ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបង្កើតមិត្ត ឬក៏ការផ្សារភ្ជាប់ទំនាក់ទំនងដែលមានគុណភាព ត្រូវតាមចំណង់ចំណូលចិត្តផ្ទាល់ខ្លួន គួរតែអនុញ្ញាតឱ្យខ្លួនឯង បានអនុវត្តន៍សកម្មភាពកម្សាន្តៗ ឬទៅកន្លែងដែលស្របនឹងចំណូលចិត្តផ្ទាល់ខ្លួនដែរ ទើបអាចពង្រីកចង្កោមមិត្តភាពដែលខ្លួនត្រូវការ។
តាមរយៈគេហទំព័រ chip chick បានបង្ហាញពីសកម្មភាពមួយចំនួន ដែលនឹងជួយអ្នកក្នុងការបង្កើតមិត្តភាពបន្ថែម ៖
១. ការស្ម័គ្រចិត្ត ៖ សកម្មភាពស្ម័គ្រចិត្ត មានច្រើនប្រភេទ មិនថាកិច្ចការសហគមន៍ ការប្រមូលសំរាម ការជួយក្មេងៗ ថែរក្សាសត្វ ឬសកម្មភាពទាំងឡាយណាដែលផ្តល់ផលវិជ្ជមានទៅកាន់សហគមន៍ដែលខ្លួនកំពុងតែរស់នៅ។ ប្រភេទមនុស្ស ឬក៏បរិយាកាសនៅកន្លែងការងារស្ម័គ្រចិត្ត ជំរុញឱ្យរកឃើញនូវអត្ថន័យ នៃការសេពគប់គ្នា ក៏ដូចជាទទួលបានមនុស្សដែលមានទឹកចិត្តសន្តោសប្រណីចំពោះគ្នាទៅវិញទៅមក។ បន្ថែមពីនោះ ការកសាងមិត្តភាពតាមរយៈការចូលរួមជួយសហគមន៍ ជំរុញឱ្យកិច្ចសន្ទនាកាន់តែមានភាពប្រទាក់ក្រឡាគ្នា មានសាច់រឿងច្រើនក្នុងការជជែកគ្នា ក៏ដូចជាមានពេលវេលារួមគ្នាដើម្បីធ្វើការដែលនាំមកនូវភាពរីកចម្រើន។
២. ការលេងកីឡា ៖ កីឡាមិនត្រឹមតែនាំមកនូវសុខភាពល្អ និងការរក្សារាងកាយឱ្យរឹងមាំប៉ុណ្ណោះទេ ប៉ុន្តែកីឡាក៏ផ្តល់គុណសម្បត្តិយ៉ាងអនេក ទៅកាន់ការសេពគប់មិត្តដូចគ្នា ជាពិសេសនៅពេលជ្រើសរើសបានប្រភេទកីឡាដែលខ្លួនចូលចិត្ត នោះរឹងរឹតតែផ្តល់ឱកាសឱ្យក្រុមនីមួយៗ ចាប់ផ្តើមជជែកអំពីការលេង ជជែកអំពីបទពិសោធន៍ រួមទាំងការបំផុសគំនិតឱ្យចំណាយពេលជាមួយគ្នាប្រកបដោយប្រសិទ្ធភាពទៀតផង។
៣. សកម្មភាពសិល្បៈ ឬការរៀនអំពីសិល្បៈ ៖ កាលដែលទៅកន្លែងមានបង្រៀន ឬជជែកអំពីសិល្បៈ ហាក់ដូចជាមានភាពតឹងតែង ឬត្រូវការតែមនុស្សដែលមានទេពកោសល្យស្រាប់ ប៉ុន្តែសិល្បៈជាកន្លែងសម្រាប់គ្រប់គ្នារៀនសូត្រ និងការបង្កើនបាននូវបរិយាកាសផាសុកភាពមួយសម្រាប់ឱ្យគ្រប់គ្នាធ្វើទំនាក់ទំនង។ សិល្បៈបានផ្តល់នូវបទពិសោធន៍ខុសៗគ្នាទៅតាមការសង្កេត និងការសាកល្បងរបស់មនុស្សម្នាក់ៗ ព្រោះនៅក្នុងថ្នាក់សិល្បៈមានចម្រុះដូចជា ការគូរគំនូរ ការឆ្លាក់រូប និងការសូនរូបជាដើម៕
