ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មានកត្តាមួយចំនួនដែលរុញច្រានសិស្សឱ្យថយចុះផលិតភាពក្នុងការសិក្សា មានដូចជា ការគ្រប់គ្រងពេលវេលាមិនបានត្រឹមត្រូវ ទម្លាប់មិនល្អនាំឱ្យខ្ជិល ឬក៏ការខ្វះខាតនៃធនធានផ្នែកណាមួយអំឡុងពេលសិក្សា ក៏ដូចជាបញ្ហាផ្នែកហិរញ្ញវត្ថុជាដើម។ តាមរយៈ Week Plan បានបង្ហាញយុទ្ធសាស្រ្តមួយចំនួនក្នុងការបង្កើនផលិតភាពសិស្ស ក៏ដូចជាការជ្រោមជ្រែងពីមជ្ឈដ្ឋានខាងក្រៅ។ យ៉ាងណាមិញ ការជួយពីសាលាតែម្យ៉ាង ក៏មិនអាចមានប្រសិទ្ធភាពទាំងស្រុងដែរ ពីព្រោះបញ្ហាខ្លះបណ្តាលមកពីសិស្ស បរិយាកាស និងភាពខ្វះខាតក្នុងគ្រួសារ។
តែយ៉ាងណាក៏ដោយ សិស្សអាចចាប់ផ្តើមដោះស្រាយពីខ្លួនឯងទៅមុន ដោយមានដូចជា ៖
ធ្វើសកម្មភាពរហ័សរហួន ៖ ភាពខ្ជិលនៅក្នុងដំណើរសិក្សា កើតមានជាញឹកញាប់អាចជានាំលទ្ធផលពុំល្អនោះទេ គឺបាននាំមកនូវភាពតានតឹង ភាពខកចិត្ត ដែលរំខានដល់ការសិក្សា បាត់បង់ការជំរុញចិត្ត និងអាចប៉ះពាល់ដល់ឱកាសការងារនាពេលអនាគតទៀតផង។ ដើម្បីដោះស្រាយជាមួយចំណោទបញ្ហានេះ គឺត្រូវស្វែងរកជំនួយពីគ្រូ អ្នកប្រឹក្សាប្រចាំសាលា និងអាណាព្យាបាល, នេះជាអ្វីដែលសិស្សអាចអនុវត្តន៍បាន។ តែអ្វីដែលកាន់តែមានប្រសិទ្ធភាពទៀតនោះ គឺការបង្កើតផែនការដែលមានភាពជាក់លាក់អាចគ្រប់គ្រងបាន និងការដាក់វិន័យចំពោះខ្លួនឯង។
មានតារាងពេលវេលា ៖ មិនមានតារាងកំណត់ពេលជាកត្តានាំឱ្យការសិក្សាកាន់តែច្របូកច្របល់ តែនៅពេលដែលសិស្សមានផែនការសិក្សាច្បាស់លាស់ វានឹងផ្តល់ភាពងាយស្រួលរួមទាំងអាចបែកចែកពេលបានត្រឹមត្រូវលើមុខវិជ្ជានីមួយៗ។ ការអនុវត្តបែបនេះក៏ជាកត្តាកាត់បន្ថយភាពលើសលប់ និងអាការអស់កម្លាំងមិនធម្មតា។
ធ្វើកាលវិភាគដែលមានប្រសិទ្ធភាព ៖ ការបង្កើតតារាង ឬការបែងចែកពេលធម្មតាៗ នៅមិនទាន់ឆ្លើយតបនៅឡើយទេ ការវាស់វែងស្វែងរកផលិតភាព ជាកត្តាដែលបន្តធ្វើបន្ថែម ហើយកាលវិភាគដែលល្អទៀតសោត គឺការផ្តល់ឱកាសឱ្យខ្លួនឯងមានពេលគ្រប់គ្រាន់ក្នុងការផ្តោតអារម្មណ៍លើមុខវិជ្ជានីមួយៗ ហើយស្របនិងលទ្ធភាពដែលខ្លួនអាចរៀនបាន៕
