កម្មវិធីអ្នកដឹកនាំធុរកិច្ចវ័យក្មេង ២០២៦៖ យុវជនកម្ពុជា-ចិន ពង្រឹងកិច្ចសហប្រតិបត្តិការក្រោមក្របខណ្ឌ «ច្រករបៀងមច្ឆា និងអង្ករ»

ក្នុងគោលបំណងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងកសិកម្មឆ្លាតវៃ គណៈប្រតិភូយុវជនកម្ពុជាចំនួន ១៩រូប ដែលតំណាងឱ្យស្ថាប័នរដ្ឋ សហគ្រាសឯកជន និងសហគមន៍កសិកម្ម បានបំពេញទស្សនកិច្ចផ្លូវការនៅទីក្រុងសៀងហៃ និងខេត្តជាំងស៊ូ នៃសាធារណរដ្ឋប្រជាមានិតចិន។ ដំណើរទស្សនកិច្ចនេះ ប្រព្រឹត្តទៅចាប់ពីថ្ងៃទី៧ ដល់ថ្ងៃទី១២ ខែវិច្ឆិកា ឆ្នាំ២០២៦ ក្រោម «កម្មវិធីអ្នកដឹកនាំធុរកិច្ចវ័យក្មេង ឆ្នាំ២០២៦» រៀបចំដោយផ្ទះយុវជនដើម្បីមិត្តភាពកម្ពុជា-ចិន និងដឹកនាំផ្ទាល់ដោយ ឯកឧត្តម ស៊ឹម វីរៈ ប្រធានលេខាធិការដ្ឋាននៃក្រុមការងារជំរុញការវិនិយោគក្នុងភូមិភាគឦសាន។

ដំណើរទស្សនកិច្ចរយៈពេលមួយសប្តាហ៍នេះ ផ្តោតសំខាន់លើការស្វែងយល់ពីការអភិវឌ្ឍវិស័យកសិកម្មទំនើប និងការបង្កើតឱកាសតភ្ជាប់ភាពជាដៃគូធុរកិច្ច ស្របតាមក្របខណ្ឌយុទ្ធសាស្ត្រ «ច្រករបៀងមច្ឆា និងអង្ករ» រវាងកម្ពុជា និងចិន។

ការសិក្សាស្រាវជ្រាវ និងការស្វែងយល់ពីបច្ចេកវិទ្យាកសិកម្មទំនើបនៅសៀងហៃ

ក្នុងដំណើរទស្សនកិច្ច​នៅទីក្រុងសៀងហៃ គណៈប្រតិភូកម្ពុជាបានអញ្ជើញទៅបណ្ឌិត្យសភាវិទ្យាសាស្ត្រកសិកម្មសៀងហៃ ដើម្បីផ្លាស់ប្តូរបទពិសោធន៍ និងសិក្សាពីការស្រាវជ្រាវវិទ្យាសាស្ត្រ ការអភិវឌ្ឍពូជដំណាំទំនើបៗ ក៏ដូចជាការប្រើប្រាស់បច្ចេកវិទ្យាដើម្បីលើកកម្ពស់ផលិតភាពកសិកម្ម។

ក្រៅពីនេះ គណៈប្រតិភូក៏បានចូលរួមទស្សនាពិព័រណ៍នាំចូលអន្តរជាតិចិន (CIIE) លើកទី៩ ដើម្បីស្វែងយល់ពីផលិតផល បច្ចេកវិទ្យា និន្នាការទីផ្សារ និងតម្រូវការនាំចូលរបស់ចិន ព្រមទាំងប្រាស្រ័យទាក់ទងជាមួយតំណាងសហគ្រាស និងដៃគូធុរកិច្ចនានា។

វេទិកាធុរកិច្ចកសិពាណិជ្ជកម្មកម្ពុជា-ចិន នៅទីក្រុងណានជីង

ដំណើរទស្សនកិច្ចនេះ គណៈប្រតិភូយុវជនកម្ពុជា ក៏បានចូលរួមក្នុង «វេទិកាធុរកិច្ចកសិពាណិជ្ជកម្មកម្ពុជា-ចិន» នៅទីក្រុងណានជីង ក្រោមប្រធានបទ «ជំរុញច្រករបៀងមច្ឆា និងអង្ករ តាមរយៈភាពជាដៃគូ និងការវិនិយោគក្នុងវិស័យកសិធុរកិច្ច» ដែលមានការចូលរួមពីតំណាងស្ថានអគ្គកុងស៊ុលកម្ពុជាប្រចាំទីក្រុងសៀងហៃ ព្រមទាំងតំណាងស្ថាប័ន សមាគម និងសហគ្រាសចិនជាង ២០ក្រុមហ៊ុន។

