អង្គការ​សុខភាពពិភពលោក ៖ កុមារ​ប្រមាណ១,៣លាននាក់​នៅទូទាំងពិភពលោក កំពុងចូលរួម​ក្នុងការ​ដាំដុះថ្នាំជក់

បរទេស ៖ បើយោងតាមរបាយការណ៍របស់អង្គការសុខភាពពិភពលោក (WHO) ចេញផ្សាយកាលពីពេលថ្មីៗនេះ បានរកឃើញថា កុមារប្រមាណ១,៣លាននាក់នៅទូទាំងពិភពលោកកំពុងតែចូលរួមក្នុងការដាំដុះថ្នាំជក់ ដែលរួមទាំងការធ្វើការក្នុងវិស័យថ្នាំជក់ ការកែច្នៃស្លឹកថ្នាំជក់ និងការផលិតផលិតផលថ្នាំជក់។

បើតាមការសិក្សា ការងារទូទៅដែលកុមារធ្វើរួមមាន ការលាយនិងបាញ់ថ្នាំសម្លាប់សត្វល្អិត ការប្រមូលផលស្លឹកថ្នាំជក់ ការតម្រៀបសន្លឹកថ្នាំជក់ និងសម្ងួតសន្លឹកថ្នាំជក់ ដែលការងារទាំងនោះបានបះពាល់លើកុមារ ដោយសារសារធាតុគីមីគ្រោះថ្នាក់ផ្សេងៗ និងសារធាតុនីកូទីននៅក្នុងថ្នាំថ្នាំជក់។ នេះមានន័យថា ក្នុងការដាំដុះ និងកែច្នៃថ្នាំជក់ កុមារបេះស្លឹកថ្នាំជក់ដោយផ្ទាល់ដៃ ប៉ះពាល់នឹងសារធាតុគីមី ក៏ដូចជាការពុលពីរោងចក្រថ្នាំជក់ អាចធ្វើឱ្យកើតជំងឺម៉្យាង ហៅថា ជំងឺថ្នាំជក់បៃតង។ ជំងឺថ្នាំជក់បៃតង អាចមានរោគសញ្ញាដូចជា កន្ទួលលើស្បែក ប្រតិកម្ម (អាលែហ្សី) ពិបាកដកដង្ហើម ពិការភ្នែក ការពុលគីមី ខូចថ្លើម ជំងឺសរសៃប្រសាទ និងភាពគ្មានកូន ។ល។

យោងតាមអនុសញ្ញាអង្គការសហប្រជាជាតិស្តីពីសិទ្ធិកុមារ មាត្រាទី៣២ បង្ហាញថា កុមារមានសិទ្ធិទទួលបានការការពារពីការកេងប្រវ័ញ្ចសេដ្ឋកិច្ច និងមិនតម្រូវឱ្យបំពេញការងារដែលមានគ្រោះថ្នាក់ ឬអាចប៉ះពាល់ដល់ការសិក្សារបសកុមារ សុខភាព និងការអភិវឌ្ឍរាងកាយរបស់ពួកគេ។ ទន្ទឹមគ្នានេះ យោងតាមអនុសញ្ញា ILO មាត្រា ១៨២ ពលកម្មកុមារក្នុងការផលិតថ្នាំជក់ត្រូវបានហាមឃាត់ទូទាំងពិភពលោក ព្រោះវាធ្វើឱ្យសុខភាពកុមារប្រឈមនឹងហានិភ័យ។

ហេតុអ្វីបានជាកុមារធ្វើការងារដាំដុះថ្នាំជក់?

បើតាមការចេញផ្សាយរបស់គេហំព័រ Unfairtobacco កុមារចូលរួមធ្វើការលើវិស័យដាំថ្នាំជក់ អាចរួមចំណែករកប្រាក់ចំណូលដល់គ្រួសាររបស់ពួកគេ។ ម៉្យាងវិញទៀត ក្រុមហ៊ុនថ្នាំជក់ និងម្ចាស់ចំការទិញស្លឹកថ្នាំជក់មានតម្លៃទាប ធ្វើឱ្យកសិករថ្នាំជក់ពិបាកក្នុងការចិញ្ចឹមជីវិត។ ជាលទ្ធផល គ្រួសារកសិករត្រូវបានបង្ខំដាំថ្នាំជក់ច្រើនជាងមុន ហើយការដាំថ្នាំជក់ជាធម្មតាជាការងារគ្រួសារ ខណៈកុមារ និងសាច់ញាតិភាគច្រើនមិនបានប្រាក់ខែ។

បើតាមប្រភពដដែល ដើម្បីទប់ទល់នឹងកម្លាំងពលកម្មកុមារក្នុងការផលិតថ្នាំជក់ឱ្យបានទូលំទូលាយ ចាំបាច់ត្រូវមានការចូលរួមពីភាគីពាក់ព័ន្ធគ្រប់វិស័យ។ ម្យ៉ាងវិញទៀត គោលដៅ គឺកាត់បន្ថយការប្រើប្រាស់ថ្នាំជក់ទាំងមូល ដើម្បីកែលម្អលក្ខខណ្ឌការងារ ផ្តល់ឱ្យកុមារនូវទស្សនវិស័យប្រកបដោយនិរន្តរភាព និងរយៈពេលវែងសម្រាប់ជីវិតរបស់ពួកគេ។ លើសពីនេះ គប្បីអនុវត្ត ទី១. ជំនួយហិរញ្ញវត្ថុបន្ថែមទៀតសម្រាប់វិធានការ និងកម្មវិធីគ្រប់គ្រងថ្នាំជក់ ទី២. កាតព្វកិច្ចផ្លូវច្បាប់ក្នុងការអនុលោមតាមសិទ្ធិមនុស្សក្នុងខ្សែសង្វាក់ផ្គត់ផ្គង់ និង ទី៣. គាំទ្រដើម្បីប្តូរពីដាំថ្នាំជក់ទៅដំណាំចិញ្ចឹមជីវិតផ្សេងទៀត។

