ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ក្រុមហ៊ុនវ៉េស្ទឡាញន៍ អេឌ្យូខេសិនគ្រុប បានប្រកាសដាក់ឱ្យប្រើប្រាស់កម្មវិធីប្រព័ន្ធគ្រប់គ្រងសាលារៀន ប្រព័ន្ធគ្រប់គ្រងការសិក្សា និង Mobile School App ក្នុងគោលបំណងលើកម្ពស់ការអប់រំសតវត្សទី២១ សម្រាប់សាលារៀនវ៉េស្ទឡាញន៍ និងសាលារៀនណត្សឡាញន៍។ ពិធីនេះធ្វើឡើងតាមប្រព័ន្ធអនឡាញ ក្រោមអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា លោក ប៉ិច បូឡែន អគ្គនាយកបណ្ដាញគ្រឹះស្ថានអប់រំ និងបណ្ដុះបណ្ដាលវ៉េស្ទឡាញន៍ អេឌ្យូខេសិនគ្រុប ព្រមទាំងថ្នាក់ដឹកនាំសាលា កាលពីថ្ងៃទី១៦ ខែកក្កដា ឆ្នាំ២០២១ កន្លងទៅ។
លោក តែ ឡាយ ប្រធាននាយកអប់រំនៃវ៉េស្ទឡាញន៍ អេឌ្យូខេសិនគ្រុប មានប្រសាសន៍ថា វ៉េស្ទឡាញន៍ដាក់ដំណើរប្រព័ន្ធបច្ចេកវិទ្យាអប់រំទាំងបីនៅពេលនេះនឹងជួយសម្រួលដល់ដំណើរការគ្រប់គ្រងសាលា ដំណើរការបង្រៀននិងរៀន ទំនាក់ទំនងគ្នាបានល្អ និងកត់ត្រាទិន្នន័យមានប្រសិទ្ធភាពខ្ពស់ឆ្លើយតបនឹងការអប់រំសតវត្សទី២១។
ប្រធាននាយកអប់រំនៃវ៉េស្ទឡាញន៍ អេឌ្យូខេសិនគ្រុប បានបញ្ជាក់ថា ប្រព័ន្ធគ្រប់គ្រងសាលារៀន (SMS) ផ្តល់ភាពងាយស្រួលក្នុងដំណើរការចុះឈ្មោះចូលរៀនរបស់សិស្ស ការសាកសួរព័ត៌មានមុនសម្រេចចិត្តតេស្តចូលរៀន។ ប្រព័ន្ធវៃឆ្លាតនេះនឹងជួយសម្រួលដល់ប្រតិបត្តិផ្ញើសារសុំច្បាប់ ផ្តល់ព័ត៌មានទៅគ្រប់ភាគីពាក់ព័ន្ធ អាចដាក់កិច្ចការផ្ទះដល់សិស្ស បង់ថ្លៃសិក្សា មានប្រព័ន្ធតាមដានសុវត្ថិភាពសិស្ស ហើយអាណាព្យាបាលក៏អាចផ្ញើព័ត៌មានផ្សេងៗទៅសាលារៀនវិញ។
ចំណែកប្រព័ន្ធគ្រប់គ្រងការសិក្សា (LMS) បានរៀបចំជាបណ្ណាល័យធនធានសម្ភារៈសម្រាប់បង្រៀននិងរៀនជួយសម្រួលដល់កិច្ចការលោកគ្រូអ្នកគ្រូទាញយកសម្ភារៈសិក្សាទាំងនេះទៅបង្រៀនសិស្ស។ កម្មវិធីនេះមានវីដេអូមេរៀនជាច្រើន មានកម្មវិធីសម្រាប់តេស្តសមត្ថភាពសិស្ស អាចបង្កើតថ្នាក់រៀនអនឡាញជាមួយគ្រូនិងសិស្ស ងាយស្រួលផ្ដល់និងទទួលកិច្ចការសាលា និងផ្តល់ឯកសារសម្រាប់គាំទ្រដល់ការសិក្សា។
ដោយឡែកកម្មវិធី Mobile School App ផ្តល់អត្ថប្រយោជន៍សម្រាប់សាលារៀន បង្កើតគំនិតច្នៃប្រឌិតថ្មីៗ បង្កើនទំនាក់ទំនង ជួយសិស្សានុសិស្សក្នុងការសិក្សា និងផ្ដល់ឱ្យពួកគេនូវព័ត៌មាន និងបច្ចុប្បន្នភាព។ កម្មវិធី Mobile School App ជួយផ្ដល់ព័ត៌មានបច្ចុប្បន្នភាពជំរុញដល់ការសិក្សារបស់សិស្សានុសិស្ស និងជំរុញឱ្យមានការចូលរួមពីមាតាបិតា និងផ្ដល់ ធនធានល្អៗសម្រាប់អភិវឌ្ឍភាពជាមាតាបិតា។
ទន្ទឹមគ្នានេះ ឧកញ៉ា ប៉ិច បូឡែន អគ្គនាយកបណ្ដាញគ្រឹះស្ថានអប់រំ និងបណ្ដុះបណ្ដាលនៃវ៉េស្ទឡាញន៍ អេឌ្យូខេសិនគ្រុប បានមានប្រសាន៍ថា តាមរយៈកម្មវិធីដែលវ៉េស្ទឡាញន៍កំពុងដាក់ឱ្យដំណើរការពេលនេះ សាលាមានទស្សនៈវិស័យវែងឆ្ងាយក្នុងការអនុវត្តកំណែទម្រង់វិស័យអប់រំដើម្បីឆ្លើយតបទៅនឹងការអប់រំសតវត្សទី២១ ក្រោមការតម្រង់ទិសពីក្រសួងអប់រំ យុវជន និងកីឡា។
ក្នុងឱកាសដាក់ឱ្យដំណើរកម្មវិធីឌីជីថលសម្រាប់ការអប់រំខាងលើ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ការប្រើប្រាស់បច្ចេកវិទ្យានៅក្នុងវិស័យអប់រំដែលវ៉េស្ទឡាញន៍កំពុងអនុវត្ត ជាការទុនវិនិយោគដើម្បីពង្រឹងគុណភាពអប់រំ និងផ្ដល់ឱកាសអប់រំកាន់តែច្រើនដល់សិក្សានុសិស្សកម្ពុជា។ លើសពីនេះតាមរយៈបច្ចេកវិទ្យានឹងជួយឱ្យមាតាបិតាសម្រេចចិត្តជ្រើសរើសសេវាអប់រំមួយល្អសមស្របទៅតាមចំណង់ចំណូលចិត្ត ដំណើរការទីផ្សារអប់រំ និងទីផ្សារការងារនៅកម្ពុជា។
