ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីរួមចំណែកក្នុងការអភិវឌ្ឍមូលធនមនុស្សនៅកម្ពុជា ប៊ែលធី ទំនាក់ទំនងអន្តរជាតិ បានប្រកាសពីការផ្តល់អាហារូបករណ៍ដល់សិស្ស-និស្សិត ឱ្យទៅសិក្សាថ្នាក់បរិញ្ញាបត្រជំនាញភាសាចិន នៅសាកលវិទ្យាល័យ នៃសាធារណរដ្ឋប្រជាមានិតចិនចំនួន ៦០កន្លែង សម្រាប់ឆ្នាំសិក្សា២០២៥-២០២៦។
លក្ខខណ្ឌសម្រាប់បេក្ខជនដាក់ពាក្យស្នើសុំទៅបន្តការសិក្សា ៖ ត្រូវមានសញ្ជាតិខ្មែរ និងជាជនជាតិខ្មែរ, មានកាយសម្បទាមាំមួន សុខភាពល្អ និងសតិបញ្ញាល្អ, មានឆន្ទៈពិតប្រាកដក្នុងការបន្តការសិក្សា និងខិតខំរៀនសូត្រ, ជាសិស្សកំពុងត្រៀមប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៥ ឬជានិស្សិតបានបញ្ចប់មធ្យមសិក្សាទុតិយភូមិកន្លងមក តាមការណែនាំរបស់គណៈកម្មការរៀបចំអាហារូបករណ៍។ បញ្ជាក់ ៖ លក្ខខណ្ឌខាងលើបើកទូលាយសម្រាប់បេក្ខជនទាំងអស់ ដោយមិនរម្រូវឱ្យមានសមត្ថភាពភាសាចិនក្នុងកម្រិតណាមួយឡើយ។
អត្ថប្រយោជន៍ នៃងាហារូបករណ៍ ៖ ទទួលបានអាហារូបករណ៍សិក្សា ១០០% សម្រាប់ថ្នាក់បំប៉នភាសាចិនរយៈពេល១ឆ្នាំ និងថ្នាក់បរិញ្ញាបត្រភាសាចិនរយៈពេល៤ឆ្នាំ, ទទួលបានអន្តេវាសិកដ្ឋានសម្រាប់ការស្នាក់នៅរយៈពេល ៥ឆ្នាំពេញ, ទទួលបានប្រាក់ឧបត្ថម្ភប្រចាំខែសម្រាប់ការចាយវាយប្រចាំថ្ងៃរយៈពេល ៥ ឆ្នាំពេញ, ទទួលបានឱកាសការងារជាថ្នាក់ដឹកនាំ គណៈគ្រប់គ្រង បុគ្គលិក សាស្ត្រាចារ្យ ឬលោកគ្រូ-អ្នកគ្រូ បម្រើការនៅសាលា និងសាកលវិទ្យាល័យ ប៊ែលធី អន្តរជាតិ ក្រោយពេលបញ្ចប់ការសិក្សា។
សម្រាប់សិស្ស-និស្សិតដែលមានចំណាប់អារម្មណ៍ សូមទាក់ទងសាកសួរព័ត៌មាន និងដាក់ពាក្យស្នើសុំនៅការិយាល័យ ប៊ែលធីទំនាក់ទំនងអន្តរជាតិ ដែលមានអាសយដ្ឋានស្ថិតនៅអគារសាកលវិទ្យាល័យ ប៊ែលធី អន្តរជាតិ ទីតាំងទី១ (ទួលស្លែង) ជាន់ឡៅតឿ ឬទំនាក់ទំនងតាមរយៈលេខទូរសព្ទ ឬភេឡេក្រាម (Telegram) : 078 37 7676/07777 66 08 1។
ការដាក់ពាក្យស្នើសុំសូមធ្វើឱ្យបានមុនថ្ងៃទី០១ ខែមិថុនា ឆ្នាំ២០២៥ ជាកំហិត៕
