ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ទទួលបានមេដាយថ្នាក់ខ្ពស់បំផុត “មេដាយផូសៃឡានសាង” ពីឯកឧត្តម Thongloun Sisoulith ប្រធានាធិបតីសាធារណរដ្ឋប្រជាធិបតេយ្យប្រជាមានិតឡាវ នារសៀលថ្ងៃចន្ទ ទី១៣ ខែកុម្ភៈ ឆ្នាំ២០២៣ នៅទីក្រុងវៀងច័ន្ទន៍ ប្រទេសឡាវ ។ គ្រឿងឥស្សរិយសនេះ តំណាងឱ្យគុណបំណាច់ដ៏ធំធេង ដោយសារសម្តេចតេជោបានជួយដល់ប្រទេស និងប្រជាជនឡាវដំណាក់កាលនៃការឆ្លងរីករាលដាលនៃជំងឺកូវីដ-១៩។
នៅក្នុងឱកាសថ្លែងសុន្ទរកថាទទួលគ្រឿងឥស្សរិយយសសម្តេចតេជោ ហ៊ុន សែន នាយករដ្ឋមន្ត្រី បានចាត់ទុកគ្រឿងឥស្សរិយយស “មេដាយផូសៃឡានសាង ឬពរជ័យឡានសាង” ជាមោទនភាពសម្រាប់ប្រជាជាតិកម្ពុជាទាំងមូល និងជានិមិត្តរូបដ៏មានសារៈសំខាន់គ្មានពីរនៃទំនាក់ទំនងដ៏រឹងមាំរវាងប្រទេសកម្ពុជានិងឡាវ ។
សូមជម្រាបថា គ្រឿងឥស្សរិយយស “មេដាយផូសៃឡានសាង” គឺជាមេដាយដែលមានគុណតម្លៃខ្ពស់បំផុតរបស់សាធារណរដ្ឋប្រជាធិបតេយ្យប្រជាមានិតឡាវ សម្រាប់បំពាក់ជូនថ្នាក់ដឹកនាំបរទេសដែលមានស្នាដៃចូលរួមចំណែកលើកកម្ពស់ទំនាក់ទំនង មិត្តភាព និងសហប្រតិបត្តិការល្អជាមួយប្រទេសឡាវ ។
កាលពីឆ្នាំ២០២១ កន្លងទៅ សម្តេចតេជោ នាយករដ្ឋមន្រ្តីនៃកម្ពុជា បានផ្តល់ជំនួយថវិកា វ៉ាក់សាំងបង្ការជំងឺកូវីដ-១៩ ចំនួនជិត ១លានដូស គ្រឿងបរិក្ខារពេទ្យ និងរថយន្តសម្រាប់ដឹកវ៉ាក់សាំងប្រមាណជា ១០គ្រឿង ដើម្បីជួយដល់ប្រជាជនឡាវដែលជួបការលំបាកដោយសារឥទ្ធិពលនៃការរាតត្បាតជំងឺកូវីដ-១៩៕
