ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°ភ្នំពេញ៖ កម្មវិធីសិក្សាតាមប្រព័ន្ធអនឡាញប៊ីប (BEEP) ផ្តល់ឱកាសដល់យុវជនដែលបោះបង់ការសិក្សាកម្រិតមធ្យមសិក្សាបឋមភូមិ អាចសិក្សាដោយខ្លួនឯងតាមប្រព័ន្ធអ៊ីនធឺណិត និងទទួលបានវិញ្ញាបនបត្រសមមូល អាចបន្តចូលរៀននៅគ្រឹះស្ថានអប់រំ ស្ថាប័នបណ្ដុះបណ្ដាលបច្ចេកទេសនិងវិជ្ជាជីវៈ ឬវិទ្យាល័យចំណេះទូទៅ។
តាមរយៈសេចក្ដីប្រកាសអន្តរក្រសួងកាលពីថ្ងៃទី១៧ ខែមីនាកន្លងទៅ បានឱ្យដឹងថា អត្រាយុវជនបោះបង់ការសិក្សាខ្ពស់នៅថ្នាក់ទី៧ ថ្នាក់ទី៨ និងថ្នាក់ទី៩ ដែលនាំឱ្យអត្រាបញ្ចប់ការសិក្សាត្រឹម ៤៥% នៅកម្រិតមធ្យមសិក្សាបឋមភូមិ។ កម្មវិធីសិក្សាប៊ីប ជាគំនិតផ្តួចផ្តើមរួមគ្នារវាងក្រសួងអប់រំ និងក្រសួងការងារ និងបណ្តុះបណ្តាលវិជ្ជាជីវៈ សហកាជាមួយអង្គការយូណេស្កូ ដើម្បីពង្រីកមូលដ្ឋានចំណេះដឹងទូទៅសម្រាប់យុវជនដែលបោះបង់ការសិក្សា និងចូលរួមដោះស្រាយបញ្ហាបោះបង់ការសិក្សា។
លោក លៀវ គឹមឡាយ មន្រ្តីកម្មវិធីផ្នែកអប់រំរបស់អង្គការយូណេស្កូ មានប្រសាសន៍ថា កម្មវីធីសិក្សាប៊ីបមានរយៈពេលបីខែ ហើយនៅពេលបញ្ចប់ការសិក្សាសិស្សនឹងទទួលបានវិញ្ញាបនបត្រដែលមានតម្លៃស្មើសញ្ញាបត្រថ្នាក់ទី៩។
លោក លៀវ គឹមឡាយ ៖
“ក្រោយបញ្ជប់ការសិក្សាកម្មវិធីប៊ីប សិស្សមានឱកាសចុះឈ្មោះរៀនបន្ថែមនៅវិទ្យាស្ថានបណ្ដុះបណ្ដាលវិជ្ជាជីវៈ របស់ក្រសួងការងារ និងរៀនជំនាញនៅវិទ្យាល័យចំណេះទូទៅនិងបច្ចេកទេសរបស់ក្រសួងអប់រំ យុវជន និងកីឡា ហើយការសិក្សាធ្វើតាមប្រព័ន្ធអនឡាញដោយឥតគិតថ្លៃ”
កញ្ញា វ៉ា សុជាតា ជាសិស្សដែលទើបបញ្ចប់ការសិក្សាកម្មវីធីប៊ីប កាលពីខែកុម្ភៈឆ្នាំ២០២០ និងកំពុងបន្តរៀនជំនាញធ្វើនំ បាននិយាយថា ចំណេះដឹងដែលទទួលបានពីការសិក្សានៅពេលនេះ ជួយឱ្យកញ្ញាមានលទ្ធភាពចាប់ជំនាញច្បាស់លាស់មួយដើម្បីលើកស្ទួយជីវភាពខ្លួនឯងទៅថ្ងៃមុខ។
យុវជនដែលមានចំណងចុះឈ្មោះសិក្សាកម្មវិធីប៊ីប អាចចុះបានតាមតំណរភ្ជាប់ https://goo.gl/L2w6H5 ឬសាកសួរព័ត៌មានបន្ថែមតាមរយៈលេខទូរស័ព្ទ ០១២ ៤៧២ ០៧២, ០១០ ៣៩៤ ៤០៧។ មុខវិជ្ជាសិក្សាសំខាន់ៗក្នុងកម្មវិធីសិក្សា រួមមាន គណិតវិទ្យា ភាសាខ្មែរ ជំនាញមូលដ្ឋានការងារ យេនឌ័រ រូបវិទ្យា គីមីវិទ្យា សហគ្រិនភាព មគ្គុទេ្ទសក៏ទេសចរណ៍ និងមុខវិជ្ជាកុំព្យូទ័រ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
ឯកឧត្តម សេរី ជំនះ ៖ “ការងារស្ម័គ្រចិត្ត គឺជាសាលារៀនជីវិតដ៏អស្ចារ្យ សម្រាប់យុវជន”
ធ្វើកិច្ចការសាលាយឺត ? ៣វិធីសាស្រ្តបញ្ឈប់ភាពយឺតយ៉ាវ
សាកលវិទ្យាល័យដ៏ល្បីផ្នែកសុខាភិបាលរបស់អាមេរិក UAB ប្រកាសផ្តល់អាហារូបករណ៍ថ្នាក់បរិញ្ញាបត្រដល់និស្សិតអន្តរជាតិ
រដ្ឋមន្រ្តីក្រសួងព័ត៌មាន ណែនាំសិស្សានុសិស្សជឿតែព័ត៌មានមកពីប្រភពផ្លូវការ កុំចែករំលែកព័ត៌មានក្លែងក្លាយ នាំឱ្យអន្តរាយដល់សង្គម
ការវិវត្ត នៃការប្រើប្រាស់បច្ចេកវិទ្យាបញ្ញាសិប្បនិម្មិត (AI) នៅក្នុងការអប់រំ
យុទ្ធនាការ «៥៦០០រៀល» ជួយកុមារនៅជំរំភៀសសឹក ក្នុងខេត្តបន្ទាយមានជ័យ និងខេត្តព្រះវិហារ
ស្វែងយល់ពីអត្ថប្រយោជន៍ និងគុណវិបត្តិ របស់ដំណាប់ខ្ញី (Ginger Chews)
ឱកាសសម្រាប់សិស្សនិស្សិតកម្ពុជា បន្តការសិក្សាថ្នាក់ឧត្តមសិក្សានៅប្រទេសចិន តាមរយៈអាហារូបករណ៍ China-ASEAN Digital Academy
សម្តេចធិបតី ហ៊ុន ម៉ាណែត ៖ ការអនុវត្តកាតព្វកិច្ចយោធា គឺជាការវិនិយោគលើស្មារតីស្នេហាជាតិ និងជាមោទនភាពរបស់យុវជន
សាលារៀនទូទាំងរាជធានីភ្នំពេញសម្រេចបន្តរៀនផ្ទាល់ មិនប្ដូរទៅអនឡាញ ទោះមានវិបត្តិសាំងឡើងថ្លៃ
កម្មវិធីពិសេសរបស់ AMS EDUCATION
ព័ត៌មានសង្ខេប
