ក្រសួងអប់រំបង្ហាញពីលទ្ធផលរីកចម្រើន នៃការ​អប់រំ​នៅ​កម្រិតបឋមសិក្សា

កាលពីថ្ងៃទី២២ ខែធ្នូ ឆ្នាំ២០២៥ ក្រសួងអប់រំ យុវជន និងកីឡា បានធ្វើការផ្សព្វផ្សាយ​ជាផ្លូវការណ៍ នូវ​របាយការណ៍ថ្នាក់ជាតិ​ស្តីពី “រង្វាយតម្លៃ​លទ្ធផល​សិក្សា​របស់សិស្ស​កម្រិតបឋមសិក្សា នៅ​តំបន់អាស៊ីអាគ្នេយ៍ ឆ្នាំ២០២៤” ដែលសិស្ស​កម្ពុជា​ទទួលបានលទ្ធផលរីកចម្រើន​គួរ​ឱ្យ​កត់សម្គាល់​ក្នុងផ្នែកអំណាន និង​គណិតវិទ្យា បើប្រៀបធៀប​លទ្ធផល​នៅ​ឆ្នាំ២០១៩។

តាមរបាយការណ៍ សិស្ស​កម្ពុជា​មានពិន្ទុ​ជាមធ្យម​ផ្នែក​អំណាន​កើនឡើង ៦ពិន្ទុ (២៩០ក្នុងឆ្នាំ២០១៩ កើន​ដល់២៩៦ក្នុងឆ្នាំ​២០២៤) និង​ពិន្ទុ​ជាមធ្យមផ្នែក​គណិតវិទ្យា​កើនឡើង ១២ពិន្ទុ (២៨៩ក្នុងឆ្នាំ២០១៩ កើនដល់ ៣០១ក្នុង​ឆ្នាំ២០២៤)។ បើប្រៀបធៀបជាមួយ​ប្រទេស​ក្នុងតំបន់ សិស្ស​កម្ពុជា និង​មីយ៉ាន់ម៉ា ទទួល​បានពិន្ទុកើនឡើង ចំណែកប្រទេស​ឡាវ និងហ្វីលីពីន ប្រែប្រួលតិចតួច រីឯប្រទេស​ម៉ាឡេស៊ី និង​វៀតណាម ទទួលបាន​ពិន្ទុ​សិស្ស​ថយចុះ។

ឯកឧត្តម ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា ក្នុងចំណោម​ប្រទេស​ដែលបាន​ចូលរួម​ក្នុងរង្វាយតម្លៃ SEA-PLM ទាំងពីរលើក ពិន្ទុផ្នែកអំណាន និងគណិតវិទ្យារបស់សិស្សកម្ពុជានៅតែស្ថិតនៅកណ្តាល ក្នុងលំដាប់ទី៤ បន្ទាប់ពី វៀតណាម ម៉ាឡេស៊ី និងមីយ៉ាន់ម៉ា។

បើតាមឯកឧត្តមរដ្ឋមន្រ្តី ក្នុងរយៈពេលដប់ឆ្នាំចុងក្រោយនេះ កម្ពុជាបានបង្កើនការវិនិយោគយ៉ាងច្រើនលើសមាសធាតុរឹង និងទន់នៃការអប់រំ រាប់ចាប់ពីហេដ្ឋារចនាសម្ព័ន្ធសាលារៀន រហូតដល់ការបណ្តុះបណ្តាលគ្រូ ការផ្តល់សៀវភៅសិក្សា និងការរិះរកវិធីសាស្រ្តបង្រៀនជំនាន់ថ្មី។ ជាលទ្ធផល ការទទួលបានសេវាអប់រំ បានល្អប្រសើរនៅគ្រប់កម្រិតទាំងអស់ តួយ៉ាង ការចុះឈ្មោះចូលរៀននៅក្នុងការអប់រំកុមារតូច ក្នុងចំណោមកុមារអាយុប្រាំឆ្នាំ បានកើនឡើងពី ១០% ដល់ ៧០%, នៅកម្រិតបឋមសិក្សា អត្រាចុះឈ្មោះចូលរៀនបានឡើងដល់ ១២៥% នៅមធ្យមសិក្សាបឋមភូមិ ៧០%, នៅមធ្យមសិក្សាទុតិយភូមិ មានការកើនឡើងគួរឱ្យចាប់អារម្មណ៍ពី ២០% ដល់ ៤៥%, អត្រាបោះបង់ការសិក្សាក៏បានថយចុះមកត្រឹម ៦% នៅកម្រិតបឋមសិក្សា និងមធ្យមសិក្សាប្រមាណ ១៥%។

“សព្វថ្ងៃនេះ មានសិស្សជាង ៣៣ម៉ឺននាក់បានចុះឈ្មោះចូលរៀននៅមធ្យមសិក្សាទូទាំងប្រទេស”

ទោះជាយ៉ាងណាឆ្លើយតបនឹងលទ្ធផលនៃរង្វាយតម្លៃ SEA-PLM ឆ្នាំ២០២៤ ឯកឧត្តម ហង់ជួន ណារ៉ុន បានផ្តល់អនុសាសន៍មួយចំនួន ក្នុងជំរុញបន្ថែមទៀត ដូចជា ពង្រឹងវិធីសាស្ត្របង្រៀន ជាពិសេសគឺការបង្រៀនសិស្សខ្សោយ និងត្រូវចុះទៅរៀនសូត្រដោយផ្ទាល់ដល់ថ្នាក់រៀន និងសាលារៀន, ពង្រឹងវិធីសាស្ត្រគ្រប់គ្រងថ្នាក់រៀន, យល់ច្បាស់ពីភាសាខ្មែរ, យល់ច្បាស់ពីការបង្រៀនភាសាខ្មែរ, យល់ច្បាស់ពីស្តង់ដាវិជ្ជាជីវៈគ្រូបង្រៀន និងចិត្តគរុកោសល្យគ្រូបង្រៀនជាដើម។

ជាមួយ​គ្នានេះ ឯកឧត្តមរដ្ឋមន្រ្តីក៏​បានប្តេជ្ញាចិត្តជំរុញកំណែទម្រង់ស៊ីជម្រៅជាប្រព័ន្ធ ដែលទាមទារឱ្យមានស្តង់ដា​ខ្ពស់ជាងមុន មានគណនេយ្យភាពរឹងមាំជាងមុន និងប្រើប្រាស់ធនធានសាធារណៈប្រកបដោយយុទ្ធសាស្ត្រជាងមុន ដើម្បីធានាថា សិស្សានុសិស្សកម្ពុជានឹងរៀនសូត្រជាមួយនឹងគ្រូបង្រៀន ដែលទទួលបានការលើកទឹកចិត្តសមរម្យ មានគុណវុឌ្ឍិខ្ពស់ ការបង្រៀនប្រកបដោយប្រសិទ្ធភាព ការអភិវឌ្ឍវិជ្ជាជីវៈជាប្រចាំ និងការប្តេជ្ញា​ចិត្តពេញលេញ​ចំពោះការ​សិក្សារបស់សិស្ស៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Manitoba ប្រទេសកាណាដា

ព័ត៌មានអាហារូបករណ៍, ព្រឹត្តិការណ៍

• 29/01/2024

ឱកាសទទួលបានអាហារូបករណ៍សាច់ប្រាក់ដើម្បីសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Manitoba នៃប្រទេសកាណាដា ឆ្នាំ២០២៤។

អាហារូបករណ៍ទៅ​សិក្សា​ថ្នាក់បរិញ្ញាបត្រ​នៅសាកលវិទ្យាល័យ Kent State សម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 12/08/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យ Kent State សហរដ្ឋអាមេរិក ឆ្នាំសិក្សា២០២៦ ពីកម្មវិធីអាហារូបករណ៍ Kent State University Global Scholarship 2026 ។

ឱកាសសិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ឆ្នាំង ចំនួន១៥០កន្លែង

ព័ត៌មានអាហារូបករណ៍, ព្រឹត្តិការណ៍

• 08/02/2024

វិទ្យាស្ថានពហុបច្ចេកទេសកំពង់ឆ្នាំងប្រកាសជ្រើសរើស យុវជន យុវនារី ឱ្យសិក្សាជំនាញវិជ្ជាជីវៈចំនួន១៥០នាក់ទៅសិក្សាលើជំនាញចំនួនប្រាំរយៈពេលសិក្សា៤ខែ។

ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ

ព័ត៌មានអាហារូបករណ៍, ព្រឹត្តិការណ៍

• 03/09/2025

តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)

តួកគី ផ្តល់អាហារូបករណ៍លើការ​បណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/05/2026

សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋ​តួកគីយ៉េ ​បាន​ប្រកាស​ផ្តល់​អាហារូបករណ៍​ដល់​មន្ត្រីរាជការ និង​បញ្ញវន្ត​កម្ពុជា សិក្សា​រយៈ​ពេល ៨ ខែ​ពេញ​ លើ​ការ​បណ្ដុះបណ្ដាល​ភាសា​ និង​វប្បធម៌​តួកគីយ៉េ សិក្សា​នៅ​សាធារណរដ្ឋ​តួកគីយ៉េ។

អាហារូបករណ៍ថ្នាក់ឧត្ដមសិក្សានៅ University of Luxembourg ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 06/02/2026

ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យលុចសំបួរ ពីកម្មវិធីអាហារូបករណ៍ជាច្រើន សម្រាប់ឆ្នាំសិក្សា២០២៦។ អាហារូបករណ៍ផ្ដល់ការសិក្សាពេញលេញ និងអត្ថប្រយោជន៍ជាច្រើនសម្រាប់...

អាហារូបករណ៍សិល្បៈអមតៈ អាន ចនផន ផ្ដល់អាហារូបករណ៍សាច់ប្រាក់ សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 07/03/2025

តាមរយៈ កម្មវិធីអាហារូបករណ៍សិល្បៈអមតៈ អាន ចនផន កំពុងប្រកាសជ្រើសរើសបេក្ខជន បេក្ខនារី ឱ្យទទួលបានឱកាសអាហារូបករណ៍សាច់ប្រាក់ចំនួន១៥០០ដុល្លារក្នុងមួយឆ្នាំ។ អាហារូបករណ៍ផ្ដល់ជូនសម្រាប់ការសិក្សាអភិវឌ្ឍន៍ជំនាញសិល្បៈ និងអភិវឌ្ឍន៍ជំនាញ...

នូវែលសេឡង់ ជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលខ្លី ក្រោមប្រធានបទ “Public Health Management ASEAN Online 2026”

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 07/07/2026

នូវែលសេឡង់ នឹងជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលរយៈពេលខ្លី ក្រោមប្រធានបទ "Public Health Management ASEAN Online 2026"

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...