ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ “ទុកបរិញ្ញាបត្រឱ្យមេឃមើល” ជាស្នាដៃប្រលោមលោកមួយត្រូវបានសម្រិតសម្រាំងពាក្យពេចន៍និងអ្នកនិពន្ធឡើងដោយលោក យូ សុភា សាស្រ្ដាចារ្យផ្នែកវប្បធម៌ នៅសាកលវិទ្យាល័យភូមិន្ទភ្នំពេញ។ ប្រលោមលោកមានកម្រាស ១៣៤ទំព័រ បោះពុម្ពដោយគ្រឹះស្ថានបោះពុម្ពផ្សាយបឹងទន្លេសាប កាលពីឆ្នាំ២០០២ នៅតែមានតម្លៃឆ្លុះបញ្ចាំងតថភាពជីវិតនិស្សិតមកបន្តការសិក្សានៅភ្នំពេញ។ លោក យូ សុភា បានច្បិចយកតថភាពនៅក្នុងសង្គមដោយផ្សំសិល្ប៍វិធីនៃការតែងនិពន្ធ អមដោយប្រើប្រាស់ពាក្យពេចន៍ ឃ្លាប្រយោគប្រកបទៅដោយរូបារម្មណ៍ ធ្វើឱ្យអ្នកអានទទួលបានចំណេះដឹង ការអប់រំ និងការកម្សាន្តព្រមគ្នា។
ត្បិតប្រលោមលោក “ទុកបរិញ្ញាបត្រឱ្យមេឃមើល”បានបោះពុម្ពយូរហើយក្តី ប៉ុន្តែខ្លឹមសារនិងអត្ថន័យនៅតែមានតម្លៃសម្រាប់អ្នកអានពិចារណារហូតមកដល់បច្ចុប្បន្ន។ លោក យូ សុភា បានមានប្រសាសន៍ថា តាមរយៈស្នាដៃនេះលោកមានបំណងផ្លាស់ប្ដូរផ្ដត់គំនិតមនុស្សឱ្យងាកមករកភាពត្រឹមត្រូវ តាមរយៈតួអង្គនិស្សិតរៀនថ្នាក់បរិញ្ញាបត្រនៅទីក្រុងភ្លេចការសិក្សា ភ្លើតភ្លើនសប្បាយភ្លេចគ្រួសារដែលខំទំនុកបម្រុង។
អ្នកនិពន្ធ យូ សុភា
“ខ្ញុំសរសេរររឿងនេះក្នុងគោលបំណងដាស់តឿនស្មារតីដល់យុវជនមួយចំនួនដែលកំពុងបន្តការសិក្សានៅទីក្រុងភ្នំពេញ ចង់ឱ្យពួកគេឱ្យតម្លៃលើការសិក្សា មិនភ្លើតភ្លើនតាមការអូសទាញរបស់មិត្តភក្ដិ និងការរីកចម្រើននៃសង្គម។ យុវជនឱ្យតម្លៃទៅលើការលះបង់របស់ឪពុកម្ដាយ មានចិត្តស្រឡាញ់រួបរួមសាមគ្គីគ្នា ស្អប់ខ្ពើមសង្គ្រាមកាប់សម្លាប់គ្នា“
លោក យូ សុភា បានបន្តទៀតថា រឿងទុកបរិញ្ញាបត្រឱ្យមេឃមើលនេះ មានលំនាំរឿងឆ្លុះបញ្ចាំងពីតថភាពសង្គម និងប្រើសិល្ប៍វិធីបញ្ជូលមនោសញ្ចេតនាបានដក់ជាប់ក្នុងការចងចាំរបស់និស្សិតមួយចំនួនដែលកំពុងសិក្សានៅភ្នំពេញ ផ្លាស់ប្ដូរការគិតរបស់យុវជនមួយចំនួនឱ្យងាកមករកផ្លូវត្រូវ និងប្រែក្លាយជាកូនល្អ។
