ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាការពិតណាស់ មនុស្សគ្រប់គ្នាតែងតែមានការព្រួយបារម្ភពីការបាត់បង់ការចងចាំ ភ្លេចរូបភាពការធ្វើដំណើររាល់កន្លែងដែលធ្លាប់រស់នៅ ឬមិនចាំមនុស្សដែលធ្លាប់ទាក់ទងជាមួយ។ ប្រសិនបើមនុស្សណាម្នាក់បាត់បង់ការចងចាំ គឺប្រៀបដូចជាបាត់បង់ខ្លួនឯង ហើយវា ក៏ផ្តល់ផលប៉ះពាល់នៅក្នុងដំណើរជីវិត នៃការរស់នៅផងដែរ។
ដោយសារតែការចងចាំវាមានសារៈសំខាន់បែបនេះហើយ ទើបវាមិនមែនជារឿងចម្លែកពេកនោះទេ ដែលមនុស្សមួយចំនួនមានការភ័យខ្លាចអំពីបញ្ហាបាត់បង់ការចងចាំ ឬបារម្ភពីការគិតមានការថយចុះច្រើនជាងពីមុន, ការព្រួយបារម្ភនោះភាគច្រើនកើតឡើងនៅពេលមនុស្សមានវ័យចំណាស់។
តើកត្តាអ្វីដែលធ្វើឱ្យមនុស្សបាត់បង់ការចងចាំខណៈជាមួយគ្នានោះ អ្នកដទៃបែរជាចាំបានយ៉ាងល្អ? ត្រង់ចំណុចនេះ បើយោងតាមការគេហទំព័រ Harvard Medical School បានឱ្យដឹងថា ហ្សែនបានដើរតួនាទីយ៉ាងសំខាន់ ព្រោះវាជាបំណែកនៃការកើតឡើងមកពីតំណរពូជ ប៉ុន្តែវាក៏នៅតែមានវិធីជាច្រើនផ្សេងទៀត ដែលណ្តាលឱ្យការបាត់បង់ការចងចាំកើនឡើង។
តើមានវិធីសាស្រ្តអ្វីក្នុងការការពារ និងជំរុញឱ្យមានការចងចាំ?
Harvard Medical School បានបង្ហាញពីវិធីសាស្រ្តមួយចំនួន ដូចជា យកចិត្តទុកដាក់ចំពោះរបបអាហារ, ធ្វើលំហាត់ប្រាណឱ្យបានទៀតទាត់, ហាមជក់បារី, តាមដានសម្ពាធឈាមក្នុងខ្លួនឱ្យបានល្អ, រក្សាកូលេស្តេរ៉ុល (ប្រើប្រាស់អាហារមានសារធាតុខ្លាញ់ល្អពីធម្មជាតិដែលស្របនឹងតម្រូវការនៃរាងកាយ) និងពិនិត្យឈាមជាប្រចាំដើម្បីរកសារធាតុដែលត្រូវបំពេញបន្ថែម។
ចំណែកឯការគិតគូរពីសុខភាពផ្លូវចិត្តវិញក៏មានសារៈសំខាន់នៅក្នុងចំណុចនេះដែរ តាមរយៈការពង្រឹងសាច់ដុំ ការធ្វើចលនារាងកាយ និងព្យាយាមចងចាំរាល់សម្លេងទាំងឡាយ៕
