ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលកម្ពុជា ៤.០ សហការជាមួយសហភាពសហព័ន្ធយុវជនកម្ពុជា និងសាកលវិទ្យាល័យប៊ែលធី អន្តរជាតិ នឹងរៀបចំ វេទិកាកម្ពុជា ៤.០ លើកទី៤ ស្តីពី “ភាពជាអ្នកដឹកនាំរបស់យុវជននៅក្នុងយុគសម័យឌីជីថល” នារសៀលថ្ងៃទី១២ ខែមីនា ឆ្នាំ២០២៥ សប្តាហ៍ក្រោយនេះ នៅសាកលវិទ្យាល័យប៊ែលធី អន្តរជាតិ សាខាស្ពានអាកាសចោមចៅ ក្រោមអធិបតីភាពរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានក្រុមប្រឹក្សាភិបាល នៃមជ្ឈមណ្ឌលកម្ពុជា ៤.០ និងជាប្រធានសហភាពសហព័ន្ធយុវជនកម្ពុជា។
នៅក្នុងវេទិកានោះ មានការធ្វើបទឧទ្ទេសនាមលើប្រធានបទចំនួន ២ រួមមាន ទី១ «ភាពជាអ្នកដឹកនាំរបស់យុវជននៅក្នុងការកសាងសេដ្ឋកិច្ចឌីជីថល» និងទី២ «ការកសាងភាពធន់ នៅក្នុងភាពជាអ្នកដឹកនាំរបស់យុវជន តាមរយៈការប្រើប្រាស់បច្ចេកវិទ្យាឌីជីថល» ជាមួយនឹងកិច្ចពិភាក្សាតុមូល ក្រោមប្រធានបទ «ភាពជាអ្នកដឹកនាំឌីជីថល ៖ កាលានុវត្តភាព និងបញ្ហាប្រឈមសម្រាប់យុវជន»។
វេទិកានេះ នឹងមានការចូលរួមពីគ្រប់ភាគីពាក់ព័ន្ធ រួមមាន តំណាងក្រសួង ស្ថាប័ន, វិស័យឯកជន, អង្គការ, សមាគម, គ្រឹះស្ថានអប់រំ និងសិស្សនិស្សិត។
នាឱ៌កាសវេទិកានោះ ក៏មានពិធីចុះហត្ថលេខាលើអនុស្សរណៈ នៃការយោគយល់គ្នា ស្តីពី ភាពជាដៃគូក្នុងការពង្រឹងកិច្ចសហប្រតិបត្តិការ រវាង មជ្ឈមណ្ឌលកម្ពុជា ៤.០ និងសាកលវិទ្យាល័យ ប៊ែលធី អន្តរជាតិ ក្នុងគោលបំណងចាប់ផ្តើមពង្រឹងភាពជាដៃគូរវាងស្ថាប័នទាំងពីរ តាមរយៈការអនុវត្តសកម្មភាពរួមគ្នា, ការបញ្រ្ជាបការយល់ដឹងអំពីបច្ចេកវិទ្យា, ការជំរុញការបណ្តុះបណ្តាលអក្ខរកម្មឌីជីថល និងការកសាងមូលធនមនុស្ស ដើម្បីចូលរួមចំណែកជំរុញការកសាងសេដ្ឋកិច្ច សង្គមឌីជីថលនៅកម្ពុជា៕