គួរបញ្ជាក់ថា ក្រុមហ៊ុនវ៉េស្ទឡាញន៍ អេឌ្យូខេសិនគ្រុប បានបង្កើតឡើងតាំងពីឆ្នាំ២០០៨ ចាប់ផ្ដើមពីសាលារៀនមានសិស្សចំនួន ៦០០នាក់ គ្រូបង្រៀននិងបុគ្គលិកអប់រំ ៧០នាក់ មកដល់ពេលនេះមានសិស្សជាង ១ម៉ឺននាក់ មានគ្រូនិងបុគ្គលិកអប់រំ ១២០០នាក់នៅក្នុងបុត្រសម្ព័ន្ធអប់រំនិងបណ្ដុះបណ្ដាលទាំង១៥ និង២១ទីតាំងនៅក្នុងឆ្នាំ២០២១៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 12/11/2025
វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។
ឱកាសអាហារូបករណ៍ទៅសិក្សានៅប្រទេសហូឡង់ សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 23/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Leiden ពីកម្មវិធីអាហារូបករណ៍ Minerva Scholarship Funds Foundation នៅប្រទេសហូឡង់...
សិស្សបាក់ឌុបដែលចង់រៀនជំនាញមេកានិករថយន្ត សាលា JVC ផ្តល់អាហារូបករណ៍ ១០០%
ព័ត៌មានអាហារូបករណ៍, ព្រឹត្តិការណ៍
• 08/10/2025
វិទ្យាស្ថានបច្ចេកទេស ហ្ស៊ី វ៉េ សេ ដែលគេទទួលស្គាល់ថា ជាសាលាដែលបណ្តុះបណ្តាលជំនាញជួសជុលរថយន្ត បានប្រកាសផ្តល់អាហារូបករណ៍ ១០០%
អាហារូបករណ៍រដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 14/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីរដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤។...
ឱកាសសិក្សាអាហារូបករណ៍បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Science Po ប្រទេសបារាំង
ព័ត៌មានអាហារូបករណ៍, ព្រឹត្តិការណ៍
• 22/08/2025
តាមរយៈកម្មវិធីអាហារូបករណ៍ Emile Boutmy Scholarship 2025 កំពុងប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ សិក្សានៅសាកលវិទ្យាល័យ Science Po នៃប្រទេសបារាំង ក្នុងឆ្នាំសិក្សា២០២៥។
អាហារូបករណ៍៥០កន្លែងសិក្សានៅសាកលវិទ្យាល័យខេមរៈថ្នាក់បរិញ្ញាបត្រជាន់ខ្ពស់ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/12/2024
ឱកាសសិក្សាអាហារូបករណ៍ថ្នាក់បរិញ្ញាបត្រ៥០កន្លែងសម្រាប់ឆ្នាំសិក្សា២០២៤-២០២៥ នៅសាកលវិទ្យាល័យខេមរៈ តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត...
អាហារូបករណ៍រដ្ឋាភិបាលសហព័ន្ធរុស្ស៊ីចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/12/2024
សម្រាប់ឆ្នាំសិក្សា២០២៥-២០២៦ រដ្ឋាភិបាល នៃសហព័ន្ធរុស្ស៊ី ផ្តល់អាហារូបករណ៍ចំនួន ៤០កន្លែង ដល់សិស្ស និស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងថ្នាក់ឯកទេស (Specialist) នៅសហព័ន្ធរុស្ស៊ី។
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យពុទ្ធិសាស្ត្រ
ព័ត៌មានអាហារូបករណ៍, ព្រឹត្តិការណ៍
• 08/01/2024
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យ ពុទ្ធិសាស្ត្រ សម្រាប់ឆ្នាំសិក្សា២០២៤។ អាហារូបករណ៍ផ្តោតលើឧត្តមភាព...
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក STEM នៅសាកលវិទ្យាល័យ Manchester ប្រទេសអង់គ្លេស ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 27/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាកលវិទ្យាល័យ Menchester ពីកម្មវិធី ASEAN-UK SAGE ដែលផ្ដល់ឱ្យការសិក្សានៅក្នុងវិស័យ STEM។ អាហារូបករណ៍ផ្តល់មូលនិធិសម្រាប់ស្ត្រីដើម្បីសិក្សាថ្នាក់អនុបណ្ឌិតរយៈពេលមួយឆ្នាំនៅចក្រភពអង់គ្លេស។
កម្មវិធីពិសេសរបស់ AMS EDUCATION
ព័ត៌មានសង្ខេប
