ការចាប់យក ជំនាញសិក្សា 2 ក្នុងពេលតែមួយចំណេញមែន តែប្រឈមនឹងហានិភ័យខ្ពស់

កំឡុងពេលសិក្សាថ្នាក់បរិញ្ញាបត្រមាននិស្សិតមួយចំនួនជ្រើសរើសការសិក្សាជំនាញ2ផ្សេងគ្នាក្នុងពេលតែមួយ។ ការចាប់យកជំនាញ 2 ផ្សេងគ្នាក្នុងថ្នាក់ឧត្តមសិក្សានេះអាចជារឿងប្រថុយប្រថានសម្រាប់និស្សិតខណៈដែលពួកគាត់អាចនឹងទទួលបានទាំងគុណប្រយោជន៍ និងបញ្ហាប្រឈមជាច្រើន។

ក្នុងនាមជានិស្សិតម្នាក់ដែលកំពុងបន្តការសិក្សា 2ជំនាញស្របពេលគ្នានេះ យុវជន ប៊ុន ឡេង ដែលកំពុងសិក្សានៅថ្នាក់ប្រព័ន្ធផ្សព្វផ្សាយ និងសារគមនាគមន៍ ហើយមួយទៀតគឺថ្នាក់ភាសាអង់គ្លេសនៅសាកលវិទ្យាល័យភ្នំពេញ
បានចែករំលែកបទពិសោធន៍របស់ខ្លួនថា៖

“ការសិក្សាបែបនេះបានផ្តល់អត្ថប្រយោជន៍ខ្លាំងដល់ខ្ញុំ ដោយសារមុខជំនាញទាំង 2 ដែលខ្ញុំកំពុងរៀននេះគឺវាទាក់ទងគ្នា”

ជំនាញសិក្សា
រូបភាព ៖ យុវជន ប៊ុនឡេង

យុវជនរូបនេះបានបន្ថែមថា ៖

“បើសិនជាយើងចង់រៀន2មុខជំនាញក្នុងពេលតែមួយ សូមរើសយកជំនាញណាដែលជួយបំពេញគ្នា និងទាក់ទងគ្នាទើបល្អ”

ការដាក់ទុនសិក្សាមុខជំនាញ2 ក្នុងពេលតែមួយនេះអាចជួយឲ្យសិស្សនិស្សិតចំណេញបានច្រើនទៅលើពេលវេលា ដោយក្នុងរយៈពេល4ឆ្នាំ និស្សិតអាចទទួលបានបរិញ្ញាបត្រដល់ទៅ 2 ។ លើសពីនេះទៅទៀត បន្ទាប់ពីរៀនចប់សិស្សនិស្សិតអាចមានជម្រើសច្រើនក្នុងការជ្រើសរើសការងារដែលខ្លួនចង់ធ្វើ ខណៈដែលទីផ្សារការងារកាន់តែទូលំទូលាយ ធ្វើឲ្យកាន់តែងាយស្រួលរកការងារជាងមុន។ 

យុវជន ម៉េង វាសនា ជានិស្សិតដែលធ្លាប់រៀន 2ជំនាញដែរនោះ ក៏បានឲ្យដឹងផងដែរថា ខ្លួនបានជ្រើសរើសយកការសិក្សាបែបនេះ ព្រោះដោយសារតែចំណង់ចំណូលចិត្តទៅលើជំនាញទាំង2ផ្ទាល់តែម្ដង ម៉្យាងគឺដោយសារតែទស្សនៈ និងផ្នត់គំនិតផ្ទាល់ខ្លួនដែលតែងតែប្រកាន់ថា ប្រសិនបើខ្លួនមានចំណង់ចំពោះអ្វីមួយហើយ គួរតែស្រវាអនុវត្តនូវសកម្មភាពដើម្បីសម្រេចនូវគោលដៅនោះ គឺមិនគួរបណ្ដោយខ្លួននៅទំនេរនាំខកខានឱកាសឡើយ។ វាសនា បានលើកឡើងថា៖ “ខ្ញុំគិតថានៅខ្ញុំនៅក្មេង ខួរក្បាលនៅក្នុងស្ថានភាពល្អសម្រាប់សិក្សាពេញលេញ ដូច្នេះគួរតែរៀនទាំង2 ជំនាញ ដោយមិនគួរចំណាយពេលវេលារង់ចាំរហូតទាល់តែរៀនចប់មួយជំនាញ ទើបបន្តរៀនជំនាញមួយទៀតនោះទេ ព្រោះវាខាតពេលច្រើន។ 