លោក ខុន សារឿន មន្ត្រីកុងស៊ុលនៃស្ថានអគ្គកុងស៊ុលកម្ពុជាប្រចាំទីក្រុងសៀងហៃ បានវាយតម្លៃខ្ពស់ចំពោះការរៀបចំកម្មវិធីនេះ និងបានបញ្ជាក់ពីការត្រៀមខ្លួនរួចជាស្រេចក្នុងការសម្របសម្រួលដល់វិនិយោគិនចិន ដែលមានបំណងស្វែងរកឱកាសធុរកិច្ច និងបណ្តាក់ទុននៅកម្ពុជា។ ជាមួយគ្នានេះ ឯកឧត្តម ស៊ឹម វីរៈ បានគូសបញ្ជាក់ពីសក្តានុពលនៃកសិផលកម្ពុជាដែលមានគុណភាពខ្ពស់ និងមានអត្តសញ្ញាណច្បាស់លាស់ ព្រមទាំងបានលើកទឹកចិត្តដល់វិនិយោគិនឱ្យពង្រីកការវិនិយោគលើការកែច្នៃ ការបង្កើនតម្លៃបន្ថែម និងការជំរុញការនាំចេញទៅកាន់ទីផ្សារអន្តរជាតិ។

ពង្រីកកិច្ចសហប្រតិបត្តិការ និងទស្សនកិច្ចខេត្តជាំងស៊ូ

គណៈប្រតិភូយុវជនកម្ពុជា ក៏បានបន្តដំណើរទស្សនកិច្ចទៅកាន់ទីតាំងយុទ្ធសាស្ត្រសំខាន់ៗជាច្រើនទៀតក្នុងខេត្តជាំងស៊ូ រួមមាន៖

សួនកសិឧស្សាហកម្មបច្ចេកវិទ្យាខ្ពស់ថ្នាក់ជាតិណានជីង៖ សិក្សាពីគំរូអភិវឌ្ឍកសិកម្មបៃតង និងកសិកម្មឆ្លាតវៃ ការផ្សារភ្ជាប់ការស្រាវជ្រាវវិទ្យាសាស្ត្រជាមួយផលិតកម្ម និងការកែច្នៃកសិផល។

សួនអេកូឡូស៊ីប៉ានឈៀវ៖ ស្វែងយល់ពីការរួមបញ្ចូលគ្នារវាងកសិកម្ម វប្បធម៌ និងទេសចរណ៍ ការគ្រប់គ្រងសួនកសិទេសចរណ៍ និងការគាំទ្រពីអាជ្ញាធរមូលដ្ឋាន។

ទីក្រុងជិនជាំង និងឆាងចូវ៖ សិក្សាពីប្រព័ន្ធភស្តុភារកម្ម ខ្សែច្រវាក់ត្រជាក់ និងជួបពិភាក្សាការងារជាមួយថ្នាក់ដឹកនាំសួនកសិឧស្សាហកម្មទំនើបស៊ីនប៉ី និងសហគ្រាសចិន ដើម្បីពិភាក្សាលើកិច្ចសហប្រតិបត្តិការលើវិស័យកសិកម្មទំនើប បច្ចេកវិទ្យាផ្ទះកញ្ចក់ និងជលផល។

