ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សស្ទើរគ្រប់គ្នាសុទ្ធតែមានសមត្ថភាពក្នុងការបង្កើតគំនិតថ្មី ឬធ្វើនវានុវត្តន៍ដើម្បីដោះស្រាយបញ្ហាជុំវិញខ្លួន តែអ្វីដែលជាឧបសគ្គមិនឱ្យពួកគេសម្រេចរបកគំហើញទាំងអស់នោះ គឺការមើលឃើញធំពេកលើគំនិតបង្កើតថ្មី។
កញ្ញា ហេង សុវណ្ណមុនីនុត អ្នកជំនាញផ្នែកបច្ចេកវិទ្យាដែលធ្លាប់ឈ្នះពានរង្វាន់ផ្នែកនវានុវត្តពីប្រទេសមួយចំនួន បានលើកឡើងថា តាមពិតគំនិតបង្កើតថ្មីដែលអាចប្រើប្រាស់បានមិនមែនជាគំនិតដែលត្រូវស្រាវជ្រាវ ឬស្វែងរកពីណាឆ្ងាយពេកនោះទេ តែវាជាគំនិតកើតចេញពីបញ្ហាប្រចាំថ្ងៃដែលយើងជួបប្រទះ។
ឧទាហរណ៍ជាក់ស្តែង នៅក្នុងគម្រោងទី1 ដែលកញ្ញាបានជាប់ពានរង្វាន់នៅប្រទេសម៉ាលេស៊ី គឺគម្រោងកង្ហារឆ្លាតវៃ។ កង្ហារឆ្លាតវៃនេះ មានសមត្ថភាពវិលបាន 360ដឺក្រេ និងមានមុខងារសំខាន់ៗជាច្រើនទៀតដែលអាចបញ្ជារបានតាមរយៈបច្ចេកវិទ្យា។ ប្រសិនបើមើលពីផលិតផលសម្រេចយើងនឹងឃើញថាវាអាចជាឧបករណ៍មួយដែលលំបាកផលិត និងមានភាពសាំញ៉ាំ ឬជាផលិតផលដែលទាមទារគំនិតច្នៃប្រឌិតខ្ពស់ជាដើម តែស្ថានភាពជាក់ស្តែងវាដូចអ្វីដែលយើងគិតទាំងស្រុងនោះទេ។
កញ្ញា បានបន្ថែមទៀតថា តាមពិតគម្រោងមួយនេះកើតឡើងដោយសារតែការមើលឃើញបញ្ហាយ៉ាងតូចមួយតែប៉ុណ្ណោះ។ ថ្ងៃមួយក្រុមការងាររបស់កញ្ញាបានទៅហាងកាហ្វេមួយកន្លែង ដោយទីនោះមានកង្ហារមួយគ្រឿងវិលបានតែ 180ដឺក្រេ។ ហេតុនេះអ្នកនៅមុខកង្ហារ ឬចំទិសដែលកង្ហារបក់ទៅដល់នឹងត្រជាក់ តែអ្នកដែលនៅឆ្ងាយពីមុំនេះទាំងអស់ត្រូវអង្គុយក្តៅ។ ដោយមើលឃើញបែបនេះ ក៏កើតជាសំណួរបឋមថា ចុះប្រសិនបើកង្ហារអាចវិលបាន 360ដឺក្រេនឹងមានរឿងអ្វីកើតឡើង? ហើយវាអាចសន្សំសំចៃអ្វីខ្លះសម្រាប់អ្នកប្រើប្រាស់?
