ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ដូចការគ្រោងទុកនៅថ្ងៃសុក្រនេះ ក្រសួងអប់រំ យុវជន និងកីឡា និងសហភាពសហព័ន្ធយុវជនកម្ពុជា បានសហការដាក់ដំណើរការកម្មវិធីទូរស័ព្ទ ដែលមានឈ្មោះថា កម្មវិធីស្វ័យសិក្សា MoEYS E-Learning សម្រាប់សិស្សានុសិស្ស គ្រូបង្រៀន និងសាធារណជន។ ការដាក់ដំណើរការកម្មវិធីទូរស័ព្ទរបស់ក្រសួងអប់រំនៅពេលនេះ នឹងចូលរួមលើកស្ទួយគុណភាព និងសមធម៌នៃការអប់រំនៅកម្ពុជាតាមរយៈការប្រើប្រាស់បច្ចេកវិទ្យាព័ត៌មានវិទ្យាឱ្យកាន់តែទូលំទូលាយ ឆ្លើយតបទៅនឹងទស្សនទានគន្លងជីវិតថ្មីក្នុងវិស័យអប់រំកម្ពុជា។
ខ្លឹមសារសេចក្តីថ្លែងការរួមស្តីពីការដាក់ដំណើរការកម្មវិធីទូរស័ព្ទស្វ័យសិក្សា MoEYS E-Learning បានបញ្ជាក់ថា កម្មវិធីស្វ័យសិក្សាដែលបានអភិវឌ្ឍន៍ឡើងតាមបែបឌីជីថលនិងបច្ចេកវិទ្យានេះនឹងផ្ដល់ភាពងាយស្រួល រហ័ស និងចំណេញពេលវេលាដល់សិស្សានុសិស្សក្នុងការចូលទៅប្រើប្រាស់និងទាញយកប្រយោជន៍ដល់ច្រើនសម្បូរបែប។ កម្មវិធីនេះនឹងផ្ដល់ជាជម្រើសមួយបន្ថែមទៀតក្នុងការអនុវត្តទស្សនទាន “គន្លងជីវិតថ្មីក្នុងវិស័យអប់រំកម្ពុជា” ដែលសិស្សានុសិស្សនៅកម្រិតចំណេះដឹងទូទៅអាចស្វ័យសិក្សាបន្ថែមស្របតាមភាពចាំបាច់ និងជាឧបករណ៍អប់រំដ៏ប្រសើរមួយទៀតសម្រាប់លោកគ្រូអ្នកគ្រូ អ្នកអាណាព្យាបាលក្នុងការជួយបង្រៀនកូននៅផ្ទះ។
គំនិតផ្ដួចផ្ដើមបង្កើតកម្មវិធីស្វ័យសិក្សា បានកើតឡើងក្នុងបំណងឆ្លើយតបទៅនឹងតម្រូវការជាក់ស្ដែងនៃការអភិវឌ្ឍវិស័យអប់រំនៅកម្ពុជា ក្នុងបរិបទបដិវត្តឧស្សាហកម្ម ៤.០ ក៏ដូចជាឆ្លើយតបទៅនឹងស្ថានភាពនៃការរាតត្បាតជំងឺកូវីដ-១៩ ព្រមទាំងក្រោមកិច្ចសហការរួមគ្នារបស់ក្រសួងអប់រំ យុវជន និងកីឡា សហភាពសហព័ន្ធយុវជនកម្ពុជា ក្រុមហ៊ុន E-school Cambodia និងការគាំទ្រពីគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ របស់រដ្ឋសភានៃព្រះរាជាណាចក្រកម្ពុជា។
ក្រសួងអប់រំយល់ថា ឧបករណ៍ស្វ័យសិក្សាតាមប្រព័ន្ធឌីជីថលមានលក្ខណៈបើកទូលាយសម្រាប់សិស្សានុសិស្សទូទៅ ជាជម្រើសដ៏ល្អប្រសើរដែលផ្ដល់ឱ្យសិស្សានុសិស្សនូវគ្រប់ឯកសារនិងឧបករណ៍សិក្សាចាំបាច់នានាឱ្យមាននៅក្នុងដៃ។ បន្ថែមពីលើនេះ កម្មវិធីនេះនឹងជួយជំរុញឱ្យសិស្សានុសិស្សអាចសម្របខ្លួនទៅនឹងការទស្សនាទាននៃការអប់រំតាមបែបឌីជីថល តាមរយៈការស្វែងយល់បន្ថែមដោយខ្លួនឯងអំពីបំណិនជីវិត ជាពិសេសទំនួលខុសត្រូវក្នុងការគ្រប់គ្រងពេលវេលា ភាពអត់ធ្មត់ ការខិតខំប្រឹងប្រែង ការពង្រឹងចំណេះដឹង និងការអភិវឌ្ឍសមត្ថភាពស្របតាមកាលៈទេសៈ និងទាន់សម័យដើម្បីអនាគតខ្លួន។
កម្មវិធីស្វ័យសិក្សាមានវីដេអូសិក្សាពីថ្នាក់ទី០១ ដល់ថ្នាក់ទី១២ សៀវភៅ សិក្សាអេឡិចត្រូនិក ដូចជាសៀវភៅសិក្សាគោល សៀវភៅកំណែ អំណានទូទៅ ចំណេះដឹងសកល រឿងនិទាន កម្មវិធីតេស្តសមត្ថភាពសិស្ស និងទំព័រព័ត៌មានអប់រំ។ សិស្ស អាណាព្យាបាលសិស្ស គ្រូបង្រៀន សាធារណជន អាចទាញយកកម្មវិធីសិក្សាតាមរយៈ http://onlinek.to/moeysapp យកមកប្រើប្រាស់។
កម្មវិធីស្វ័យសិក្សា MoEYS E-Learning ត្រូវបានរចនាឡើងយ៉ាងហ្មត់ចត់ធ្វើយ៉ាងណាសំដៅដល់ការផ្តល់ជូនភាពងាយស្រួល (User Friendly Interface) ក៏ដូចជាមានប្រសិទ្ធភាពសម្រាប់ការប្រើប្រាស់។ ការអភិវឌ្ឍកម្មវិធីទូរសព្ទនេះ ក៏ត្រូវបានយកចិត្តទុកដាក់ជាចម្បងសម្រាប់អ្នកប្រើប្រាស់ដូចជា ការគិតគូរ លើបញ្ហាខ្វះខាតអ៊ីនធឺណិត ការគិតគូរលើកង្វះខាតឧបករណ៍ ការគិតគូរលើការតាមដានការសិក្សា ការគិតគូរលើការរចនាច្នៃប្រឌិតផ្សេងៗក្នុងភាពជាខ្មែរ និងជាពិសេសជាការតម្លើងដោយស្នាដៃខ្មែរ ១០០ភាគរយ។
គួរបញ្ជាក់ដែរថា តាមខ្លឹមសារសេចក្តីថ្លែងការណ៍ខាងលើ កម្មវិធីស្វ័យសិក្សានឹងជួយចង្អុលបង្ហាញ និងតម្រង់ទិសដល់សិស្សានុសិស្សឱ្យសិក្សាបន្ថែម រំលឹកមេរៀន ឬត្រៀមរៀនសម្រាប់មេរៀនណាមួយដែលចាំបាច់នៅគ្រប់កម្រិត និងគ្រប់ភូមិសិក្សានៃការអប់រំចំណេះទូទៅ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