ដំណើរទស្សនកិច្ចរបស់គណៈប្រតិភូយុវជនកម្ពុជាក្រោម «កម្មវិធីអ្នកដឹកនាំធុរកិច្ចវ័យក្មេង ឆ្នាំ២០២៦» នេះ ត្រូវបានគេរំពឹងថា នឹងក្លាយជាកាតាលីករដ៏សំខាន់មួយបន្ថែមទៀត ក្នុងការរឹតចំណងមិត្តភាព ក៏ដូចជាកសាងទំនាក់ទំនងរវាងវិស័យឯកជន និងយុវជននៃប្រទេសទាំងពីរ ក៏ដូចជាការជំរុញលំហូរពាណិជ្ជកម្ម និងការវិនិយោគក្នុងក្របខណ្ឌ «ច្រករបៀងមច្ឆា និងអង្ករ» ឱ្យកាន់តែស៊ីជម្រៅ និងមានប្រសិទ្ធភាពខ្ពស់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រចំនួន៤០កន្លែងពីអង្គការសម្រេចសុបិនកុមារ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រសម្រាប់សិស្សនិស្សិតចំនួន៤០កន្លែង ពីអង្គការសម្រេចសុបិនកុមារក្នុងឆ្នាំសិក្សា២០២៣-២០២៤ ។ អាហារូបករណ៍ឧបត្ថម្ភការសិក្សារបស់បេក្ខឱ្យសិក្សានៅតាមសាកលវិទ្យាល័យ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus ២០២៥

ព័ត៌មានអាហារូបករណ៍, ព្រឹត្តិការណ៍

• 01/04/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus នៃសាធារណរដ្ឋស៊ីប (Republic of Cyprus) សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

ឱកាសអាហារូបករណ៍រដ្ឋាភិបាលជប៉ុន MEXT ឆ្នាំ២០២៧ នៅសាកលវិទ្យាល័យ Osaka University

ព័ត៌មានអាហារូបករណ៍, ព្រឹត្តិការណ៍

• 02/07/2026

សាកលវិទ្យាល័យ Osaka University ដែលជាគ្រឹះស្ថានឧត្តមសិក្សាដ៏មានកេរ្តិ៍ឈ្មោះល្បីល្បាញមួយរបស់ប្រទេសជប៉ុន បានប្រកាសបើកទទួលពាក្យសុំអាហារូបករណ៍ Osaka University MEXT Scholarships 2027 ហើយ។

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Boston សហរដ្ឋអាមេរិកឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 04/09/2023

ឱកាសសិក្សាថ្នាក់បរិញ្ញាបត្រនៅសាកលវិទ្យាល័យBoston ពីកម្មវិធីអាហារូបករណ៍ Trustee 2024 នៅសហរដ្ឋអាមេរិក ។ អាហារូបករណ៍ផ្ដល់ជូនចំនួន២០កន្លែងសម្រាប់ការ...

កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨

ព័ត៌មានអាហារូបករណ៍, ព្រឹត្តិការណ៍

• 30/06/2026

កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...

អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 11/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។

សហភាពអឺរ៉ុបផ្តល់អាហារូបករណ៍ពេញថ្លៃ ៣០កន្លែង លើជំនាញវិស័យទឹក ទៅសិក្សានៅសាកលវិទ្យាល័យក្នុងតំបន់អឺរ៉ុប

ព័ត៌មានអាហារូបករណ៍, ព្រឹត្តិការណ៍

• 02/10/2026

សហភាពអឺរ៉ុប (EU) ប្រចាំនៅកម្ពុជា បានប្រកាសផ្ដល់អាហារូបករណ៍ពេញថ្លៃចំនួន ៣០ កន្លែង ក្រោមគម្រោង «European Global Gateway Scholarships on Water Professions»

វិទ្យាស្ថាន​ជាតិពហុបច្ចេកទេស​អង្គរ ផ្តល់​អាហារូបករណ៍១០០% និង ៥០% លើជំនាញវិស្វកម្ម​ ៥៨០កន្លែង

ព័ត៌មានអាហារូបករណ៍, ព្រឹត្តិការណ៍

• 12/09/2024

វិទ្យាស្ថានជាតិពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍ ១០០% និង ៥០% ទៅ​លើជំនាញ​បច្ចេកទេសពាក់ព័ន្ធនឹងវិស្វកម្ម​សរុបចំនួន ៥៨០កន្លែង ដោយ​ក្នុងនោះបេក្ខជនអាចទទួលបានប្រាក់ឧបត្ថម្ភ​ចំនួន ៦០ដុល្លារ​ក្នុងមួយខែថែមទៀត។

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Thailand International Postgraduate Programme ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 20/01/2025

កម្មវិធីអាហារូបករណ៍ Thailand International Postgraduate Programme (TIPP) ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ សិក្សានៅតាមសាកលវិទ្យាល័យជាច្រើន នៃប្រទេសថៃសម្រាប់ឆ្នាំសិក្សា២០២៥...