កញ្ញា ហេង សុវណ្ណមុនីនុត បាននិយាយថា៖
“ចាប់ផ្តើមពីគំនិតនេះហើយ ទើបយើងជួបប្រជុំគ្នារវាងអ្នកមានជំនាញវិស្វកម្ម និងអ្នកបច្ចេកវិទ្យា ដើម្បីបង្កើតជាគំរូកង្ហារដែលអាចវិលបាន 360ដឺក្រេ មុននឹងបន្ថែមកូដមួយចំនួនដើម្បីឱ្យវាកាន់តែមានមុខងារទំនើប និងប្រើប្រាស់បានច្រើនយ៉ាង”
ស្ត្រីក្នុងវិស័យបច្ចេកវិទ្យាខាងលើបានបន្ថែមផងដែរថា តាមពិតទៅយើងគ្រប់គ្នាសុទ្ធតែអាចមានសមត្ថភាពក្នុងការបង្កើតសម្មិទផលថ្មី ដោយចាប់ផ្តើមពីបញ្ហាដែលយើងជួបប្រទះជុំវិញខ្លួន។ កន្លងមកអ្វីដែលជាឧបសគ្គរាំងស្ទះដល់អ្នកមានសមត្ថភាពជាច្រើនមិនឱ្យសម្រេចរបកគំហើញថ្មី ដោយសារតែពួកគាត់មើលឃើញរូបភាព ឬរំពឹងទុកខ្ពស់ខ្លាំងពេក។ កាលណាគាត់ចាប់ផ្តើមមើលពីរូបភាពធំពេក គាត់អាចនឹងបាត់បង់ជំនឿចិត្ត ឬថាមពលនៃការផ្តោត ព្រោះទន្ទឹមនឹងពេលគាត់ដែលគាត់គិតពីរបកគំហើញ ខួរក្បាលមួយផ្នែករបស់គាត់បែរជាផ្តោតទៅលើការយល់ឃើញរបស់មនុស្សខាងក្រៅ ភាពល្បីល្បាញ និងផ្នែកជាច្រើនទៀតដែលមិនពាក់ព័ន្ធនឹងការងារចំពោះមុខ។ ជាលទ្ធផល គាត់អាចនឹងមើលឃើញពីកត្តាប្រឈមកាន់តែច្រើនឡើងៗ រហូតដល់គាត់បោះបង់វាចោលនៅថ្ងៃណាមួយ។
ជាដំណោះស្រាយកញ្ញាផ្តល់យោបល់ថា ប្រសិនបើចង់សម្រេចនវានុវត្តន៍ណាមួយ យើងគួរចាប់ផ្តើមពីគំនិតតូចៗទៅមុនសិន។ បន្ទាប់ពីមានផលិតផលបឋមនៅក្នុងដៃហើយ យើងអាចស្វែងរកអ្នកជំនាញផ្សេងៗទៀតដែលយើងគិតថាអាចជួយយើងបានដើម្បីផ្តល់យោបល់ និងអភិវឌ្ឍបន្ថែមលើគំនិតទាំងអស់នោះ។ ការធ្វើបែបនេះនឹងធ្វើឱ្យយើងកាន់តែមានទឹកចិត្តក្នុងការអភិវឌ្ឍ ហើយក្លាយជាអ្នកដោះស្រាយបញ្ហានៃការរស់នៅដោយប្រើវិទ្យាសាស្ត្រ និងបច្ចេកវិទ្យាដ៏ល្អម្នាក់សម្រាប់សង្គម៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍សំខាន់
ព័ត៌មានទូទៅ
ក្រសួងអប់រំគ្រោងអនុវត្តការបង្រៀន និងរៀនតាមអនឡាញ នៅកម្រិតមធ្យមសិក្សា ចំពេលវិបត្តិតម្លៃប្រេងឥន្ទនៈកើនឡើង
បណ្ណាល័យចល័តនៅច្រាំងទន្លេ ខេត្តកំពង់ចាម ត្រូវផ្អាកដោយសារខ្វះសៀវភៅ និងការធ្លាក់ចុះចំនួនអ្នកអាន
កុមារអូទីស្សឹមនៅកម្ពុជានៅតែប្រឈមការរើសអើង ខណៈអ្នកជំនាញអំពាវនាវឱ្យបង្កើនការយកចិត្តទុកដាក់
តិចនិក ៦យ៉ាង ដើម្បីឱ្យរាងកាយសកម្ម ដោយមិនចាំបាច់ទៅកន្លែងហាត់ប្រាណ
ឱកាសអាហារូបករណ៍សម្រាប់និស្សិតកំពុងសិក្សាឆ្នាំទី១ ឬឆ្នាំទី២ នៅសាកលវិទ្យាល័យចំនួន៩របស់កម្ពុជា
លោកស្រី Angelina Jolie គ្រោងសាងសង់បណ្ណាល័យឌីជីថលនៅវិទ្យាល័យសំឡូត
វិទ្យាល័យ ប៊ុន រ៉ានី ហ៊ុនសែន បាទី ខេត្តតាកែវ ឈ្នះជ័យលាភីលេខ១ ក្នុងកម្មវិធី “សាលារៀនទឹកភ្លៀង” ជុំទី២ ឆ្នាំ២០២៦
កុមារជិត៥ពាន់នាក់ទទួលផលប្រយោជន៍ពីម្រោងកម្មវិធីសិក្សាពេញមួយជីវិតក្នុងខេត្តស្ទឹងត្រែង
វិធីសាស្ត្រទាំង ៥ ដើម្បីយកឈ្នះលើភាពភ័យខ្លាចក្នុងពេលប្រឡង
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
កម្មវិធីពិសេសរបស់ AMS EDUCATION
ព័ត៌មានសង្ខេប