ហេតុអ្វីលោកយកការតែងនិពន្ធជាមធ្យោបាយដោះស្រាយបញ្ហានៅក្នុងសង្គម? លោក យូ សុភា បានមានប្រសាសន៍ថា លោកស្រឡាញ់ការតែងនិពន្ធដោយសារមានចំណូលចិត្តអានសៀវភៅ និងមានភាពប៉ិនប្រសប់សរសេរអត្ថបទ។ លោកជាមនុស្សត្រិះរិះពិចារណាម៉តចត់ ចូលចិត្តវិភាគ មានមនោសញ្ចេតនាក្នុងការអានរឿងព្រេង រឿងប្រលោមលោកមនោសញ្ចេតនា សប្បាយរីករាយទៅតាមដំណើររឿង រហូតអាចក្លាយជាអ្នកនិពន្ធ។
សម្រាប់អ្នកនិពន្ធទទួលបានពានរង្វាន់ជាច្រើនរូបនេះយល់ថា អានប្រលោមលោកសម្រាប់តែការកម្សាន្តសប្បាយ តែពុំសូវទទួលបានចំណេះដឹងដូចអានសៀវភៅទាក់ទងនឹងជំនាញ គ្រាន់តែជាការយល់ឃើញមួយផ្នែកតែប៉ុណ្ណោះ មិនអាចឆ្លុះបញ្ចាំងបានទាំងស្រុងពីតម្លៃអប់រំរបស់ប្រលោមលោកឡើយ។
លោក យូ សុភា មានប្រសាសន៍បន្តថា សិស្ស និងនិស្សិតភាគច្រើនចង់ក្លាយជាអ្នកនិពន្ធ មិនអាចសម្រេចទៅបានដោយសារតែការសរសេរខ្វះការតស៊ូ ឬខ្វះបច្ចេកទេសនៅក្នុងការសរសេររឿង ទើបធ្វើឱ្យការសរសេររឿងកកស្ទះមិនអាចរកទីបញ្ចប់បាន។
អ្នកនិពន្ធ យូ សុភា
“ដើម្បីដោះស្រាយបញ្ហានេះ អ្នកសរសេររឿងត្រូវចាប់ផ្ដើមសរសេររឿងខ្លីមួយទំព័រ ឬពីរទំព័រជាមុនសិន ទើបហ្វឹកហាត់សរសេររឿងវែង អ្វីក៏ដោយត្រូវចាប់ផ្ដើមពីចំណុចតូចៗទៅជាមុនសិន។ មួយវិញទៀត ការសរសេររឿងត្រូវមានប្រធានបទច្បាស់លាស់ សរសេរដើម្បីមានកេរ្ដិ៍ឈ្មោះជាអ្នកនិពន្ធ ឬសរសេរដើម្បីផ្លាស់ប្ដូរអ្វីមួយក្នុងសង្គមតាមឧត្តមគតិរបស់ខ្លួនជាដើម..”
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ជំនាញ Fashion សិក្សានៅប្រទេសកូរ៉េខាងត្បូង និងអាមេរិក
ព័ត៌មានអាហារូបករណ៍, ព្រឹត្តិការណ៍
• 22/06/2026
សម្រាប់សិស្ស-និស្សិតដែលមានក្តីស្រមៃចង់ទៅបន្តការសិក្សាលើជំនាញ Fashion ពេលនេះឱកាសបានមកដល់ ដោយអាចសិក្សាដល់ទៅ២ប្រទេស គឺនៅកូរ៉េខាងត្បូង និងសហរដ្ឋអាមេរិក ពីកម្មវិធី Fashion Institute of Technology (FIT)។
អាហារូបករណ៍ Sophie Germain ឆ្នាំ២០២៦ សម្រាប់ការសិក្សាផ្នែកគណិតវិទ្យានៅប្រទេសបារាំង
ព័ត៌មានអាហារូបករណ៍, ព្រឹត្តិការណ៍
• 08/01/2026
មូលនិធិគណិតវិទ្យា Jacques Hadamard (FMJH) ប្រកាសបើកទទួលពាក្យសុំអាហារូបករណ៍ Sophie Germain សម្រាប់ឆ្នាំសិក្សា២០២៦។ នេះគឺជាកម្មវិធីអាហារូបករណ៍ដ៏មានកិត្យានុភាពបំផុតមួយ សម្រាប់និស្សិតអន្តរជាតិ...
វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសសិស្សចូលរៀនជំនាញ TVET ឥតគិតថ្លៃ ចំនួន៦៤០នាក់
ព័ត៌មានអាហារូបករណ៍, ព្រឹត្តិការណ៍
• 15/07/2025
វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋ កំពុងប្រកាសជ្រើសរើសសិស្សទាំងពីរភេទឱ្យចូលរៀនជំនាញវិជ្ជាជីវៈ និងបច្ចេកទេសដោយឥតគិតថ្លៃទៅលើជំនាញជាច្រើន ចំនួន ៦៤០នាក់
អាហារូបករណ៍ SHE-CAN ប្រកាសបើកទទួលពាក្យសម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 09/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសហរដ្ឋអាមេរិកសម្រាប់ឆ្នាំសិក្សា២០២៦ ពីកម្មវិធីអាហារូបករណ៍ SHE-CAN ដោយអាហារូបករណ៍ SHE-CAN ចាប់បើកទទួលពាក្យស្នើសុំអាហារូបករណ៍ សម្រាប់និស្សិតស្ត្រី ដើម្បីលើកកម្ពស់ជីវភាព...
ឱកាសទទួលបានកម្មវិធីអប់រំនៅអង្គការដើម្បីភាពញញឹម នៃកុមារ ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 14/08/2025
អង្គការដើម្បីភាពញញឹមនៃកុមារ (PSE) កំពុងប្រកាសជ្រើសរើសសិស្សានុសិស្សដែលមកពីគ្រួសារក្រីក្រ ចូលរៀនអាហារូបករណ៍ក្នុងកម្មវិធីអប់រំសម្រាប់ឆ្នាំសិក្សា២០២៥-២០២៦។ កម្មវិធីផ្ដល់ជូនកម្មវិធីបណ្ដុះបណ្ដាលជំនាញវិជ្ជាជីវៈ កម្មវិធីអប់រំចំណេះទូទៅ...
អាហារូបករណ៍សម្រាប់ជំនាញសិល្បៈ និងតន្រ្តី នៅសាកលវិទ្យាល័យ Edith Cowan ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 30/07/2024
កម្មវិធីអាហារូបករណ៍ Greg Benjamin WAAPA Music Entrance បានប្រកាសផ្តល់អាហារូបករណ៍ដែលមានតម្លៃរហូតដល់ ១ម៉ឺនដុល្លារ សម្រាប់និស្សិតភ្លេងព្យាណូ ...
ក្រសួងអប់រំជ្រើសរើសបេក្ខជនជាង៣ពាន់នាក់ឱ្យទទួលអាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 27/10/2025
តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាសជ្រើសរើសសិស្សានុសិស្សដែលបានប្រឡងជាប់សញ្ញាបត្របច្ចេកទេស និងវិជ្ជាជីវៈកម្រិត៣ សរុបចំនួន ៣ ០២៥កន្លែង...
អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តព្រៃវែង ចំនួន៤២០កន្លែង
ព័ត៌មានអាហារូបករណ៍, ព្រឹត្តិការណ៍
• 07/03/2024
ឱកាសអាហារូបករណ៍សិក្សាជំនាញវិជ្ជាជីវៈចំនួន៤២០កន្លែងនៅវិទ្យាស្ថានពហុបច្ចេកទេសខេត្តព្រៃវែង សម្រាប់ជំហានទី២។ វិទ្យាស្ថានផ្ដល់ជូនវគ្គសិក្សាដល់យុវជន យុវនារីដែលមកពីគ្រួសារក្រីក្រ គ្រួសារ...
កម្មវិធីពិសេសរបស់ AMS EDUCATION
ព័ត៌មានសង្ខេប