ជាក់ស្ដែង កម្មវិធីផ្ដល់អាហារនៅតាមសាលា គឺជាការលើកទឹកចិត្តដ៏ល្អដំផុតសម្រាប់ឪពុកម្តាយក្នុងការបញ្ជូនកូនទៅសាលារៀន។ ជាពិសេស ប្រសិនបើអាហារដែលដាំដុះក្នុងមូលដ្ឋាន (បន្លែ ផ្លែឈើ) ត្រូវបានប្រើប្រាស់ដើម្បីចិញ្ចឹមសិស្ស នោះវាបង្កើតឱកាសសម្រាប់ជីវភាពកសិករជំនួសការដាំដុះថ្នាំជក់ដែលទទួលបានកម្រៃទាប និងផ្ដល់ផលប៉ះពាល់ដល់សុខភាពមនុស្ស។

តាមរបាយការណ៍របស់អង្គការសុខភាពពិភពលោក ការដាំដំណាំថ្នាំជក់ គឺជាប្រភពបង្កឱ្យមានការកាប់ដើមឈើ ចំនួនយ៉ាងហោច ៦០០លានដើម ជាមធ្យម ជារៀងរាល់ឆ្នាំ។ ទន្ទឹមគ្នានេះទៀត ជាមួយនឹងផ្ទៃដីដំណាំថ្នាំជក់ សរុបទាំងអស់ប្រមាណ ២សែនហិកតា គឺវាត្រូវការទឹកស្រោចស្រពចំនួន ២ម៉ឺនលានតោនក្នុងមួយឆ្នាំ។ បន្ថែមពីនេះ ឧស្សាហកម្មថ្នាំជក់ បញ្ចេញឧស្ម័នកាបូនិក ទៅក្នុងបរិយាកាស ចំនួន ៨១លានតោន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

គន្លឹះក្នុងការសរសេរលិខិតអនុសាសន៍អាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 11/09/2023

លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 17/02/2026

ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សា​នៅសាកលវិទ្យាល័យ HTW Berlin ពីកម្មវិធីអាហារូបករណ៍ DAAD MIDE Scholarship 2026 ប្រទេសអាល្លឺមង់។ ជំនាញដែលអាហារូបករណ៍ផ្ដល់ឱ្យសិក្សា...

ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់

ព័ត៌មានអាហារូបករណ៍, ព្រឹត្តិការណ៍

• 24/06/2026

សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យ​អាហារូបករណ៍​សម្រាប់កម្មវិធី JYU Visiting Fellow Programme 2027 ដល់​និស្សិត និងសាស្ត្រាចារ្យកម្ពុជានៅ​លើ​ការ​...

អាហារូបករណ៍​សម្រាប់ការ​សិក្សាថ្នាក់បរិញ្ញាបត្រ​នៅ​សាកលវិទ្យាល័យ DALI ប្រទេស​ចិន

ព័ត៌មានអាហារូបករណ៍, ព្រឹត្តិការណ៍

• 18/07/2024

សាកលវិទ្យាល័យ DALI នៃ​សាធារណរដ្ឋ​ប្រជាមានិតចិន បាន​ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ​ចំនួន១០កន្លែង ដល់និស្សិត​កម្ពុជា ដើម្បីទៅ​បន្ត​ការ​សិក្សា​នៅ​សាធារណរដ្ឋប្រជាមានិតចិន​ សម្រាប់ឆ្នាំសិក្សា​២០២៤-២០២៥។

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។

ស្ថានទូតឥណ្ឌាបើកវគ្គបណ្តុះបណ្តាល យូហ្គា របាំ និងភាសាហិណ្ឌូ នៅភ្នំពេញ

ព័ត៌មានអាហារូបករណ៍, ព្រឹត្តិការណ៍

• 08/05/2026

ស្ថានទូតឥណ្ឌាប្រចាំប្រទេសកម្ពុជា បានប្រកាសបើកទទួលពាក្យចូលរៀនថ្នាក់ជំនាញវប្បធម៌ និងភាសាសម្រាប់សាធារណជន ដែលរួមមាន យូហ្គា (Yoga)

អាហារូបកណ៍សិក្សាជំនាញវិជ្ជាជីវៈនៅវិទ្យាស្ថានជាតិសហគ្រិនភាព និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 27/08/2024

ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ច...

អតីតពលករវិលត្រឡប់​មក​ពីប្រទេស​ថៃ, វិទ្យាស្ថាន​ពហុបច្ចេកទេស​ភូមិ​ភាគតេជោសែនសៀមរាប ផ្តល់អាហារូបករណ៍ជិត៣ពាន់កន្លែង សិក្សាជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 12/05/2026

ជា​ឱកាស​សម្រាប់​បងប្អូនអតីតពលករ​វិលត្រឡប់មក​ពីប្រទេស​ថៃ ពេលនេះវិទ្យាស្ថានពហុបច្ចេកទេស​ភូមិ​ភាគ​តេជោសែន​សៀមរាប ដែល​ជា​គ្រឹះស្ថាន​សាធារណៈ​ស្ថិត​នៅក្រោម​ក្រសួងការងារ និង​បណ្តុះបណ្តាលវិជ្ជាជីវៈ...

ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 23/11/2023

វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...