ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា បានរកឃើញសិស្សឆ្នើមចំនួន ៥០នាក់ដែលក្នុងនោះទទួលបានមេដាយមាសចំនួន៥នាក់ មេដាយប្រាក់ ចំនួន១០នាក់ និង មេដាយសំរឹទ្ធចំនួន ១៥នាក់ ក្នុងការប្រកួតគណិតវិទ្យាថ្នាក់ជាតិដោយប្រើម៉ាស៊ីនគិតលេខវិទ្យាសាស្រ្ដ និងគណិតវិទ្យាអន្តរជាតិតាមប្រព័ន្ធអនឡាញ ឆ្នាំ២០២៣ ។
នៅក្នុងពិធីប្រគល់មេដាយ រង្វាន់ ប្រកាសនីយបត្រជូនដល់ជ័យលាភីដែលបានចូលរួមប្រកួតប្រជែងគណិតវិទ្យាថ្នាក់ជាតិដោយប្រើម៉ាស៊ីនគិតវិទ្យាសាស្រ្ដ Scientific Calculator និងគណិតវិទ្យាអន្តរជាតិតាមប្រព័ន្ធអនឡាញ Caribou Content 2023 ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា បានមានប្រសាសន៍សំណេះសំណាល និងលើកទឹកចិត្ដឱ្យប្អូនសិស្សានុសិស្សយកចិត្តទុកដាក់សិក្សារៀនសូត្រ និងចេះប្រើប្រាស់ម៉ាស៊ីនគិតលេខឱ្យបានត្រឹមត្រូវ។
ការប្រកួតប្រជែងគណិតវិទ្យាដោយប្រើម៉ាស៊ីនគិតលេខវិទ្យាសាស្ត្រនេះ រៀបចំឡើងក្នុងគោលបំណងចូលរួមពង្រឹងសមត្ថភាពសិស្ស ព្រមទាំងពង្រឹងគុណភាព និងប្រសិទ្ធភាពនៃការរៀន និងការសិក្សាស្រាវជ្រាវគណិតវិទ្យា ជាពិសេសតាមរយៈការបញ្ជ្រាប ICT ទៅក្នុងការអប់រំគណិតវិទ្យានៅកម្ពុជា។
គួរជំរាបជូនដែរថា ការប្រកួតគណិតវិទ្យាដោយប្រើម៉ាស៊ីនគិតលេខវិទ្យាសស្រ្ត និងគណិតវិទ្យាអន្តរជាតិតាមប្រព័ន្ធអនឡាញឆ្នាំ២០២៣ បានប្រព្រឹត្តទៅកាលពីខែមិថុនា ដោយមានសិស្សានុសិស្សពីថ្នាក់ទី៧ ដល់ថ្នាក់ទី១១ សរុបប្រមាណ១២០០នាក់ មកពី៣៥អនុវិទ្យាល័យ វិទ្យាល័យរដ្ឋ និងឯកជន ចុះឈ្មោះចូលរួមប្រកួត៕
