ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ធម្មជាតិនៃចិត្តមានឥទ្ធិពលលើអារម្មណ៍ និងបញ្ជារាល់សកម្មភាពនៃតួកាយទាំងឡាយបាន។ ចិត្តទូលាយ ចិត្តចង្អៀត ចិត្តនឹង អាស្រ័យលើបុគ្គលម្នាក់ៗចេះគ្រប់គ្រងចិត្ត និងទទួលយកគ្រប់រូបភាពបង្កើតចិត្តដែលកើតពីញាណផ្ទាល់ខ្លួន។ ចិត្តចង្អៀតធ្វើឱ្យមនុស្សមើលឃើញបញ្ហាទាំងអស់សុទ្ធតែលំបាកស្មុគស្មាញ ប៉ុន្តែបើមនុស្សសាកល្បងបើកចិត្តឱ្យទូលាយបន្តិច អ្វីៗគ្រប់យ៉ាងមិនមែនជាបញ្ហាទៀតឡើយ។
លោក នឹម ឈុន្នី នាយកក្រុមហ៊ុន VIPASSA មានប្រសាសន៍ថា
“យើងត្រូវដឹងថា គ្មាននរណាម្នាក់ល្អឥតខ្ចោះនោះទេ គ្រប់គ្នាតែងមានកំហុសទោះតិចឬច្រើន។ កំហុសអាចលើកលែងបានប្រសិនបើមនុស្សព្រមបើកចិត្តឱ្យទូលាយទទួលយកគំនិតពីអ្នកដទៃ ដើម្បីកែលម្អចំណុចខ្សោយ ឬកំហុស។ គ្មានបញ្ហាណាធ្វើឱ្យយើងលំបាកនោះទេ បើចិត្តរបស់យើងមិនលំបាក“
– លោក នឹម ឈុន្នី
លោក នឹម ឈុន្នី មានប្រសាសន៍បន្តថា មនុស្សមួយចំនួនរស់នៅក្នុងផ្ទះធំស្គឹមស្កៃ ប៉ុន្តែចិត្តបែរជាគ្មានសេចក្តីសុខ។ ចំណែកឯមនុស្សមួយចំនួនផ្សេងទៀត ពួកគាត់នៅផ្ទះខ្ទមតូច តែក្រុមគ្រួសារបើកចិត្តទូលាយចេះយល់អាស្រ័យគ្នាទៅវិញទៅមក បែរជារស់នៅពោរពេញដោយសុភមង្គល។ លោកថា រូបភាពទាំងពីរនេះកើតឡើងដោយបុគ្គលចេះបើកចិត្តឱ្យទូលាយចំពោះមនុស្ស និងបរិស្ថាននៅជុំវិញខ្លួន។
អ្នកអប់រំសុខភាពផ្លូវចិត្តខាងលើ បានបន្តទៀតថា សេចក្តីសុខនិងសុភមង្គលស្ថិតនៅលើចិត្តជាអ្នកកំណត់ វាកើតមាននៅក្នុងខ្លួនមនុស្ស ដូចពាក្យចាស់បុរាណបានពោលថា
“រកធម៌ក្នុងកាយ រកបាយនៅក្នុងឆ្នាំង“
ពាក់ព័ន្ធនឹងបញ្ហានេះដែរ លោក Stephen. R Covey អ្នកនិពន្ធសៀវភៅ 7 Habits of highly effectives people បានបញ្ចាក់ថា ក្នុងការរស់នៅមនុស្សគ្រប់រូបសុទ្ធតែជួបបញ្ហាជីវិត គ្រាន់តែស្ថិតក្នុងស្ថានភាពខុសគ្នាតែប៉ុណ្ណោះ។ មនុស្សខ្លះជួបបញ្ហាក្នុងជីវិត ក្លាយខ្លួនជាមនុស្សអន់ថយ រួញរា និងបាក់ទឹកចិត្ត ខណៈមនុស្សខ្លះទៀតអាចប្រឈមជាមួយនឹងបញ្ហា និងធ្វើឱ្យខ្លួនរីកចម្រើនបានគ្រប់កាលៈទេសៈថែមទៀតផង។
លោកថា បញ្ហាទាំងអស់នេះ អាស្រ័យលើផ្នត់គំនិតរបស់មនុស្ស។ កាលណាមនុស្សមានចិត្តគំនិតចង្អៀត ផ្តេកផ្តួលជាមួយនឹងបញ្ហា គាត់ប្រាកដជាមើលឃើញបញ្ហាទាំងអស់ជារឿងលំបាក ឬជារឿងធ្វើឱ្យជីវិតរបស់គាត់ជួបទុក្ខលំបាក។ ប្រសិនបើគាត់មានផ្នត់គំនិតវិជ្ជមាន នោះគាត់នឹងមើលឃើញបញ្ហាទាំងអស់ថាជាល្បោយជីវិតដែលជំរុញឱ្យគាត់កាន់តែរឹងមាំ ព្រមទាំងទាញយកផលប្រយោជន៍ពីវិបត្តិថែមទៀតផង។
លោក Stephen R. Covey បាននិយាយថា ៖
“គ្រប់គ្រងអាកាសធាតុក្នុងខ្លួនឱ្យបានល្អ (carry your own weather) ជាចំណុចសំខាន់ដែលធ្វើឱ្យមនុស្សម្នាក់ៗ រីកចម្រើនបានទោះស្ថិតក្នុងស្ថានភាពលំបាកក៏ដោយ“
អាកាសធាតុនៅទីនេះ លោកប្រៀបធៀបទៅនឹងបញ្ហាក្នុងជីវិត។ ជាទូទៅមនុស្សម្នាក់ៗតែងតែបន្ទោសរឿងខាងក្រៅខ្លួន ដោយអ្នកខ្លះបន្ទោសថាមកពីក្រុមគ្រួសារ មកពីសង្គម ឬមកពីអ្នកដទៃទើបធ្វើឱ្យគាត់លំបាក តែសម្រាប់អ្នកដែលអាចគ្រប់គ្រងខ្លួនឯងបានល្អ ភាគច្រើនគេមើលពីកត្តាខាងក្នុងវិញ។ គេអាចគិតថាប្រសិនបើលក្ខខណ្ឌគ្រួសារមិនអំណោយផល ឬស្ថានភាពអាក្រក់ណាមួយក្នុងសង្គមកើតឡើង គេនឹងធ្វើរឿងផ្សេងជំនួសវិញ ដើម្បីឱ្យគោលដៅរបស់គេសម្រេចបាន៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