ជំនាញសិក្សា
រូបភាព ៖ យុវជនវាសនា

ការសិក្សាជំនាញ 2 ក្នុងពេលជាមួយគ្នានេះក៏អាចធ្វើឲ្យសិស្ស-និស្សិតរងនូវសម្ពាធច្រើនដែរ ដូចជាសម្ពាធផ្លូវចិត្តជាដើម។ ការរៀនតែមួយជំនាញ សិស្សមានការងារសាលាត្រូវធ្វើច្រើនណាស់ទៅហើយ ចុះបើរៀនដល់ទៅ 2ជំនាញ នោះកិច្ចការសាលាដែលគ្រូដាក់ឲ្យកាន់តែមានច្រើនទ្វេដង។ កំណើនកិច្ចការនេះហើយធ្វើឲ្យយើងមានសម្ពាធ និងស្រ្តេសខ្លាំង។ នេះជាការលើកឡើងរបស់ ប៊ុនឡេង។  បន្ថែមពីនេះទៀតគឺបញ្ហាក្នុងការគ្រប់គ្រងពេលវេលា។ ការរៀនពីរមុខវិជ្ជាក្នុងពេលតែមួយ តម្រូវចំណាយពេលច្រើន ធ្វើអោយនិស្សិតមិនមានពេលច្រើនសម្រាប់សម្រាកលំហែកាយ ធ្វើការក្រៅម៉ោង ឬចូលរួមការងារសង្គមអ្វីបានច្រើនឡើយ។ 

សិស្សដែលរៀនច្រើនមុខវិជ្ជាអាចពិបាកក្នុងការផ្ចង់អារម្មណ៍ ដែលអាចប៉ះពាល់ដល់គុណភាពនៃការសិក្សា។ ចុងក្រោយនិស្សិតអាចនឹងទទួលបានលទ្ធផលសិក្សាមិនសូវល្អ។ ជាក់ស្ដែងបើមុខវិជ្ជាទាំង2 ប្រលងក្នុងថ្ងៃតែមួយជាមួយគ្នា អ្នករៀននឹងពិបាកផ្ដោតអារម្មណ៍ទៅលើមុខជំនាញណាមួយ។ ប៊ុនឡេង បន្ថែមថា៖ “ពេលប្រលងជាន់ថ្ងៃគ្នា យើងមិនអាចផ្តោតទៅលើសាលាណាមួយ 100% ទេ ដូច្នេះហើយលទ្ធផលដែលយើងទទួលបានក៏មិនសូវខ្ពស់ដូចមិត្តរួមថ្នាក់យើងផ្សេងទៀតដែលរៀនតែមួយមុខជំនាញដែរ”។

ត្រលប់ទៅកាន់យុវជន វាសនា ដែលសិក្សា2មុខវិជ្ជាក្នុងពេលតែមួយដូចបានរៀបរាប់ខាងលើ បច្ចុប្បន្នបានសម្រេចចិត្តព្យួរមុខជំនាញមួយសិន ក៏ព្រោះតែចង់ផ្ដោតការសិក្សាលើតែជំនាញមួយឲ្យបានច្បាស់លាស់ និងយកពេលដែលនៅសេសសល់ទៅធ្វើការដើម្បីទទួលបានបទពិសោធន៍បន្ថែម។ 

វាសនា បានបញ្ជាក់ថា ៖

“មូលហេតុទី1 ដែលធ្វើឱ្យខ្ញុំសម្រេចចិត្តព្យួរមួយមុខជំនាញសិនក៏ព្រោះតែពេលនេះខ្ញុំបានឈានចូលឆ្នាំទី 4 ហើយ ខ្ញុំគិតថាខ្ញុំគួរតែចំណាយពេលឱ្យបានច្រើនផ្ដោតលើជំនាញទី1 ដែលពេលនេះជាឆ្នាំសំខាន់ក្នុងការត្រៀមបញ្ចប់ថ្នាក់បរិញ្ញាបត្រ។ មូលហេតុទី 2 គឺដោយសារតែខ្ញុំចង់ចេញស្វែងរកការងារដើម្បីអាចទទួលបាននូវបទពិសោធន៍ ក៏ដូចជាថវិកាខ្លះសម្រាប់ផ្គត់ផ្គង់បន្តការសិក្សារួមជាមួយនឹងកត្តាជីវភាពប្រចាំថ្ងៃផងដែរ។ ខ្ញុំគិតថា បើរៀនតែមួយមុខមិនគ្រប់គ្រាន់ទេ ព្រោះពេលប្រលូកក្នុងវិស័យការងារ គឺត្រូវទាមទារឱ្យមានទាំងចំណេះដឹង និងបទពិសោធន៍ទើបអាចប្រជែងក្នុងការស្វែងរកការងារបាន”

