះស្ថាន​សិក្សាផ្ទាល់​ដែល​មាន​ទីតាំង​នៅ​ភូមិជ្រៃសែន សង្កាត់​មនោរម្យ ក្រុងសែនមនោរម្យ ខេត្តមណ្ឌលគិរី ឬអាចទំនាក់ទំនងទៅកាន់ ០១២ ៣១៣ ៣៦២ / ០៨៨ ៦២៤ ០៦២២ / ០៩៧ ៧២៥ ៩៣៥៨។

បេក្ខជន​ក៏អាច​ចុះឈ្មោះតាមរយៈ www.tvet.gov.kh ។ កាលបរិច្ឆេទ​សិក្សា​នឹងចូល​រៀន​រៀង​រាល់​ដើមខែ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បរិញ្ញាបត្ររងនៅសាកលវិទ្យាល័យ អាយអាយស៊ី នៃបច្ចេកវិទ្យាឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 18/12/2024

អាហារូបករណ៍ថ្នាក់បរិញ្ញាបត្ររងចំនួន៥០កន្លែង កំពុងរង់ចាំសិស្សដែលមិនបានជាប់ថ្នាក់ទី១២ ដើម្បីសិក្សាជំនាញវិជ្ជាជីវៈ នៅសាកលវិទ្យាល័យ អាយអាយស៊ី នៃបច្ចេកវិទ្យា ដែលគាំទ្រដោយ គណៈកម្មាធិការអាហារូបករណ៍សិស្ស-និស្សិតក្រីក្រ...

វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់

ព័ត៌មានអាហារូបករណ៍, ព្រឹត្តិការណ៍

• 08/12/2023

វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សា​របស់រដ្ឋស្ថិតក្រោម​ក្រសួងការងារ និង​បណ្តុះបណ្តាល​វិជ្ជាជីវៈ បានប្រកាស​ជ្រើសរើសសិស្ស​ចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និង​វិជ្ជាជីវៈ១ (C1)...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 13/01/2025

សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ​ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...

អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យជាតិសេអ៊ូល

ព័ត៌មានអាហារូបករណ៍, ព្រឹត្តិការណ៍

• 27/06/2025

សាកលវិទ្យាល័យជាតិសេអ៊ូល (Seoul National University) កំពុងប្រកាសជ្រើសរើសនិស្សិតអន្តរជាតិ សិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនតាមរយៈកម្មវិធីអាហារូបករណ៍ SNU

អាហារូបករណ៍ព្រះមហាក្សត្រថៃ សិក្សានៅសាកលវិទ្យាបច្ចេកវិទ្យា SURANAREE ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 15/02/2023

សាកលវិទ្យាល័យបច្ចេកវិទ្យា SURANAREE នៃប្រទេសថៃ បានបើកផ្ដល់អាហារូបករណ៍ថ្នាក់បរិញ្ញាបត្រចំនួន២០កន្លែងដល់សិស្សនិស្សិតក្នុងតំបន់អាស៊ានពីកម្មវិធីអាហារូបករណ៍...

អាហារូបករណ៍ថ្នាក់បរិញ្ញាបត្ររងពេញថ្លៃ ៣០កន្លែង នៅសាកលវិទ្យាល័យពុទ្ធិសាស្ត្រ

ព័ត៌មានអាហារូបករណ៍, ព្រឹត្តិការណ៍

• 04/11/2026

អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ

ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង

ព័ត៌មានអាហារូបករណ៍, ព្រឹត្តិការណ៍

• 30/01/2025

ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ​ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង(USTB)បានប្រកាស​ផ្តល់អាហារូបករណ៍​ដល់​និស្សិត​កម្ពុជា ក្នុងការ​សិក្សាជំនាញជាច្រើន...

អាហារូបករណ៍សិក្សាវគ្គ IELTS តាម Online ពីសាកលវិទ្យាល័យ California

ព័ត៌មានអាហារូបករណ៍, ព្រឹត្តិការណ៍

• 12/02/2025

ឱកាសសិក្សាដោយឥតគិតថ្លៃលើការសិក្សាវគ្គ IELTS នៅលើ Coursera ពីសាកលវិទ្យាល័យ California Irvine (University of California Irvine) សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនការសិក្សាលើជំនាញចំនួន៧ក្នុងការរៀនយក IELTS ។

ឱកាសទទួលបានការឧបត្ថម្ភថ្លៃសិក្សាចំនួន២០កន្លែងនៅវិទ្យាស្ថានបច្ចេកវិទ្យាគិរីរម្យ ឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 01/06/2023

វិទ្យាស្ថានបច្ចេកវិទ្យាគិរីរម្យ បានប្រកាស​ពី​ការ​ផ្ដល់ការឧបត្ថម្ភថ្លៃសិក្សាថ្នាក់បរិញ្ញាបត្រដល់សិស្សានុសិស្សដែលកំពុងសិក្សានៅថ្នាក់វិទ្យាល័យ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *