ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការសិក្សានៅក្រៅប្រទេសកំណើត ប្រៀបបានដូចជាការចាប់ផ្ដើមកន្លែងរស់នៅថ្មីមួយទៀតដែលមិនមានអ្វីសោះ ជាពិសេសការប្រាស្រ័យទាក់ទងជាមួយមិត្ត និងមជ្ឈដ្ឋានថ្មីៗជុំវិញខ្លួន ។ នេះជាការលើកឡើងរបស់ កញ្ញា ផល អេមី និស្សិតឆ្នាំទី៣នៃសាកលវិទ្យាល័យ Henan Normal នៃអាហារូបករណ៍រដ្ឋាភិបាលខេត្តហឺណាន ឆ្នាំសិក្សា២០២០-២០២៥ ។
កញ្ញា ផល អេមី បានចែករំលែកពីផលប្រយោជន៍ នៃការធ្វើទំនាក់ទំនងល្អជាមួយមិត្តថ្មីៗ និងទៅកាន់មនុស្សជុំវិញមជ្ឈដ្ឋានថា បន្ទាប់ពីបានស្នាក់នៅ និងសិក្សានៅប្រទេសចិនអស់រយៈពេល៣ឆ្នាំកញ្ញាទទួលបានបទពិសោធន៍ និងចំណេះដឹងថ្មីៗជាច្រើនដូចជារបៀបនៃការរស់ឆ្ងាយផ្ទះ ការសិក្សារៀនសូត្រ ការបង្កើតទំនាក់ទំនង និងសកម្មភាពថ្មីៗជារៀងរាល់ថ្ងៃ ។ ជាមួយគ្នានេះ ការបង្កើតទាក់ទំនងល្អមានផលប្រយោជន៍ជាច្រើនដល់មនុស្សគ្រប់គ្នា ជាពិសេសនិស្សិតដែលកំពុងស្នាក់នៅ និងសិក្សានៅក្រៅប្រទេស ដោយការបង្កើតទំនាក់ទំនងនេះត្រូវកើតមាននៅគ្រប់ទីកន្លែងទាំងនៅក្នុងកន្លែងស្នាក់នៅ ក្នុងថ្នាក់រៀន និងទីសាធារណៈ ។
យុវតីវ័យ២២ឆ្នាំរូបនេះបានបន្តថា ក្នុងរយៈពេល៣ឆ្នាំនៃការសិក្សា ការទំនាក់ទំនងនេះបានបង្ហាញឱ្យកញ្ញាមើលឃើញ និងអាចស្វែងយល់ពីរបៀបនៃការរៀនសូត្ររបស់សិស្សជនជាតិចិនផងដែរ ដោយនិស្សិតគេភាគច្រើនជាសិស្សដែលមានភាពក្លាហាន រួសរាយរាក់ទាក់ ខិតខំប្រឹងប្រែងសិក្សា មានភាពអត់ធ្មត់ និងចំណាយពេលមួយភាគធំទៅលើការសិក្សារបស់ពួកគាត់ ។ កត្តាទាំងអស់នេះហើយដែលបានជម្រុញកម្លាំងចិត្ត កញ្ញា អេមី ឱ្យមានការខិតខំប្រឹងប្រែងបន្ថែមមួយកម្រិតទៀត ។
កញ្ញា ផល អេមី
” ខ្ញុំជ្រើសរើសយកគំរូល្អៗពីមជ្ឈដ្ឋានជុំវិញ ដើម្បីជាកម្លាំងជម្រុញចិត្តឱ្យខ្ញុំមានការខិតខំប្រឹងប្រែងបន្ថែមមួយកម្រិតទៀត”
ទន្ទឹមនឹងទទួលបានផលប្រយោជន៍ពីការបង្កើតទំនាក់ទំនង យុវតីមានស្រុកកំណើតនៅខេត្តកំពង់ចាមរូបនេះក៏បានលើកឡើងបន្ថែមថា កម្មវិធីសិក្សានៅប្រទេសចិនគឺមានច្រើន និងមានភាពសកម្មដែលជាការដាស់ស្មារតីដល់សិស្សដូចជា ការសិក្សាពេញម៉ោងក្នុងមួយថ្ងៃ (ម៉ោង៨ព្រឹក ដល់ម៉ោង៩យប់) និងការសិក្សាទ្រឹស្ដីភ្ជាប់ជាមួយការអនុវត្តន៍ជាដើម ។
ងាកទៅមើលពីបញ្ហាប្រឈមដែលកញ្ញា ផល អេមី បានជួបនៅពេលទៅសិក្សាដំបូងៗវិញ អ្វីដែលនាងជួបមុនគេ គឺការប្រើប្រាស់ភាសាដើម្បីទំនាក់ទំនង ដោយកញ្ញា និងមិត្តនិស្សិតខ្មែរដែលត្រូវទៅសិក្សាជាមួយគ្នាទាមទារការចំណាយពេលវេលាឱ្យបានកាន់តែច្រើនសិក្សាពីភាសាចិន និងការទំនាក់ទំនងជាមួយមជ្ឈដ្ឋានខាងក្រៅ ។ យ៉ាងណាមិញនៅពេលទៅដល់ប្រទេសចិនដំបូងៗកញ្ញា អេមី អាចប្រើប្រាស់ភាសាចិននៅមានកម្រិត និងជ្រើសកម្មវិធីសិក្សាអក្សរសាស្ត្រចិនផងនោះ ទើបកញ្ញាត្រូវចំណាយពេលបន្ថែមកាន់តែច្រើនជាមួយការសិក្សាភាសាចិន ។
បេក្ខភាពអាហារូបករណ៍រូបនេះ បានលើកពីផលវិបាកនៃការប្រើប្រាស់ភាសា កត្តាអាកាសអាតុក៏ជាផលវិបាកដែលធ្វើឱ្យកញ្ញាត្រូវរៀនបន្ស៊ាំខ្លួនជាមួយអាកាសធាតុនៅទីនោះ ជាពិសេសនៅរដូវរងារដែលមានសីតុណ្ហភាពធ្លាក់ចុះដល់សូន្យ ឬទាបជាងនេះ និងការមើលថែខ្លួនឯងពីអាហារនៅទីនោះផងដែរ ។
ជាចុងក្រោយ កញ្ញាសូមលើកទឹកចិត្តដល់ប្អូនៗក៏ដូចជាសិក្សានុសិស្សជំនាន់ក្រោយខិតខំសិក្សារៀនសូត្រ និងសាកល្បងដាក់ពាក្យអាហារូបករណ៍ទៅសិក្សានៅក្រៅប្រទេសដើម្បីបានស្គាល់ និងបានយល់ដឹងពីការសិក្សា ប្រព័ន្ធអប់រំនៅក្រៅប្រទេសយ៉ាងហោចណាស់បានម្ដង ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសម្រាប់សិស្សនារី ! មូលនិធិហាប់ស្វែល ប្រកាសផ្តល់អាហារូបករណ៍ស្នាក់នៅ និងបណ្តុះបណ្តាលភាពជាអ្នកដឹកនាំ ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 20/04/2026
មូលនិធិហាប់ស្វែល (Harpswell Foundation) ដែលជាអង្គការឈានមុខគេក្នុងការគាំទ្រ និងលើកកម្ពស់សមត្ថភាពស្ត្រីនៅកម្ពុជា បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៦-២០២៧
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីរដ្ឋាភិបាលប៊ែលហ្សិកឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 10/06/2025
កម្មវិធីអាហារូបករណ៍រដ្ឋាភិបាលប៊ែលហ្សិក ប្រកាសជ្រើសរើសនិស្សិតអន្តរជាតិសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងវគ្គបណ្ដុះបណ្ដាលផ្សេងៗ នៅសាកលវិទ្យាល័យជាច្រើនក្នុងប្រទេសប៊ែលហ្សិកសម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រ១០០កន្លែងនៅសាកលវិទ្យាល័យសម្ដេចព្រះមហាសង្ឃរាជ បួរ គ្រី ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 17/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យសម្ដេចព្រះមហាសង្ឃរាជ បួរ គ្រី ចំនួន១០០កន្លែង សម្រាប់ឆ្នាំសិក្សា២០២៥-២០២៦ ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 20/01/2025
កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 29/04/2025
មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេសក្នុងការសិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...
គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening
ព័ត៌មានអាហារូបករណ៍, ព្រឹត្តិការណ៍
• 15/08/2025
ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...
ឱកាសសិក្សានៅប្រទេសជប៉ុន ពីកម្មវិធីអាហារូបករណ៍ធនាគារអភិវឌ្ឍអាស៊ីឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 10/03/2023
កម្មវីធីអាហារូបករណ៍ The ADB-Japan Scholarship Program (JSP) បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សិក្សានៅសាកលវិទ្យាល័យ Tokyo ...
អាហារូបករណ៍សម្តេចអគ្គមហាសេនាបតីតេជោ ហ៊ុន សែន ៥០កន្លែងនៅសាកលវិទ្យាល័យភូមិន្ទវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 20/12/2023
សម្រាប់សិស្ស-និស្សិតដែលមានបំណងចង់សិក្សាជំនាញផ្នែកសិល្បៈ ពេលនេះ គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន នឹងផ្តល់អាហារូបករណ៍...
អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/07/2023
មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។
កម្មវិធីពិសេសរបស់ AMS EDUCATION
ព័ត៌មានសង្ខេប
