ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ថ្ងៃឈប់សម្រាក អាចជាពេលវេលាដ៏រីករាយ និងជាឱកាសល្អសម្រាប់សម្រាកខួរក្បាល សម្រាកកាយ និងសម្រាកចិត្ត។ ប៉ុន្តែអំឡុងពេលនេះ ក៏អាចជាពេលវេលាដ៏តានតឹងរបស់បុគ្គលមួយចំនួនដូចគ្នាដែរ។ ភាពតានតឹងនេះ អាចកើតឡើង ដោយសារបញ្ហាហិរញ្ញវត្ថុ សម្ពាធមួយចំនួន ដែលកើតឡើងនៅពេលជួបជុំគ្រួសារ និងមិត្តភក្ដិ និងកង្វះទម្លាប់រស់នៅល្អ។ យោងតាម American Heart Association មានវិធីសាស្ត្រចំនួន ៤ ដែលអ្នកអាចគ្រប់គ្រងភាពតានតឹង អំឡុងពេល សម្រាករយៈពេលវែង។
១. មានទម្លាប់រស់នៅល្អ ៖ អ្នកត្រូវធ្វើកិច្ចសន្យាជាមួយខ្លួនឯង នៅអំឡុងថ្ងៃឈប់សម្រាក ដោយសម្រេចចិត្តថា អ្នកត្រូវតែធ្វើឱ្យរាងកាយ មានសកម្មភាពរាល់ថ្ងៃ។ បន្ទាប់មកទៀត អ្នកត្រូវចាប់ផ្ដើមថ្ងៃថ្មី ជាមួយនឹងអាហារពេលព្រឹក ដែលជួយឱ្យអ្នកមានសុខភាពល្អ កាត់បន្ថយការញ៉ាំផ្អែម និងគេងឱ្យបានយ៉ាងតិច ៧ម៉ោង ក្នុងមួយថ្ងៃជាដើម។ កាអនុវត្តទម្លាប់រស់នៅ ដែលជួយឱ្យអ្នកមានសុខភាពល្អ ជាផ្នែកមួយដែលជួយឱ្យអ្នកមានថាមពលពេញលេញ បន្ទាប់ពីសម្រាករយៈពេលវែង។
២. ធ្វើខ្លួនឱ្យសកម្ម ៖ ជំនួសឱ្យការសម្រាកមិនធ្វើអ្វីទាល់តែសោះ អ្នកអាចចំណាយពេលខ្លះ ដើម្បីហាត់ប្រាណ ដូចជា ដើរ រត់ ជិះកង់ ឬក៏ចេញទៅខាងក្រៅជាមួយគ្រួសារ មិត្តភក្ដិ និងបងប្អូន ដើម្បីចូលរួមសកម្មភាពផ្សេងៗ នៅក្នុងសហគមន៍ ។
៣. ចំណាយពេលសម្រាប់ខ្លួនឯង ៖ ថ្ងៃឈប់សម្រាក ជាឱកាសមួយដែលអ្នកអាចផ្ដល់សន្តិភាពដល់ខ្លួនឯង។ ហេតុនេះ ប្រសិនបើអ្នកត្រូវការពេលខ្លះ សម្រាក ដើម្បីបញ្ចូលថាមពលឡើងវិញ អ្នកអាចសាកល្បង ធ្វើសកម្មភាព មួយចំនួន ដូចជា ការចំណាយពេលជាមួយធម្មជាតិ ស្ដាប់ចម្រៀង ការធ្វើសម្មាធិ ឬធ្វើចលនាដង្ហើមជាដើម។
៤. រៀបចំផែនការសកម្មភាព បន្ទាប់ពីសម្រាក ៖ ក្នុងឱកាសឈប់សម្រាកខ្លះ អ្នកក៏អាចចំណាយពេល ដើម្បីរៀបចំផែនការសកម្មភាព សម្រាប់ខ្លួនឯងផងដែរ។ ជាពិសេស អំឡុងពេលឈប់សម្រាក ថ្ងៃចូលឆ្នាំ បន្ទាប់នេះគឺជាពេលដ៏ល្អបំផុត ដើម្បីគិតអំពីផែនការការងារ ដែលអ្នកត្រូវអនុវត្តក្នុងឆ្នាំថ្មី។ ការរៀបចំផែនការ សកម្មភាពបានល្អ អាចជួយឱ្យជីវិតក្នុងឆ្នាំថ្មីរបស់អ្នក មានរបៀបរៀបរយ និងមានផលិតភាពខ្ពស់៕
