ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ព្រះសីហនុ – វិទ្យាស្ថានពហុបច្ចេកទេសមិត្តភាពកម្ពុជា ចិនខេត្តព្រះសីហនុ ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈសាធារណៈ ក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ បានប្រកាសទទួលសិស្ស និស្សិត ឱ្យចូលរៀនសម្រាប់ឆ្នាំសិក្សា២០២២-២០២៣ ក្នុងនោះក៏មានផ្តល់អាហារូបករណ៍ពេញលេញរហូតដល់ចំនួន ៨០០នាក់។
អាហារូបករណ៍ ១០០% ផ្តល់ជូនដូចជា ថ្នាក់បរិញ្ញាបត្របច្ចេកវិទ្យា/សញ្ញាបត្រវិស្វករ ចំនួន២០០នាក់, ថ្នាក់បរិញ្ញាបត្ររងបច្ចេកវិទ្យា/សញ្ញាបត្រជាន់ខ្ពស់បច្ចេកទេស ចំនួន ១៧៥នាក់, ថ្នាក់សញ្ញាបត្របច្ចេកទេស និងវិជ្ជាជីវៈ៣ ចំនួន ៧៥នាក់, ថ្នាក់សញ្ញាបត្របច្ចេកទេស និងវិជ្ជាជីវៈ២ ចំនួន ១៦០នាក់ និងថ្នាក់សញ្ញាបត្របច្ចេកទេស និងវិជ្ជាជីវៈ១ ចំនួន១៩០នាក់។
ជំនាញដែលត្រូវសិក្សារួមមាន ៖ វិស្វកម្មសំណង់ស៊ីវិល, វិស្វកម្មអគ្គិសនី, បច្ចេកវិទ្យាព័ត៌មានវិទ្យា, គណនេយ្យ និងហិរញ្ញវត្ថុ និងវិស្វកម្មយន្តសាស្រ្តរថយន្ត។
អត្ថប្រយោជន៍ទទួលបានពីអាហារូបករណ៍រួមមាន ៖ ការសិក្សាដោយឥតបង់ថ្លៃ 100%, ការស្នាក់នៅដោយឥតបង់ថ្លៃ, សិក្សាភាសាចិន អង់គ្លេស កុំព្យូទ័រ និងជំនាញឥរិយាបថការងារ( ជំនាញទន់) បន្ថែមលើជំនាញឯកទេស។
ជាមួយគ្នាសិស្សអាចសិក្សាបណ្តើរ ធ្វើការងារបណ្តើរ ដែលមានប្រាក់ខែខ្ពស់ ចាប់ពី 250$- 850$ ក្នុងតំបន់សេដ្ឋកិច្ចពិសេសខេត្តព្រះសីហនុ( SSEZ)។
លក្ខខណ្ឌនៃការចុះឈ្មោះ សម្រាប់ថ្នាក់បរិញ្ញាបត្របច្ចេកវិទ្យា/សញ្ញាបត្រវិស្វករ ត្រូវជាប់សញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ, សម្រាប់ថ្នាក់បរិញ្ញាបត្ររងបច្ចេកវិទ្យា/សញ្ញាបត្រជាន់ខ្ពស់បច្ចេកទេស ត្រូវជាប់ ឬធ្លាក់សញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។
សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ ត្រូវជាប់សញ្ញាបត្រមធ្យមសិក្សាបឋមភូមិ ឬលិខិតបញ្ជាក់ថា ការសិក្សាជាប់ថ្នាក់ទី៩ នៃសាលាចំណេះដឹងទូទៅ ឬសញ្ញាបត្រដែលមានតម្លៃស្មើ។
កាលបរិច្ឆេទទទួលពាក្យ ចាប់ពីថ្ងៃផ្សាយដំណឹងនេះតទៅ ហើយសម្រាប់ព័ត៌មានលម្អិត សូមទាក់ទងទៅកាន់អាស័យដ្ឋានវិទ្យាស្ថានស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ (ស្ថិតក្នុងតំបន់សេដ្ឋកិច្ចពិសេសខេត្តព្រះសីហនុ) ឬទាក់ទងទៅកាន់លេខទូរស័ព្ទ 098 777 807៕