ជាការចែករំលែកទៅកាន់ប្អូនៗដែលទើបតែបញ្ចប់ថ្នាក់មធ្យមសិក្សាទុតិយភូមិនៅពេលថ្មីៗនេះ វាសនា បានផ្ដល់មតិយោបល់ថាការជ្រើសរើសមុខជំនាញនៅថ្នាក់បរិញ្ញាបត្រនោះ គឺគួររៀនតែមួយជំនាញទើបល្អ ហើយយកពេលវេលាផ្ដោតសំខាន់ទៅលើតែមួយមុខជំនាញនោះជាចម្បង។ វាសនា បានបន្ថែមថា៖ “យោងទៅតាមបទពិសោធន៍ និងទស្សនៈរបស់ខ្ញុំផ្ទាល់ ខ្ញុំគិតថាប្អូនៗដែលទើបតែបញ្ចប់ការសិក្សាកម្រិតវិទ្យាល័យ គួរតែជ្រើសរើសត្រឹមតែមួយជំនាញសិនបានហើយ ព្រោះការសិក្សានៅកម្រិតឧត្តមសិក្សា វាមានកម្រិតខុសគ្នាឆ្ងាយពីអ្វីដែលប្អូនៗធ្លាប់ឆ្លងកាត់។

ការសិក្សានៅកម្រិតឧត្តមសិក្សា គឺទាមទារឱ្យយើងផ្ដោតចិត្តគំនិត ស្មារតីឱ្យបានខ្លាំងលើការសិក្សា ព្រោះវាជាកម្រិតមួយដែលផ្ដល់នូវចំណេះជំនាញពិតប្រាកដសម្រាប់អាជីពនាពេលអនាគត មិនមែនត្រឹមតែចំណេះដឹងទូទៅដូចកាលនៅវិទ្យាល័យទៀតនោះទេ។ ម្យ៉ាងទៀត ប្អូនៗគួរតែផ្ដោតលើការសិក្សាតែមួយជំនាញដើម្បីទទួលបាននូវ Credit  និង GPA ឱ្យបានខ្ពស់ក្នុងមួយជំនាញជាក់លាក់ ទើបអាចមានឱកាសខ្ពស់ប្រជែងក្នុងការស្វែងរកការងារនាពេលអនាគត។ ការសម្រេចជ្រើសរើសយកការសិក្សាជំនាញ 2 ក្នុងពេលតែមួយអាចនឹងមានផលលំបាកក្នុងផ្តោតលើជំនាញ និងត្រូវបែងចែកពេលវេលាជាច្រើន។ មួយវិញទៀត ប្អូនៗនឹងមិនមានពេលគ្រប់គ្រាន់សម្រាប់ធ្វើរឿងរ៉ាវផ្សេងទៀតសម្រាប់ខ្លួនឯង ដែលជាកត្តាអាចនាំឱ្យកើតមាននូវស្ត្រេស និងការថប់អារម្មណ៍ផងដែរ៕


ជួយអូនផង!!ជួយអូនផង!!ប្រាក់

ចុចទទួល

ឥឡូវ​នេះ!!

បទយកការណ៍, ព័ត៌មានជាតិ, ព័ត៌មានជាតិ, ព័ត៌មានជាតិ និងអន្តរជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ឱកាសអប់រំ បើកផ្លូវអនាគតសម្រាប់ក្មេងស្រីកម្ពុជាពីគ្រួសារខ្វះខាត ឈានទៅរកឱកាសការងារ

ពីក្មេងស្រីម្នាក់មកពីគ្រួសារមានជីវភាពខ្វះខាត និងស្ទើរតែគ្មានឱកាសបន្តការសិក្សា បច្ចុប្បន្ន ង៉ែត ចាប អាយុ ២៥ឆ្នាំ កំពុងក្លាយជានិស្សិតកំពុងបន្តការសិក្សា
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

World Vision កំពុងអនុវត្តគម្រោងឆ្លើយតបនឹងទឹកជំនន់ RISE រយៈពេលបីខែ ជួយដល់ប្រជាពលរដ្ឋរាប់ពាន់នាក់ដែលរងគ្រោះដោយទឹកជំនន់នៅកម្ពុជា

អង្គការទស្សនៈពិភពលោកអន្តរជាតិ ប្រចាំនៅកម្ពុជា កំពុងអនុវត្តគម្រោងឆ្លើយតបនឹងទឹកជំនន់ តាមរយៈកិច្ចអន្តរាគមន៍រហ័សនៃកិច្ចសហការរួម (RISE)
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

កម្មវិធីអ្នកដឹកនាំធុរកិច្ចវ័យក្មេង ២០២៦៖ យុវជនកម្ពុជា-ចិន ពង្រឹងកិច្ចសហប្រតិបត្តិការក្រោមក្របខណ្ឌ «ច្រករបៀងមច្ឆា និងអង្ករ»

