ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពីមួយថ្ងៃទៅមួយថ្ងៃ គេឃើញមានមនុស្សជាច្រើនតែងរអ៊ូ ដោយមិនដឹងថា ខ្លួនគួរធ្វើអ្វីនៅក្នុងថ្ងៃអនាគត។ ខាងក្រោមនេះ គឺជាគន្លឹះគំនិតមួយចំនួន ដែលជួយអ្នកក្នុងការកំណត់ពីចំណង់ចំណូលចិត្ត ដែលអាចកំណត់គោលដៅក្នុងជីវិត។
១. គិតអំពីអ្វីដែលធ្លាប់ធ្វើច្រើនជាងគេ ៖ គិតពីសកម្មភាព និងប្រធានបទដែលអ្នកចូលចិត្ត ឬមានអារម្មណ៍ទាក់ទាញនិងចូលចិត្តធ្វើតាំងពីក្មេង។ ការតាមដាននូវអ្វីដែលអ្នករីករាយធ្វើដោយគ្មានការធុញថប់ នោះហើយជាចំណង់ចំណូលចិត្តរបស់អ្នក។
២. សាកល្បងអ្វីថ្មីៗ ៖ សាកល្បងកម្មវិធី ឬសកម្មភាពថ្មីៗដែលអ្នកមិនធ្លាប់ស្គាល់ ។ ការសាកល្បងរួមមានដូចជា ការសិក្សាថ្នាក់ថ្មីៗ ដូចជាគំនូរ, សិល្បៈ ឬកីឡា ឬការចូលរួមសកម្មភាពស្ម័គ្រចិត្ត។ ទាំងនេះជួយបង្ហាញពីចំណាប់អារម្មណ៍ ដែលអ្នកមិនធ្លាប់បានដឹងពីខ្លួនឯង។
៣. ចេញពីតំបន់សុវត្ថិភាព ៖ សាកល្បងចេញពីតំបន់សុវត្ថិភាព ដើម្បីធ្វើអ្វីដែលថ្មី ហើយយកចិត្តទុកដាក់លើ អ្វីដែលធ្វើឱ្យអ្នកសប្បាយ រីករាយ ឬមានថាមពល។
៤.ស្វែងរកនូវទំនោរបស់អ្នក ៖ កំណត់ពេលវេលាដែលអ្នកយកចិត្តទុកដាក់ធ្វើអ្វីមួយដោយមិនចាប់អារម្មណ៍មើលម៉ោង ព្រោះសកម្មភាពនោះបង្ហាញពីចំណង់ចំណូលចិត្តរបស់អ្នក។
៥. សិក្សាពីអ្នកដទៃ ៖ សួរអំពីអ្វីដែលអ្នកទៃពេញចិត្តធ្វើ។ ពេលប្រមូលព័ត៌មានបានហើយ សូមបង្កើតជាសំណួរមកកាន់ខ្លួនឯងថា តើមានអ្វីផ្សេងទៀតដែលអាចធ្វើទៅបាន? តើខ្ញុំស្រឡាញ់អ្វី? ហេតុអ្វី?
ចូរចងចាំថា ការស្វែងរកចំណង់ចំណូលចិត្តគឺជាដំណើរមួយ ដូច្នេះសូមទុកពេលឱ្យខ្លួនអ្នកដើម្បីទទួលយកការសាកល្បង និងរៀនពីកំហុស ដើម្បីបំពេញចំនុចខ្វះខាតទាំងនោះ។ មានតែអ្នកខ្លួនឯងទេដែលអាចស្វែងរកចំណង់ចំណូលចិត្តខ្លួនឯងបាន៕
