ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាចខុសពីឆ្នាំទៅ នៅក្នុងឆ្នាំសិក្សា២០២៥-២០២៦នេះ ក្រសួងអប់រំ យុវជន និងកីឡា បានកំណត់យកថ្ងៃទី១០ និងថ្ងៃទី១១ ខែសីហា ឆ្នាំ២០២៦ គឺជាកាលបរិច្ឆេទ នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប។
ក្នុងសេចក្តីណែនាំ ដែលបានចេញផ្សាយនៅថ្ងៃនេះ (២១ មករា) ក្រសួងអប់រំបានប្រកាសពីការទទួលពាក្យសុំចុះឈ្មោះប្រឡងសញ្ញាបត្រមធ្យមសិក្សាទុតិយភូមិ ដោយនឹងធ្វើឡើងនៅតាមវិទ្យាល័យ ចាប់ផ្តើមពីថ្ងៃទី១ ដល់ថ្ងៃទី៣១ ខែមីនា ឆ្នាំ២០២៦។
សិស្សសាលាមធ្យមសិក្សាចំណេះទូទៅសាធារណៈ និងឯកជន ដែលអាចដាក់ពាក្យសុំចុះឈ្មោះប្រឡងសញ្ញាបត្រមធ្យមសិក្សាទុតិយភូមិ ត្រូវបំពេញលក្ខខណ្ឌដូចជា ៖ បានប្រឡងជាប់សញ្ញាបត្រមធ្យមសិក្សាបឋមភូមិ, បានរៀនគ្រប់កម្រិតថ្នាក់នៅមធ្យមសិក្សាទុតិយភូមិ, បានរៀនចប់កម្មវិធីសិក្សាថ្នាក់ទី១២, បានគោរពត្រឹមត្រូវតាមបទបញ្ជាផ្ទៃក្នុងសម្រាប់គ្រឹះស្ថានមធ្យមសិក្សា, ត្រូវបានវាយតម្លៃផ្នែកសីលធម៌ប្រចាំឆ្នាំ ចាប់ពីមធ្យមឡើងទៅ និងមានមធ្យមភាគពិន្ទុប្រចាំឆ្នាំចាប់ពី ២៥.០០ ឡើងទៅ។
ចំពោះសំណុំលិខិតចុះឈ្មោះប្រឡងរួមមាន ៖ ពាក្យសុំចុះឈ្មោះប្រឡងរបស់បេក្ខជនចំនួន ១ច្បាប់ (បំពេញដោយដៃបេក្ខជនផ្ទាល់), វិញ្ញាបនបត្របណ្តោះអាសន្នមធ្យមសិក្សាបឋមភូមិ ចំនួន១សន្លឹក (ច្បាប់ចម្លង), សំបុត្រកំណើត ឬសំបុត្របញ្ជាក់កំណើត ឬសេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត ចំនួន ១សន្លឹក (ច្បាប់ថតចម្លង), បង្កាន់ដៃបង់សិទ្ធិប្រឡង ចំនួន ១សន្លឹក និង សៀវភៅសិក្ខាគារិក (ចំពោះសិស្សសាលាឯកជន)។
សូមជំរាបថា ការប្រឡងសញ្ញាបត្រមធ្យមសិក្សាកាលពីឆ្នាំទៅ គឺត្រូវធ្វើឡើងនៅចុងខែសីហា ពោលគឺនៅថ្ងៃទី២៨ ខែសីហា ដោយមានបេក្ខជនដាក់ពាក្យប្រឡងសរុបចំនួន ១៤៦ ៧២០ នាក់ ក្នុងនោះ មានបេក្ខជនថ្នាក់វិទ្យាសាស្រ្តសង្គមចំនួន ១០៦ ០៤២នាក់ និងបេក្ខជនថ្នាក់វិទ្យាសាស្រ្តចំនួន ៤០ ៦៧៨នាក់។ ហើយជាលទ្ធផល បេក្ខជនដែលបានប្រឡងជាប់សរុបចំនួន ១២២,៤៧៣នាក់ ដែលត្រូវជា៨៤.៥៦ភាគរយ៕