គណៈប្រតិភូយុវជនកម្ពុជាចំនួន ១៩រូប ដែលតំណាងឱ្យស្ថាប័នរដ្ឋ សហគ្រាសឯកជន និងសហគមន៍កសិកម្ម បានបំពេញទស្សនកិច្ចផ្លូវការនៅទីក្រុងសៀងហៃ និងខេត្តជាំងស៊ូ
ចំណេះជីវិត, ព្រឹត្តិការណ៍

៥ គន្លឹះប្តូរផ្នត់គំនិតគ្រប់គ្រងលុយកាក់ ៖ មេរៀនពីសៀវភៅ The Psychology of Money

ការគ្រប់គ្រងលុយកាក់ និងការកសាងទ្រព្យសម្បត្តិ មិនមែនជារឿងរបស់ «គណិតវិទ្យា» ដែលត្រូវចេះគិតលេខស្មុគស្មាញ ឬគណនាតួលេខធំដុំនោះទេ ប៉ុន្តែវាគឺជា «ចិត្តវិទ្យា»
ព័ត៌មានអាហារូបករណ៍, ព្រឹត្តិការណ៍

អាហារូបករណ៍សម្រាប់សិស្សកម្ពុជា សិក្សាកម្រិតមធ្យមសិក្សា​ទុតិយភូមិ នៅប្រទេស​អាល្លឺម៉ង់

កម្មវិធី United World Colleges (UWC) Cambodia បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៧–២០២៨
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

សាលាអន្តរជាតិ ប្រូមស៍ហ្រ្គូវកម្ពុជា ចុះ MoU ជាមួយ Swiss Education Group ពង្រីកឱកាសសិក្សា បន្តនៅក្រៅប្រទេស

សាលាអន្តរជាតិ ប្រូមស៍ហ្រ្គូវកម្ពុជា (Bromsgrove International School Cambodia-BISC) បានចុះអនុស្សរណៈនៃការយោគយល់ (MoU) ជាមួយ Swiss Education Group (SEG)
ពានរង្វាន់, ព្រឹត្តិការណ៍, យុវជនឆ្នើម

យុវជនកម្ពុជា ឈ្នះពាន​ពីការប្រកួតជជែកដេញដោលជើងឯកពិភពលោក JCI World Debate Championship 2026 នៅហ្វីលីពីន

ក្រោយការចូលរួមប្រកួតជជែកដេញដោលយ៉ាងស្វិតស្វាញអស់ជាច្រើនដំណាក់កាល ទីបំផុតយុវជនកម្ពុជា ដណ្ដើមបានពានរង្វាន់ប្រកួតជជែកដេញដោលជើងឯកពិភពលោក JCI World Debate
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

បារាំងចង់ពង្រីកការបង្រៀនភាសាបារាំងនៅកម្ពុជាគ្រប់កម្រិតអប់រំ

ប្រធានាធិបតីនៃសាធារណរដ្ឋបារាំង លោក អេម៉ានុយអែល ម៉ាក្រុង បានបង្ហាញបំណងចង់ឱ្យកម្ពុជាពង្រីកការបង្រៀនភាសាបារាំង
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

រដ្ឋមន្ត្រីអប់រំ ៖ ការវិនិយោគលើគុណភាព សមត្ថភាព និងសុខុមាលភាពគ្រូបង្រៀន គឺជាការវិនិយោគលើអនាគតរបស់កម្ពុជា

ថ្លែងក្នុងឱកាសប្រកាសដាក់ឱ្យអនុវត្តគោលនយោបាយ ស្តីពីគ្រូបង្រៀនឆ្នាំ២០២៦ និងផ្សព្វផ្សាយរបាយការណ៍ស្តីពីដំណើរកំណែទម្រង់គ្រូបង្រៀននៅកម្ពុជា កាលពីថ្ងៃទី១៣ ខែវិច្ឆិកា
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

រដ្ឋមន្ត្រីក្រសួងកិច្ចការនារី ៖ ស្ត្រីដើរតួនាទីសំខាន់ក្នុងការដឹកនាំ ចូលរួមក្នុងវិស័យបច្ចេកវិទ្យាឈានមុខ និងបញ្ញាសិប្បនិម្មិត (AI)

ថ្លែងក្នុងវេទិកាពិភាក្សាកម្រិតខ្ពស់ស្តីពី «ភាពជាអ្នកដឹកនាំរបស់ស្ត្រី នៅក្នុងបច្ចេកវិទ្យាឈានមុខ និងបញ្ញាសិប្បនិម្មិត» នៅថ្ងៃទី១៦ ខែវិច្ឆិកា ឆ្នាំ២០២៦

ទទួលយកអាថ៍កំបាំងសុខភាព និង សម្រស់

សាកល្បងប្រើ!ម្សៅត្រនាប់កាដូរ

ចុចបាន

Freeកាដូរ

ចុចបាន

FreeRevlon